وامن الحيا بيديه ماسك جدايله
 

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله على اللي ماعرفنا نحايله=غرون صغير ونادراتن فصايله

غرون يسلهم في عيونه ويبتسم=وامن الحيا بيديه ماسك جدايله

ماله شبيه الا القمر يوم يكتمل=والناس قامت من حلاته تخايله

ماودي أسرد في وصوفه وأقولها=وصفن ذكرت ووصف ماني بقايله

أتعب عيوني قبل يجذب مشاعري=من بعدها صادن قلبي حبايله

لا والله الا طحت فالعشق والهوى=والعشق سامع في عناه وهوايله

يابو هيا تكفى تفكر بحالتي=شف حالتي من صاحبي كيف قايله

أنت الرفيق اللي خبيرن بعلتي=وأنت الوحيد اللي تنومس فعايله

وأنت الرفيق اللي غزيره مشاعره=وأنت الوحيد اللي دواي ابمثايله

أفزع لبن عمك ترى قلبه انسرق=ماعاد هو من بين الأضلاع شايله

قفى به اللي ماعرف وين وجهته=مدري من أية دار وأيات عايله

وأن كان مابيديك حلن لصاحبي=يغنيني الله عنه وألقى بدايله

من خلقت الدنيا وذي حالة البشر=ناسن تطول وناس ماهي بطايله[/poem]

الله الله يا السمي :)

قصيده جميله ومحكمة البناء

صح لسانك صح لسانك ,, اي والله

وفي صدر البيت قبل الاخير اتوقع (لصاحبـي) تقصد لصاحبك .. والا ؟

لاهنت ياغالي

وبالتوفيق ان شاء الله

ياهلا ويامرحبا يا العبدلي

قصيده رائعه ومشاركه غيرررر


وكل الشكر لك على حضورك في المرقاب



ودي وتقديري

الله عليك يا عبداللطيف

مبدع يعلم الله


قصيده على الطرق الهلالي


معنى وسبك وحرفنة شاعر


مبدع وجميل


أقف احترام وتقدير امام هذه الفاتنه

تقبل مروري

كل الود

آخوك

اعتقد ان الشطر الثاني في نفس البيت اخي عبداللطيف الغامدي
عندما قال الشاعر ( يغنيني الله عنه ) فإن كلمة ( لصاحبي ) هي
الصح و هي الصواب...


عبداللطيف العبدلي

صح لسانك و انا اخوك

و قصيده رائعه الى ابعد حد

و انا اخالف اخي و استاذي عبداللطيف الغامدي في نظرته :)


لكما ايها اللطيفان كل المحبه


اخوكم


ش. س.