!! أصحى يا نايم !!
السلام عليكم ورحمة الله
أسعد الله جميع أوقاتكم بكل خير [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] يا سهيل عيّا يبرد المس يا سهيل = الارض رمضا والهبايب سمايم لو ما بديت وشفتك امع آخر الليل = لا قول ما تظهر على نجد دايم توقص أوقاص أنوار بيض القناديل = وتفصل فصول الوقت فصل التوايم معك اعتدال الجو ما يقبل الميل = لو تطلع( الجوزا ) وزان ( النعايم ) مالك شبيه الاّ المبشر بالانجيل = وآدم ترى وضعه لوضعك ملايم ولدت من رحم الليال المقابيل = وأسمك سبقك ولا تبا لك تمايم أفرح وأغني والبشاير زعاجيل = برد عليّه يا نسيم النسايم نور الجدي محرق كبود الدواليل = والجو مرّه صحو وأمرار غايم وشلون أبا اراعيك يالنجم أبو ذيل ؟ = والقيض في وجهي مسوي علايم سبعة شهور امقيم .. وأعبر من امحيل ! = ضيق قدم رجلي وساع الخرايم قمت أدّرج مثل ادّراج المحاحيل = أزايم الدنيا وأهلها مزايم أحط مع درب المحبين وآشيل = مالي على درب المحبين لايم من حنت المقهور .. وأدباكت الخيل = لآخر ملاحا نايحات الحمايم واقف على ساق وقدم في نحى السيل = وخارت قوايه يا قوي العزايم ما عاد إلي حيله .. ولا عاد إلي حيل = مار أسمعوا يا ناقلين النمايم الله يبيض وجه بيض المواصيل = والله يسوّد وجه سود الظلايم ما عاقب العشاق غير العواذيل = هالحين والاّ فالسنين القدايم يأم العيون أم الرموش المظاليل = لو قلت لك عاشق .. ومغرم .. وهايم ؟ ماني معك سالم من القال والقيل = امن النقيلي صرت راعي جرايم اللي عليّ ايكيل ويزوّد الكيل = ما كنني مسلم مصلي وصايم !! أخذي خبر موجز بليا تفاصيل = مما بدالي عن لعين الرسايم مريض لو أنّه سليم التحاليل ! = وامعاق لو أنّه سليم القوايم ! لا تدخلينه .. والهوى ماله ادخيل = خلّيه يسهج بين بيض العمايم يا نور عينيّه ويا شمعة الجيل = شومي وأنا عن ما يقولون شايم أمّا أنشدي عنّي عيال الرياجيل = والاّ عيال العجز نافر ورايم ترى الدعاوي كلبّوها تساهيل = لو ( ساهر ) يدبّل عليّ القسايم اجتزت في حبك جميع العراقيل = وأنا على جنبي ، وقاعد ، وقايم وأقفى شبابي في ردود المراسيل = أشطب قوايم .. وأتصفّح قوايم اظروفنا تهْدر .. وأحاسيسنا حيل ! = والحب ما يصرف بدل ( أوفر تايم ) جرّي على منابت ارموشك الميل = وأجر صوتي جر وأصحى يا نايم [/poem] ... |
حجز ملكي
فاخر 1 |
أبي أجيك يالأمير : ) |
لو لي سلطة في المرقاب
خليت لجديدك بنر ، على شان الناس تدري وتستمتع وتستفيد ابو دويحان انت شاعر استثنائي ومهما مدح الواحد وتكلم يروح وفي نفسه شيء ماقاله ، والاكيد انك علامة فارقه في جبين المرقاب |
عايض النفيعي
ونص / لامس سهيل وبقيّة النجوم ، وتمرّد على ساهر ، وداعب الإحساس ، ولبس الإبداع : ) هنا كوكتيل إبداع لـ ك . تحياتي لك وتقديري |
الاماركه عالية الجوده
عايض بدون مجامله والله اني استمتع يوم اقراء لك والغريب ان لها يومين لم اجد عليها الااربع ردود ياناس يامتذوقين الشعر هل هذا يعقل صح السانك صح السانك :wardah: :wardah: :wardah: صح السانك صح السانك :wardah: :wardah: :wardah: تقبل مروري المتواضع 0 |
عايض النفيعي
بمجرد قراءة اسمك .. نيقن ان الابداع والتفرد والحرفنة والشاعرية الحقة .. هنا لا محالة مبدع الى مالا نهاية صح لسانك وتقبل متابعتي وتقديري اخي .. . . . |
الله الله ياعايض
شعر وشعور وحرفنه راهيه اهنيّك عليها وصح السانك مدد ،، |
من فترة ماقريت قصيدة كذا
:wardah: لا هنت |
صح لسانك
وعتلاشانك ياعايض تحيتي وتقديري |
اقتباس:
عايض النفيعي لله درّك ولله درّ بدعٍ تعده عزالله اني استمتعت بالشعر الاصيل في كل بيت من الابيات شاعر مبدع مبدع الى مالا نهايه صح لسانك صح لسانك صح لسانك الاعجاب سابق اقبل التحيه والمحبه ولا تقطعنا من تواصلك :) |
هذا والله الذهب لا اله الا الله وتبارك الرحمن ,
عايض , صح لسانك وبيانك يا عملاق وعز الله أشبعتني جزاله وأبداع , مودتي لك . :wardah: |
انتظرني لين تنتهي المحاضره يامجررم:icon31:
|
الله اكبر الله اكبر
صح لسانك وبيض الله وجهك هذاالشعر اللي حنا في حاجه الى سماعه قواك الله امتعتنا واطربتنا شعر لك مني كل الود والتقدير تحياتي لك |
هلا ، وغلا
بالشعر الحقيقي ، والحرف الجزل :) صح اللسانك تتقزّم أمام قامتك ، وقامة الإبداع . :SnipeR (69): |
لا حرام انها شي ثاااااااااااني ..
عايض : في كل لوحه تتقنها اتيقن ان الشعر لا يزال في مساره الصحيح .. هنا درس لـ عمالقه الشعر كيف يحب ان يكتب الشعر .. هنا اكاديميه شعر ونص باذخ وممتع وجزل .. غامض الى حد الوضوح وواضح الى حد الغموض , لعبه صعبه لا يتقنها والله الا ( عايض النفيعي ) وكفى .. ان كان يحق لي الافتخار بأن في ربعي شاعر , فـ انت والله في مقدمه شعراء ربعي .. ليت لي والله سلطه واعلقها على باب المرقاب .. واكتب عليها : الى عمالقه الشعر .. هنا الشعر اعلم ان خلف هذا النص شاعر .. يغرد لوحده خارج السرب .. عايض : لازلت بانتظار وعدك .. تراه طلب .. وانت عند وعدك .. ابو دويحان : حب لي خشمك بكل الطرق المستطاعه (hrt777-* |
عايض النفيعي
عشت معك المعاناه بتفاصيلها صح لسانك والله يستر عليك وتوقع على نفسك سجل اعجابي و محبتي :wardah: اخيك |
أمّـا أنشـدي عنّـي عيـال الرياجيـل
والاّ عيـال العـجـز نـافـر ورايــم لله درّك ياشيخ وكفـــــــــــى مبدع وغيرررر صح لساانك حتى ترضى |
صح السانك يا عايض
مبدع وجزل تحيتي |
مجرم الله ربنا وربك
عايض تبي الصحيح والله العظيم ان قصيدك يستهويني لحد الثماله صح السانك ياسنايدي |
عآيض الله الله صح لسآنك مليون ولآ هنت إبدآع إلى مآلآ نهآيه كل آلتقدير |
مـا عاقـب العشـاق غيـر العواذيـل
هالحـيـن والاّ فالسنـيـن القـدايـم مـا عاقـب العشـاق غيـر العواذيـل هالحـيـن والاّ فالسنـيـن القـدايـم مـا عاقـب العشـاق غيـر العواذيـل هالحـيـن والاّ فالسنـيـن القـدايـم يا سلام على الجزالة والابداع والإمتاع صح لسانك وبيض الله وجهك على هذا الرقي .. وتلك الفاتنة تحياتي + إعجابي |
| جميع الأوقات بتوقيت GMT +3. الساعة الآن 04:10 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية