الله يجيب المطر :)
السلام عليكم ورحمة الله وبركاته كيبوردية من واقع الحال صلوا على رسول الله [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] يالله بـ / نوٍ ينهمل مدراره =يستبشرون أهل الدبش بأمطاره وتفرح به البدوان عزبة .. عزبة = وعقب الدهر ساقوا عليه بشاره بدوٍ هل إبلٍ مبطية وإمقيمه = ميراث جدانٍ مهيب إتجاره وخلوك ياراع الشعير الغالي = تاكل وتشبع من علفك الفاره لعبت في سوقه وكنه ملكك = بالكذب والحيلة رفعت أسعاره يالعنبوا من لا يخاف إمن الله = ما يتقي بطشه ويخشى ناره أنت ورجال أعمالك اللي حولك = حمّارةٍ تنهق مع الحمّاره والثانية واللي بعد تقفاها = علم على الشاشة قريت أخباره هذي السنة عيدية أهل السمعة = لأهل الفقر ( كل يطر إزراره ) خمسين مليون وتزود وتنقص = قيمة 10 عشايرٍ وحواره يسوقها والكاميرات تصور = على ظهر صالونه وفكساره جعل الجرب ياكل جنوبه معها = وش قوم ما أنفقها على أهل دياره هذا يتيم وذا فقيرِ معسر = وهذا فـ / بيتٍ طاف حل إيجاره حداهم القل وزمان القسوة = يدعون كود الجار يذكر جاره ماذا بـ / ناموس وفخر لا والله = إلا فسوق العالم الجباره الله يمهلهم ولا يهملهم = يوم الوعد كلٍ يحمل أوزاره آمالنا بعد الله بقايدنا = صقر العروبه ملجم الهذاره يفزع لنا بأمرٍ كريم وسامي = ويامر عليهم من طويل بغاره [/poem] وسلامتكم |
اللهم صلي على محمد
اولا كل عام وانت بخير عيدك مبارك الراهي فهد صح لساااااااااانك دايما ادور جديدك وسعيد لاني تشرفت بهذه والله يزين الحال كن بخير بن عميره |
الله الله
مبدع يافهد وقصيده تحكي الواقع المرير صح لسانك والله يلطف بالبديو المساكين |
اللهم صل على محمد وعلى آله وصحبه أجمعين
وكل عام وانت بخير وبيض الله وجهك وانت معودنا دايم بالجزل وصح لسااااااانك مليوووووووووووووون على هالقصيده الشامخه وتحياتي لك يا غالي |
الله الله الله
دائما رائع رغم قسوتها الا انها لم تخلو من الجمال صح الله لسانك ومن العايدين تحياتي |
وخلوك يـاراع الشعيـر الغالـي تاكل وتشبع مـن علفـك الفـاره لعبت فـي سوقـه وكنـه ملكـك بالكذب والحيلة رفعـت أسعـاره يالعنبوا من لا يخـاف إمـن الله ما يتقـي بطشه ويخشـى نـاره أنت ورجال أعمالك اللـي حولـك حمّـارةٍ تنهـق مـع الحـمّـاره صح لساانك يافهد فعلاً هناك اناس لايعتاشون الا على دبشهم لادخل يملكون ولا عائد مالي ينتظرونه نهاية كل شهر من لهم بعد الله ؟؟ وارتفاع الاسعار يحكم عليهم بالدماااااار والثانيـة واللـي بعـد تقفـاهـا علم على الشاشة قريت أخبـاره هذي السنة عيدية أهـل السمعـة لأهل الفقر ( كل يطـر إزراره ) خمسين مليون وتـزود وتنقـص قيمـة 10 عشايـرٍ وحــواره يسوقهـا والكاميـرات تـصـور على ظهـر صالونـه وفكسـاره جعل الجرب ياكل جنوبـه معهـا وش قوم ما أنفقها على أهل دياره هـذا يتيـم وذا فقيـرِ معـسـر وهذا فـ/ بيتٍ طاف حل إيجـاره حداهـم القـل وزمـان القسـوة يدعون كود الجار يذكـر جـاره ماذا بـ/ ناموس وفخـر لا والله إلا فسـوق العـالـم الجـبـاره الله يمهـلـهـم ولا يهمـلـهـم يوم الوعـد كـلٍ يحمـل أوزاره الله الله اي بالله ذبحوا الناااااس بالغبن ملايين تُهدَر على بهائم وليست الابدى من الناس هذا هو الثراء الفااحش والفسوق الواضح وهذا هو الرياااااااء باام عينه قال الله تعالي : (أَفَلا يَنْظُرُونَ إِلَى الْأِبِلِ كَيْفَ خُلِقَتْ) للتمعّ والتفكّر والحمد لله والتوحيد له بعجيب خلقه وعظيم ابدااعه وليس للرياء والفحش والتباهي الممقوت ربما يكسبون منه دعوات خلف الشاشات من فقراء ومحتاجين لايجدون قوت يومهم الله المستعان يافهد لله درّك وصح كلك |
لا اله الا الله محمد رسوله الله
صح لسانك وعساك سالم وعيدك مبارك |
لله درّك يا فهد
عزالله انك مبدع في كل حضور وقبل ان ادخل على الابيات توقعت اني راح اجد الشعر الاصيل صح لسانك وسلمت والله يزين الاحوال ويجينا بالامطار محبه وتحيه وكل عام وأنت بخير :) |
.. ايه والله .. الله " يجيبه " ... عاد عيدكم .. وصح لسانك يا اخوي .. تقديري واحترامي لك ..http://files.mothhelah.com/img/cmt96904.gif .. |
،
أحمد بن عميره وأنت بخير وصحة وسلامة الشرف لي طال عمرك ، ومتابعتك لي يزودني فخر صح بدنك ، وجمل الله حالك |
الله يمهـلـهـم ولا يهمـلـهـم
يوم الوعـد كـلٍ يحمـل أوزاره آمالـنـا بـعـد الله بقـايـدنـا صقر العروبـه ملجـم الهـذاره يفزع لنا بأمـرٍ كريـم وسامـي ويامر عليهم من طويـل بغـاره لا هنت وصح لسانك |
صحّ لسانك يافهد ،
أهل الشعير معك حق فيهم ، وأما هل البلّ هذي أرزاقٍ توزّع من الله ، والله يرزق من يشاء ، ويمكن انها امتحان لهم .. وعلى فكره ترى فيهم من هو الداعم الأول لكثير من الجمعيات الخيريّه ، ودّي إنك خصصت ما عمّيتهم كلهم .. : ) صحّ لسانك مليون × مليوووون |
آمالـنـا بـعـد الله بقـايـدنـا
صقر العروبـه ملجـم الهـذاره ياسلام على القصيده وعنوانها الله يقبل منك |
صح لسانك اخوي فه
والله يجيب المطر ويرخص الشعير اشكرك على هذا الشعور تحياتي لك |
الله الله الله
إبداع وجزاله وفن ّ كلام والله صح لسااانك يالزعبي ولاهنت اخوك |
:
الله الله الله اللهم آمين .. لله درك يا ابو ابعاد عز الله اقديت فيهم : ) |
صح لسانك يالغالي
كتبت فأبدعت وأمتعت لله درك على هذه المصافحة تحياتي |
فهد الزعبي
والله انك من اجمل الشعراء واجزلهم واعذبهم صح لسانك ملالالالالايين يامبدع .. لك فائق احترامي وتقديري ...!! |
ياحلوك أنت وطرقك
واللهم آآآمين ودي تقديري :wardah: |
.
. . اللهم صل على محمد وعلى آله وصحبه أجمعين وكل عام وانت بخير فهد الله الله ابدعت ونص يحاكي الواقع المر صح السانك ملايييين ولاهنت تحيتي لك |
يا مرحبا يا فهد
صح لسانك مدد والله وكل عام وانت بخير :wardah: |
مبدع في كل طرق ٍ تلعبه
الغالي فهد الزعبي الاعجاب مستمر والتحية متجدده صح لسانك مدد ،، .. |
| جميع الأوقات بتوقيت GMT +3. الساعة الآن 10:22 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية