مصافحة اولى{علة القلب}
 

السلام عليكم ورحمه الله وبركاته..

مساء الخير لجميع الاعضاء والزوار الكرام..

مصافحة اولى اتمنى ان تجد القبول لذائقتكم الفذة.حيث انني بين شعراء كبار ومتالقين..


[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



تعبت اداوي علة القلـب بالصـد=وتعبت اقول اني من الهجر قـاوي
النفس راحـت والخواطـر تـودد=تشفق وتضرب كل سيلٍ نحـاوي
بمعزلٍ عن درب الاونـاس ماعـد=ابه الهموم اللي على الصدر تـاوي
رمحٍ يدك القلب واحيـان يصهـد=واليا مزعني صرت بالخبت ثـاوي
لاجيت ابادر واطوي البيد واسنـد=وأباري الجوزاء واحث الخطـاوي
يردنـي هاجـوس قلـبٍ تبـدد=يقطع بهجسه, طيف راع الرجاوي
دايم علينا يبـري الجـاش بالـود=لو الرهـا بيّـن بحبـل الـرواوي
ماحدٍ يموح الجم في غـرة البـرد=ولاحدٍ يشوف الرّس عدٍ رهـاوي
ياراكبٍ من فوق جيـبٍ تجرهـد=على الوطا ,قطـاع دارٍ خـلاوي
كنه على الضيحه كما الموج لازبد=واليا تحدر كنـه الذيـب عـاوي
فوقه اصيل معرب الخـال والجـد=ماهو نزيعه من عيـال الشـواوي
لاجيت داره وابرق المزن وارعـد=عطه الوثايـق لاتضيـع الهقـاوي
ان شفت خلّي عبّس الوجه وارتد=ماني على طـرد المقفيـن غـاوي
اما تجيـب الخيـر ياناقـل الـرد=والا الروابع والمِحـن والبـلاوي
وان جاك خلّي يطوي الدرب مشتد=قله ترى صاحبك ماهـو فـدواي
قله يروف بحـال قلـبٍ توجـد=قلبٍ على فرقـاه حالـه مـلاوي
مابات نقاله علـى ناعـم الـورد=وان نامت العينين نومـه غفـاوي
ياناعـم الكفيـن يامحمـر الخـد=انعم وخل الوصل مادمت قـاوي
منساك لو قايم على راسـي الحـد=ولاشوف مثلك لو تضيع الدعاوي
اما يوف الوعـد ويوثـق العهـد=والا على وصلـه ترايـه غنـاوي
صحيح فرقاكم بها فطـرة الكبـد=وصحيح قلبي في نحاكم هـواوي
برجي رحومٍ يرحم العبـد لامـد=كفيه,ودمعه يوم بـان الحـراوي
يلطف بنفسٍ قبل لايِهـدم السـد=واصير خايب في عيون الزهـاوي[/poem]

بدر حياك الله ومشاركتك رائعه

وصح الله السانك عليها بيت بيت


حضور أول غيرر


ودي وتقديري