سلوة قلب ..!
 

السلام عليكم ورحمة الله وبركاته
.
.
بعد الغياب بظروف الدراسة اقدم لكم هالمتواضعة
لعلها تشفع لي غيابي المبرر


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياقلب وقتك ليه تشكي بلاويه ؟=اصبر مدام الوقت هاذي صدوفه ..!
غيرك شكى .. ولالقى من يشكويه=واصبر‎‎‏ .. لو ان الحمل مرخي كتوفه
مصبر على اللي فيه .. لوفيه مافيه=لو ان بقعاء كل يومن تلوفه
ياقلب ذا وقتك .. وهاذي مباديه=ولاحدن مع الايام حقق شفوفه..!
هذا فقير .. يدور اللي يعشيه=وهذا غني .. يشكي ويبكي ظروفه
وهذا مريض .. يدور اللي يداويه=وهذا صحيح .. صدوف بقعاء تحوفه
وهذ يتيم .. يدوّر اللي يراعيه=وهذا ابو .. يبكي من عيال جوفه
وهذا سجين .. ومنيته شوف غاليه=وهذا على الباطل .. عيونه شغوفه
وهذا معاق .. مكبـّله عوق رجليه=تدري وش اعظم امنياته ؟! وقوفه
وهذا ضريرن .. صارت اعظم امانيه..!=يتأمل فوجه .. وينظر وصوفه
ياويش اعدّد ..! واجد اللي هقاويه=ازرا يحققها وهي قدم شوفه
الآدمي لولا الامل .. ويش محييه ؟!=دام الامل يولد من اعماق خوفه
احدن بنى المستقبل بشؤم ماضيه ;=واضحى على وضعه يقلب كفوفه..!
واحدن محى الماضي .. وصحح مساعيه=و ناء بنفسه عن مضاجع حتوفه
الصبر سلوة قلب .. وأسمى معانيه ..=عواقبه .. وان طولن مخلوفه
والشؤم ليلن .. غير ماسرّ ساريه=دربه طويل ..وتاليته الحسوفه
والفال صبحن .. لا انبلج وجه راعيه=يضحك .. لو ان الهم جند صفوفه
هذا انا بين العتب والمشاريه=والهم جرّد قدم عيني سيوفه
ابكي على رجمن طوالن مباديه=فارقته وهالحين كثروا ضيوفه
العام اسج الرجل فأعلى مراقيه=واليوم ؟! حتى ماحصلـّي اشوفه
انحيت عنه غصب .. مانيب شانيه=لكن اموت .. ولانسيت معروفه
قلدني وشاحن .. على صدر راعيه=نال الشرف منه .. وزانت حروفه
[/poem]


وسلامة عيون كل من مرأ لهوووون

الآدمي لولا الامل .. ويـش محييـه ؟!
.................. دام الامل يولـد مـن اعمـاق خوفـه
ناصر آل صامل
صح لسانك وسلم بنانك
قصيدة جزلة فيها من الشعر الشيء الكثير
لاهنت ولا هان قصيدك الجزل
تقبل تحيات
أخوووك


محمد

الله الله الله

صح لسانك وابداع والله يوفقك في الدراسة

وتحياتي لك

محمد المغيري
.
.
استاذ وكبير في عين اخوك الصغير
شاكر ومقدر ياصديقي

ثامر القثامي
.
.
ويوفقك لما فيه الخير والرضا
غالي غالي
في قلب اخوك
وصح كلك

لاهنت لاهنت

الصبر سلوة قلب .. وأسمى معانيـه ..
عواقـبـه .. وان طـولـن مخلـوفـه
والشؤم ليلـن .. غيـر ماسـرّ ساريـه
دربـه طويـل ..وتاليتـه الحسـوفـه
والفال صبحن .. لا انبلج وجـه راعيـه
يضحك .. لو ان الهـم جنـد صفوفـه

( ناصر آل صامل )
إشتقت كثيراً لـ رؤية إسمك قبل أن أشتاق كثيراً لقراءة شعرك .
حضورك هذا المساء من أجمل اللحظات

مرحبا ثم مرحبا

وصحّ لسانك على هذا العزف المنفرد الذي لا يعزفه الاّ ( أنت )
تقبل تقديري

ناصر ,
صح لسانك وبيانك يا مبدع رائع رائع رائع
مودتي لك ,
:wardah:

ناصر


مرحبا الف

وسلامت عينك وقلبك وفكرك
لاني احد المارين منهوووون

صح السانك


تقديري

ياويش اعدّد ..! واجـد اللـي هقاويـه
ازرا يحققهـا وهـي قــدم شـوفـه

الآدمي لولا الامل .. ويـش محييـه ؟!
دام الامـل يولـد مـن اعمـاق خوفـه




الله الله


صح لسانك


ولآهنت


تحياتي

الآدمي لولا الامل .. ويـش محييـه ؟!
دام الامـل يولـد مـن اعمـاق خوفـه
احدن بنى المستقبـل بشـؤم ماضيـه ;
واضحى على وضعه يقلـب كفوفـه..!


الله الله

صح لسانك يالسمي

مبدع بكل حالاتك يا ناصر

تحياتي ومتابعتي

صديقي وسميي
ناصر بن تراحيب
.
.
صح كلك والله يوفقنا واياك الى مايحبه ويرضاه
غالي وعزيز والشاهد ربك

مرحبا
مرحبا
مرحبا
مرحبا

مدري ارحب بالشاعر ولا ارحب بالشعر
والاثنين يستاهلون ورب الكعبه
ناصر قصيدة مايكتبها الا مبدع شبعان ابداع
لله درك ووفقك الله في الدراسه وعقبال مانستقبلك بالشهاده :)

الآدمي لولا الامل .. ويـش محييـه ؟!
دام الامـل يولـد مـن اعمـاق خوفـه


صح لسانك ولا هنت

يا مرحبا تراحيب المطر يا ناصر

وأبرك الساعات اللي جابتك وجات بجديدك يا مبدع


الآدمـــــي لـــــولا الامـــــل .. ويــــــش مـحـيــيــه ؟!
دام الامــــــل يـــــولـــــد مــــن اعـمـاق خـوفــــــه



لله درّك على هكذا حضور مميز وممتع

صح لسانك الف والله يردك سالم غانم



محبتي وتحيتي والاعجاب ما يخفاك :)

دام الأمل يولد من أعماق خوفه !!

بدا يظهر تأثير فلسفة الأدب الإنجليزي على شعرك :)

زي ما قلت لك قبل كم شهر إن النص هذا إبداع متفرّد

وإنه بيلقى أصداء جميلة، والردود اللي قبلي أكبر دليل

صح لسانك يا أبو فهيد والله يرجعك لنا سالم وغانم

الأخ الغالي ناصر آل صامل


صح لسانك و انا اخوك

نص متفرد و راقي


تقبل صادق الاعجاب


اخوكم


ش. س.

طولت الغيبه ياناصر

لكن تشفع لك هذه الدره يالغالي ..

مرحبا بك وبها وقبل الاعجاب المتواصل .

عبدالرحمن السمين
.
.
صديقي وعزيزي
الابداع يكمن في وجودك شرفتني وربك شاهد
لاهنت ياصديقي

الله عليك ياناصر

شاعريّه منفرده وحضور رائع

صح السانك مدد

ودمت بخير

معدي المرقاب
.
.
عزيز وغالي واراءك تهمني بقد مايهمني حضورك
غاااالي وفديت راسك
لاهنت ياصديقي

ناصر

مرحبا بك وبعودتك
وصح لسانك مدد