ليا طاح الهواوي مستصيب ونكّـس الرايـات ،،،،،،،،،،،،
السلام عليكم ورحمة الله وبركاته
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] جسور الوصل وقصور الغرام وباحة البسمـات=وبستـان الزهـور اليانعـه وآثـار زارعهـا غدت مثل التراث اللي عليه من الزمن دقــّـات=وبيبانه كثر صفـق الهـوى فيهـا مخلّعهـا مبانيها رست عامين في وجه اعنف الازمـات=يدق الوقت ساس جدارهـا وازرى يزعزعهـا ولكن الحصـار المستمـر وقطـع الامـدادات=وغيبة روحها اللـي فـي مواقفهـا تشجعهـا قضيـة ثانيـة زادت علـى نكباتهـا نكبـات=وهدّت عزمها حتـى بـدت قصـة تصدعهـا تحالف ضدها حزبين واحدهـم عديـل الـذات=(صواديف الليالي) و(الحشيم )اللي وقف معها حسبته عون لكنّـه طلـع فرعـون فالشـدّّات=يشقّـق فالعبـاة الضافيـة ويقـول رقعـهـا وزاد الطين بله نفس حرً ترفـض الانصـات=لشيطـان الهـوى مـدام مقصـوده يركّعهـا معاوين الزمان اللي تمـرّك فاحلـك الاوقـات=ليا جاتـك عليهـا فرصـة ً شتـت تجمعهـا قبل ترميك رمية ما انت داري جاتك من أيّات=رقبة الحية اللي تلتوي فـي دربـك اقطعهـا لك الله ما اجزي الحسنات مهما كان بالسيّـات=لكـن السيئـة لا جاتنـي لابــد اسنعـهـا تبا تبطي عظم ما اخلفتني يا ساحر النظـرات=لو ان الناس نظره منـك مسمومـة تضيعهـا جفا ضده جفا طاقين والحيلـه لهـا حيـلات=وشيكـات المـوده خـل راعيهـا ينقعـهـا ليا طاح الهواوي مستصيب ونكّـس الرايـات=عزوم طيور شلوى فوق هام السحب ترفعهـا عليك الخوف من ركن الشتات وشاطي اللوعات=وتيار البحـور اللـي كبـار السفـن تبلعهـا عساك تصرّف امرك بس فالروحات والجيّـات=وتوصلك السفينه قبل مـوج البحـر يدفعهـا ليا ساعدك حظك واستطعت تقـاوم الصدمـات=تعلّم واعتبر مـن مزحـة الأيـام باصبعهـا وكان امسيت بين الهم والولـوال و الآهـات=وروحك بلسم النسيان مـا خفـف مواجعهـا لا عاد تجر صوتك فالفيافي كـل شـيً فـات=نشف حبر القلم والصحف وزعهـا موزعهـا اخذها كاش في مشهد درامي فآخـر الحلقـات=حقيقة قـدم يمضـي وقتهـا لابـد تسمعهـا موازين القوى والهيمنه والـراي والهيبـات=حدث تغيير جذري صار رسمي فـي مواقعهـا وعدّاد الشجون اللي منول يحسـب الغيبـات=فصل من خدمته والعهده اللـي معـه رجعهـا اذا مبداك تبرير الوسيله فـي قفـا الغايـات=انا مالي ومال الشجـرة ام الـداب وافرعهـا خفوقي يا خفوقي قابـل الصـدات بالصـدات=نفوسً مقفيـه مانـي بخابـر حـر يتبعهـا وحتى المقبله لا تحتري منها رضا لـو جـات=تجربعك العرب باسـم الولـه والاً تجربعهـا تبعّد عن دهاليـز الظـلام وعجـل الخطـوات=تراك تضر نفسـك والله انـك مانـت نافعهـا مدام ان العمر قافيـه بكـره هـادم اللـذات=مسجل كل روح وبامـر رب الكـون ينزعهـا تذكر موقفي مع موقفك في ساعـة السكـرات=ليا هلـت عليـك عيـون مغلينـك مدامعهـا تبصّر واسلك الدرب السوي وابعّد عن الهويات=وسلعه مشتبه في وضعها بارخص ثمن بعهـا اقوله والجسور المرمسة والقصر والشرفـات=ما ابي منها وداع ولا نـي بمحتـاج اودعهـا [/poem] |
الله عليك يالسمي ،
:) وصح اللسانك على المعلقة الطيبه ، ولاهنت :wardah: |
الله الله الله الله الله
محمد مسفر.. صح لسآآنك مليون.. قصيده تدل على شآعريتك الجميله.. لآهنت.. وتقبل تحيّتي ومودتي.. |
محمد مسفر صح لسانك
قصيده مفعمه بالابداع ارويت الذائقه بعذوبتك اعجابي وتقديري اتمنالك التوفيق |
هذا الشعر اللي عليه الكلام
واللي كل ٍ يبحث عنه لله درك يامحمد وصح لسانك تحياتي وتقديري |
صح لسانك
ولاهان راسك جزله ورائعه لاهنت تحاياي |
اقتباس:
هلا وغلا يابن مشوووط شرفتني بمرورك العطررررر طاب حالك وفالك وصح بدنك والله لا يهينك تقديري الجم |
اقتباس:
صراااحه رووووعه الله لايضرك تحيتي لك |
بسم الله ماشاء الله يابو مسفر والله لايضرك اشهد انها قصيدة ليا قالوا قصيدة ولاعلي من الحكي
صح لسانك صح لسانك |
الله عليك يا محمد
مبدع مبدع مبدع مبدع مبدع الى ما لا نهايه صح لسانك و انا اخوك تحياتي ش. س. |
مــــدام ان الـعــمــر قـافــيــه بــكـــره هـــــادم الــلـــذات
مـسـجــل كــــل روح وبــامــر رب الــكــون يـنـزعـهــا تـذكـر موقـفـي مــع موقـفـك فــي سـاعـة السـكـرات لــيــا هــلـــت عـلــيــك عــيـــون مـغـلـيـنـك مـدامـعـهــا تبصّر واسلك الدرب السوي وابعّـد عـن الهويـات وسلعـه مشتبـه فـي وضعهـا بارخـص ثـمـن بعـهـا اقـولـه والـجـسـور المـرمـسـة والـقـصـر والـشـرفـات مــا ابـــي مـنـهـا وداع ولا نـــي بمـحـتـاج اودعـهــا الله عليك يا محمد شاعر جميــل ومبــدع يعلم الله صح لسانك مليون ولا يكفون تقبل مروري كـل الود آخوك |
الله الله
صح لسانك يامحمد مليون ولا يكفون على هالمعلقه قصيده رائعه بروعة قائلها وجزله بجزالته بيض الله وجهك وصح لسانك مرار وتكرار لك مني كل الود والتقدير |
الله الله الله
محمد صح لسانك مليون في مليون مبدع نظم ومحاوره سجلني احد المتابعين المعجبين بشعرك |
اقتباس:
:wardah::wardah::wardah: :wardah::wardah::wardah: :wardah::wardah::wardah: اللـــــــــــــــــــــــــــــــــــــــــــــه اللــــــــــــــــــــــــــــــــــه اللـــــــــــــه اللــــــــــــــه اللـــــــــــــــــه اللــــــه اللــــــــــه اللـــــــــه اللــــه اللـــــه اللــــــه اللــه اللـــه اللـــه الله الله الله الله الله الله صح السانك وسلمتك يمينك حقيقه كلام من ذهب اتمنى لك التوفيق هذا ما اجد مام هذا النص |
الله الله الله
يا سلااااااااااااااااااااااااااااااااااااااااام يا محمد ياخي والله مدري وش اقول لكن الاكيد انك ما انت مبدع .. الا سبقت الابداع قصيده فعلا تروي الذائقه نص مثقف عنوانه الجزاله وزن قافيه معنى بحر ترابط تسلسل صور شعريه محمد مسفر اسم اول مره اقرأ لك ولكنك ستكون في المفضله منذ اللحظه ويشرفني متابعة شاعر يحمل مقومات الابداع والجزاله بكل جداره |
اقتباس:
اهلين وسهلين يا عبد العزيز الجمال والروعة في حضورك المشرف صح بدنك ملايين وسلمت تقديررري لك |
اقتباس:
مرحبا يا عيـــــــد ما سطرته يداك هنا اعتبره وسام صح بدنك ولاهنت احترررامي لك |
اقتباس:
الله يحييك يابن عووون سعدت بمرورك وتشرفت بتعليقك الطيب يا طيب صح بدنك والله لا يهينك احتررررامي لك |
اقتباس:
شرفتني كثير بحضورك صح بدنك والله لا يهينك تقديري لك |
اقتباس:
حياك الله يا عبد الله الروووعة حضورك المشررررف هنا سلمت ودمت بخير احتررررامي لك |
اقتباس:
مراااااااااااحب يا سعووووود حضور فاخر ومشرف وشهاااااادة غالية كثيرررر صح بدنك ولاهنت احتررررامي لك |
اقتباس:
هلا وغلا يا شفق السريع حضرت فشرفت اخوك ونورت المتصفح كله صح بدنك والله لا يهينك احترااااااامي لك |
| جميع الأوقات بتوقيت GMT +3. الساعة الآن 02:21 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية