بسم الله الرحمن الرحيم

صباح // مساء ... الخير

مصافحه أولى اتمنى تصل لعلو ذوائقكم

.

.



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
المشاعر تجوعك.. والضمى بالدموع =عقب وجهة رحيلك.. زاد جور ورثاك
أرتمي في جفاف الخد.. قفر الفروع= وأطلب القلب يصمت من ضلوعي صداك
وأحتمي خلف حزني.. عقب موت الشموع=وأترجّى ظلامي لا يغطّي هناك
يابس الغصن ينمي في ضميري زروع=للعذاب المعزّر.. من حصاده جفاك
شوف ناظر إ/باقي صاحبن كان طوع=وش بقى غير روح(ن) فانيه يوم جاك
كنت آمل أحصل فيك تلع لطلوع= ما دريت إنك أنزل ..حتى في مستواك
كنت أحسبك سحابه ..هامه.. بلا قنوع=وأثر شمس الصباح مبّينه ما حواك
حين طاح القناع.. وبان وجهك يروع=كيف شفتك بعيني قبل هذا ملاك..!
غدر ظلمك تطاول في غفوي شيوع=وكنت أهدي لسمعك.. جعل عمري فداك
لكن إني ابذبل ما رضيت بخضوع=واقف(ن) لو أموت.. ولا طلبتك بماك
بي تياهت دروب(ن).. غبر.. قحط(ن) شنوع=إ/لمشاعر تبيّح فعلك اللي وطاك
طحت مع هالدموع اللي تلوح بجوع=للفرح يوم قبره ناصبينه معاك[/poem]

.

.


وسلامتكم

عبدالله