منتديات المرقاب الأدبية - والذيب لا من شاف ذيب ايْعويله

بسم الله الرحمن الرحيم

السلام عليكم ورحمة الله تعال وبركاته

أرجوا من الله أن تحوز هذهِ الأبيات على ذائقتكم واستحسانكم

//
//
::

[poem=font="Simplified Arabic,6,black,bold,normal" bkcolor="white" bkimage="" border="solid,2,red" type=1 line=0 align=center use=ex num="0,black""]
لا قال مثلي سجة ٍ مـن حرايـر=يا هي ثقيل ٍ جابها لـه ثقيلـه
اقْريقري آنـا طويـل الشبايـر=ينهد حيل الناس مانهـد حيلـه
ما قلت غير الحقّ والحقّ نايـر=والحق ما يرضى سواتي بديلـه
لجل انّ شعري فالحقيقـه مغايـر=ولا جاري الا نادريـن الطويلـه
ما هي غرور ٍ نزعته بالظمايـر=والخيل يِظْهر قوّته في صهيلـه
شوف الأسد له هيبـة ٍ بالزآيـر=والذيب لا من شاف ذيب ايْعويله
بي طنخة ٍ ما مثلهـا بالعشايـر=بي طنخة اللي كل قرم ٍ يجيلـه
ويْحلّ عقده في شَرَك كلّ حايـر=والفضْل للي خصني بالفضيلـه
ما ني بحق الغير مجْحف وجاير=ما هو بنا اللي قال ما فيّ حيلـه
وما هو بنا من قال مالي مساير=والحرْف مثلي قاف لـو يتكيلـه
وقّد لنار ٍ من صغـار الشرايـر=كل ٍ بفكْره ميْـز عقْلـه دليلـه
والشّعْر عندي طير حر ٍ وطايـر=ما بكْفخ الّا طيْب تـارك هزيلـه
والشعْر خالي من لسان النعايـر=اللي تِشِبّ النـار تِشْعِـل فتيلـه
ابيات من عطر و نسيم العبايـر=هذا ونظمـي فالقصايـد قليلـه
كلْ من قراها قال هـذي عمايـر=يطْرب لها السامع مع اللي يشيله
يحْماني الله من نفوس الصغايـر=ويقاني الله من عيـون ٍ عليلـه[/poem]

مع ملاحظة /لقد أرسالتها من قبل ولكنها لم تظهر ولا أعرف الأسباب .. ولا أظنها من منتداكم ربما هنالك خطأ والله أعلم

وسلامتكم

وافر تحيات أخوكم

سادن الشوق