كل عام وأنتي أصدق الناس إحساس !
[align=center]
. . ناس ٍ تبوس وناس تخجل وتنباس فالعيد , واللي مايبوسك يناظرك ! والعيد مشكلته يجي قبل الأعراس يعني عيون الناس لازم تصوّرك ياللي عيونك كن باقي بها نعاس صدّي عن العالم أنا خايف أخسرك ! تلّثمي , حطي عباية على الراس شوفي لـ حسنك حل ! مانيب عاذرك من كثر مابيدّك نعومة بلا قياس ماودّها تطلع من ايدك أساورك تتوقعين يزيّنك عقد الألماس ؟ العقد لامنّك لبستيه يشكرك ! الخد كنه ورد والقد ميّاس مافيك عيب من أولك لين آخرك ألا الوعد ! لاجاء بعد ضيق الأنفاس تنسين ! هو قلبك أبد مايذكّرك ؟ ياطفلتي والعيد ماجاء لـ هالناس العيد أحسّه جاء على شان خاطرك حنّي على اللي عاش في قلبه الياس لاقادر يشوفك ولاهو بـ جابرك كل عام وأنتي أصدق الناس إحساس وبخير أنا مادام فالصدر خنجرك ! http://www.shathaaya.com/vb/images/f12.gif [/align] |
صح لسانك
ياعبدالرحمن تحيتي |
ابداع وشاعر مبدع
صح لسانك مليوووون تحياتي لك:wardah: |
عاطفية وجزلة
صح لسانك وسلمت على هذا الشعور الراقي متابعتي + تقديري . |
الله الله الله
نص غارق فالجمال و شاعر يلامس الوجدان ألف صح لسانك يالرويس و دمت بهذا الابداع تحياتي،، |
تتوقعين يزيّنك عقد الألماس ؟
العقد لامنّك لبستيه يشكرك ! الله عليك يا عبدالرحمن مبدع مبدع وهذا البيت عن قصيده صح لسانك مليون ولا يكفون تقبل مروري أخوك |
.
. تتوقعين يزيّنك عقد الألماس ؟ العقد لامنّك لبستيه يشكرك ! وصباحك سكّر وإجازه سعيده يالسميّ مبدع ، وغالي ، وشعر ياعبدالرحمن تحيتي لك . . |
ابيات ماعليها كلام
تقطر غزل ........... وتقطر دلع :woow55: صح السانك تبي الصدق انت كذا :thumb: |
ناس ٍ تبوس وناس تخجل وتنباس
فالعيد , واللي مايبوسك يناظرك ! والعيد مشكلته يجي قبل الأعراس يعني عيون الناس لازم تصوّرك عبدالرحمن غزليه من الطراز الاول المذهب |
ياسلام عليك
مبدع بكل ماتعنيه كلمة مبدع تقديري |
اقتباس:
أبو مقعد صح بدنك :wardah: |
عبدالرحمن الرويس
صح السانك , نص سبق لي قرائته , وفيه من العذوبه الشئ الكثير , تقبل مروري |
ياسلام صح لسانك
عبد الرحمن شاعر مبدع ومرهف احساس كل الود |
| جميع الأوقات بتوقيت GMT +3. الساعة الآن 04:45 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية