عرضه يا ابو راكان .. !
 

ابو راكان ودي استفيد منك في الشقر :SnipeR (69):



يا مرحبا عد ما لاح الخيال
واعداد غيثٍ مع الوادي همر

يالغامدي وانت رجالٍ كريم
والطيب عدٍ ومثلك شاربه

...

والله اني ما افهم في العرضة , وفيها صفوف والا لا


لكن سجلني معك في الكشف ,, وبانتظار ابو راكان ,, واسر ياساري حتى لو اننا في النهاري :icon29:

يا مرحبا يا عادل

وجودك يكفي لا عدمتك

والله ما اظن بتلقى فايده .. لكن الله المستعان يابو طيف

سم طال عمرك واعذرني على التاخير بحكم مكان التواجد :)

ابك البقا واقعٍ ماهو خيال
لو الشّبح ماهو بغدي همر

لك بندقٍ ما تفوّت والك ريم
صيّاد غبّر ودسّم شاربه

.. على قولتك :)

الله الله يا ابو طيف

و فرش راقي و أبيات محسوبه..


و في إنتظار ملك الشقر في المرقاب ابو راكان...


اشهد اننا راح نستفيد بلا شك



سجلوا متابعتي


اخوكم


ش. س.

يا مرحبتين كبار يا عادل

بالنسبه للعرضه طال عمرك واحدً شرواك حي يكفي عن صفوفها
... يتابع مصامخ الشعار ويكفي :)

لا عدمت حضورك يا شيخ

ههههههههههه

طيب طيب

يا زين بين العرب كثر الوصال
حتى لو ارقامهم تنطق نمر

وشريم ينفخ ولا ينفع شريم
السلك يا ليت فمه يخاط به


...

يا مرحبا يا ابو مهنا

واذكر الله <<<< بغى يصدّق :)

الله يحييك ويكرمك ولايهنك يا بعد راسي

الفايده في تواجد شرواك طال عمرك

يا مرحبا يا ابو مهنا

اشهد انه ملك الشقر اي والله

وجودك يسعدنا يالامير

ابك البقا واقعٍ ماهو خيال
لو الشّبح ماهو بغادي همر

لك بندقٍ ما تفوّت والك ريم
صيّاد غبّر ودسّم شاربه


الله الله يا ابو راكان


كنت بلشان في ( و الكريم ) :)


لكن اللي مثلك ما يبلش في شي


واصلوا واصلوا


حي هالظهر المبروك..


:)

الله
الله
الله

صحة السنتكم

متابع

ههههههههههههه

من جال في معركة مؤته وصال
لو حبنا قبل ما ينطق نمر

واللي يذم الامام ابن شريم
بالله ياخلق كيف آخاطبه

:)

^
الله الله الله

صح لسااانك × صح لسانك

يا مرحبا يا فارس ملايين

...

الله الله


استلم

من يحسد الناس في عينه خلال
قله على الدرب لا تقعد تمر

ما ابغاه فـ / المملكه دايم يقيم
ودي ورى البحر الاحمر قاربه

...

الله الله


المتابعه لا زالت


واصلوااااااااااااا

يا مرحبا يا ابو مهنا تكرار يا بعدي


وجودك له طابع خاص في خاطر ابن عمك

الله يسعدك يا ابو مهنا

حي والله حضورك

يا مرحبا يابو مرداس

صح بدنك

شرفت يا غالي الله لا يهينك

ما ابغاه فـ / المملكه دايم يقيم
ودي ورى البحر الاحمر قاربه

الله الله يا ابو طيف


العرضه هذي ما راح اجنّب عنها لين انها تنتهي .. العمل الله يخلف عليه مانيب صوبه اليوم.. :)


و في انتظار الملك ابو راكان...

ياسلام ياسلام

الدلخ قله بعد يادلخ لال
لافي زهابه مضير ولا تمر

مكشوف عند الموذن والمقيم
واول محاربته من اقاربه
:)

هههههههههههههههههه


الله يرجك يا ابو راكان

انا وش ورطني معك