بـ إختصار [. وصل العطيـّاني × محمـّد بن رشيد .]
 

[ALIGN=CENTER][TABLETEXT="width:100%;background-color:black;"][CELL="filter:;"]

محمـّد بن رشيد /

مرحبا ياوصل ابن مشهور ياشاعر عتيبه
في غياب حبيب ومستور وغياب الزلامي !!
انت شاعر معتبر مايجهلون الناس طيبه
من كبيرين البخوت ومن كبيرين الاسامي !!

وصل العطيـّاني /

البقا يالشاعر اللي هقوته ماهي قريبة
جاي فالصف الاخير ويحذف الصف الأمامي
كلّ ما جينا مكان نحصّل وجيهٍ غريبة
بينهم وجه النظيف وبينهم وجه الحرامي

محمـّد بن رشيد /

المسافه متعبه ياوصل والطرقه تعيبه
وانت تعرف ماقفي دايم ولاتجهل مقامي !!
وش نسوي بالشداد اللي على ظهر النجيبه
كل ماهب الهوى فوقه يميل اعن السنامي !!

وصل العطيـّاني /

تدري ان الرجل ما ياخذ نصيب الا نصيبه
البحر يهدر هدير و ماه ما يسقَ الظوامي
الشداد ليا تكسّر طيحته ماهي مصيبه
طيحته برد وسلام وقعدته برد وسلامي

محمـّد بن رشيد /

انت لك شهرين تحشد لك على الجبهه كتيبه
والكتيبه كلها ماكونوها بأمر سامي !!
الضمير اليا صحى مايلحقه شكه وريبه
وان توفى قلت له ياوصل يامال الرحامي !!

وصل العطيـّاني /

ما ارسل الا الفارس اللي يعتزي بي واعتزي به
يطرح الفارس على الفارس نهار الذبح حامي
رحمة الله طيّبة لو ما على رأسي نصيبة
يا محمد لا تخاويني وتسرق من حزامي

محمـّد بن رشيد /

انت خلك يالعتيبي من حرم مكه لطيبه
وش لزومك فالجنوبي والشمالي والتهامي !!
كان فاقد شي دوّر في عشيره والضريبه
يالعطياني ترانا مايصلنا الاتهامي !!

وصل العطيـّاني /

راتبي مضمون من خيرات دولتنا الحبيبة
مير خلك في دوامك لا تجيني في دوامي
ما تنشّدت العسوس ولا مضيّع لي ذهيبة
والتحية والسلام ختام يا مسك الختامي

[/ALIGN][/CELL][/TABLETEXT]

الله الله الله الله الله

هذا والله الطاروق الحامي صدق

محمد رشيد و وصل العطياني

اساتذه ومبدعين في فن المحاوره

استمتعت كثير بهذا الطاروق


صحت السنتهم ولا عدمناهم


سلطان :

لا هنت على هذا التنسيق الجميل والترتيب الاجمل

تقديري

الله
الله
الله
صحة السنتهم وبيض الله وجيههم على هـ الطاروق الكايف
مشكور يا ابو حامد

من أروع ،
المحاورات ـ وأجملها
صحّ لسان وصل العطياني و محمد رشيد

حضورهم كان في قمّة الآلق عبر هذه الأمسيه الجميله .

سلطان - ألف شكر على تواجدك ومتابعتك وتنسيقك .

الله الله الله


محاورة من الطراز الرفيع .. منعة الظروف الحضور .. <- مبسوط بـ .. تعادل الهلال :)
لكن الف شكر لأصحاب الجهد المبذول :)


,,

الله الله


صحت السنتكم



و الشكر موصول لسعادة المنسق

،


محمد بن رشيد × وصل العطيآني ،
طاروووق كآيف وشعآر كبآر ،
صح لسانك يابو مالك وصح لسانك يا وصل عز الله ابدعتوا وامتعتوا المتابعين ،


،

الله الله

محاوره من اروع المحاورات

صح لسان ابو كالك وصح لسان وصل العطياني

ولاهنت يابو حامد على هالجهد

الله الله صح لسان محمد ووصل

ولاهنتو

الله الله الله

هذا اللعب ولا بلاش

صح اللسنتهم وبيض الله جيههم

:wardah: