لحظة يد
السلام عليكم
اعتذر عن طول غيابي عن المنتدى واعتذر ايضا لكل من عقب على قصائدي ولم يسعفني الوقت للرد عليه واهدي جميع من في المنتدى من مشرفين واعضاء وزوار هذه القصيده اتمنى ان تتقبلوا تحياتي واعتذر لكم مرة اخرى: جتني شعرهامنسدل فوق متن وعيونهاسبحان رب خلقها ذاك الغزال اللي بنظره ملكني ماقوىبعاده لوحياتي سلبها جتني تغلى كنهامابغتني والشوق باين من لواحظ نظرها قالت سوالف عنك مير وصلتني مادري اصدق اواكذب خبرها قلت الغلا بالحيل يامعذبتني والحب كله والعيون ودمعها لك ياللي حور عيونها احتوتني ياللي سوادالليل غطى نحرها خلي كلام الناس والهرج مثني لاتصدقي والروح لك يا بعدها جتني ومدت يدها...كلمتني قالت خلاص..انسى السوالف وامرها والله لحظة يدها لامستني نسيت كل ماقالته لي قبلها وسلامتكم ;) |
العفو انا كان ودي اكتب عنوان القصيده
لحظة يدها لامستني بس غلطت العفو منكم:p |
عبير محمد
وحضور ممتع صح لسانك والله كل الشكر ايها الراقي والف سلام |
عبير محمد
" " قصيده متغايره مع النسق النسائي "ولتبقى الفريده من نوعها... " وفي الانتضار داماً " " تحياتي لك.....وتم تغيير العنوان ...!:) ناايف بن عيفاان |
القصيده جميله ولكن هناك ملاحظه بسيطه
هل انتي شاعر ام شاعره في نفس القصيده صفة المخاطبه في القصيده انثويه وهي اللتي لم تكمل سبك القصيده تقبلي تحياتي |
هلا والله بعبير ..
انا لي وجهة نضر ..اقول وحده من ثنتين يااما انك ولد تكتب باسم بنت يااما انك بنت ومستلفه القصيده منا والا منا وانا مااقول الكلام هذا القصيده اللي تقوله.. صح:) :) |
لا ادري من اين ابدأ.....ولكن
اكتفي بوجود خلل كبير في قافية القصيدة.... وسبق ان قرأت نصوص جميلة لعبير محمد افضل بكثير مما ارى.... مجرد رأي!!!!!!!!!!!!!! تحياتي |
اهلا يا عبير
وانا فعلا مع الاخوان الا ان تتضح الصوره القصيده كتبت بنفس شاعر ومشاعر شاعر واذا كنتى شاعره يا عبير فلا اعتقد ان هذا هو الاسلوب الامثل لكتابة قصيده نسائيه الا اذا ....... |
عبير بن محمد
أو عبير بنت محمد *********************** قصيده او محاوله قد تكون جيده اذا صاغها رجل ولكنها اقل من جيده بكثير بتوقيع عبير ................ ********************** في انتظار القادم الاجمل ............... مع فائق احترامي ............... وتقديري |
الأخت
عبير احمد صح لسانك وطابت اوقاتك واضم صوتي مع الشباب تسليمن ياغالية وتمتعينا بروائعك |
عبير محمد
اولا استغرب ردود بعض من سمو انفسهم شعراء وقالو قصيده جميله وهي لاتملك من القصيده حتى الاسم؟؟؟؟ ياخوان يجب قبل الرد النظر للقصيده وانتم تعرفون مقومات القصيده اما الرد بالنفاق والمجامله دون حتى مشاهدة القصيده لانها تحمل اسم نسائي فهذا قمة الغباء والاندفاع خلف السراب اعتقد ان عبير محمد اللتي نعرف لم تكتب هذه القصيده لانها عدة مرات قامت باتحاف المنتدى بقصايد جميله ولكن هذه ؟ ليست لها بتا تا بغض النظر ان كانت عبير بنت او ولد اعتقد ان هناك حدث شي يجب على عبير الحقيقيه تصحيحه ويجب عليها مخاطبة المشرفين على المنتدى هذا ماردت التعقيب وحتى الاخوان المشرفين على المنتدى الشعبي لم يسلمو من الزلل واندفعوا وردو بان القصيده جميله وهذا عجيب جدا |
يا سلام عليك يا سعود المسعودي
عين الحقيقه و عين العقل كلام في الصميم 100% هذا هو الرد الواجب بعيداً عن اي محاور اخرى. و المفروض من المشرفين الغاء القصيده فوراً, لعدة اسباب اولاً انها غير قابله للنشر ثانياً ان الشكوك تدور حولها ثالثاً الحفاظ على حقوق صاحبة الاسم الحقيقي. اطالب بالغاء المشاركه و الردود فوراً. تحياتي شفق السريّع |
السلام عليكم
الحقيقه مادري من وين ابدأ,لكن بقول الصراحه انا توقعت بعض الردود على القصيده وكنت متردده انزلها في المنتدى. كلكم تدرون ان الواحد منا غير معصوم من الخطأ,؟وترى انا يا جماعه ماني بالشاعره اللي لها صولات وجولات في مجال الشعر النبطي.. انا مازلت مبتدأه..واول قصايد لي نزلتها في هالمنتدى الرائع اللي يضم نخبه من الشعراء ..وكان كل املي اني اذا اخطيت ابستفيد من خبراتكم الواسعه. اذا قدمت لكم شي حلو ياليت انكم تساعدون اقدم احلى .. وحابه اوضح اشياء وافهم منكم اشياء اخرى وياليت محد ياخذ على خاطره مني: اولا :انا بنت ماني ولد ثانيا: ابي اعرف وش الغير مقبول في القصيده بالضبط ,انا لما كتبتها كتبتها من وجهة نظر ولد مو بنت ,ومادري هل يجوز للشاعر او لا يجوز له ان يكتب القصيده من وجهات نظر متعدده؟ ثالثا:اذا كان العيب في الوزن والقافيه بغض النظر عن مضمونها ؟ ورابعا: اشكر كل اللي جاملوني وقالوا القصيده جميله لكن في الحقيقه اللي صارحوني اسعدوني اكثر. وانا اعتذر لاني خيبت امالكم واتمنى تعذروني لاني تسرعت في هالقصيده بس انشاء الله.....انشاء الله..القادم افضل مشكورين جميع وماتقصروا |
عبيــــــــــــــــر
مرحبا بك بالمنتدى ،،، والمنتدى للجميع فالبدايه انا اضمّ صوتي للمسعودي والشباب اللي كانوا متوافقين معه في الراي ،،،، لكنّ بعد تعقيبك الاخير اعجبني صراحتك عن نفسك وعن الردود اللي وصلت لك ....... ولقيت في كلامك الرغبه الجاده على صقل موهبتك لكن اللي احب اقوله ،،، انه الشعراء اللي تشوفينهم في المنتدى او في اي مكان فيه شعر ،،، ماانخلقوا شعراء كلهم بدؤا من الصفر ،،، لكن صقلوا موهبتهم بحسب البيئه اللي عاشوا فيهم منهم من صقل موهبته بالاحتكاك مع شعراء اكبر منه تجربه ونضج شعري ومنهم من صقل موهبته بالقراءه (اقصد قراءة دواوين الشعراء الفطاحل) والمنتدى هنا ماشاء الله فيه شعراء لهم منتوج شعري جميل محفوظ في صدور عشاق الشعر من شعراء ومن جمهور انصحك بمتابعة القصائد الجيده فيه .................. بعد ودي اقول انه فيه قسم بالمرقاب يعنى بالمواهب الجديده واللي تحتاج صقل وتنوير ،،، بامكانك الاستعانه بالمشرفين وهم شعراء اجزم انهم راح يقدمون لك اي ملاحظ واي مساعده سوى كان في تقييم القصيده او حتى من ناحية وزنها ................. الاهم انك تملكين الاصرار على صقل موهبتك ،،، وانشاء الله نشوف لك قصائد جيده في المنتدى ....................................... تقبلي تحياتي ، ونصيحتي اللي من واقع تجربه مو فقه انشاء الله ............. فالح |
| جميع الأوقات بتوقيت GMT +3. الساعة الآن 10:51 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية