وجهة نظر !!
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الاوَلة سلام منَي يالرياجيل القروم = رديَةٍ تسوى كنوز المنبقط هامانية
والثانية قامت وطاحت يا عساها ما تقوم = والاوَلة ما هوب شرط اتكون راس الثانية
الطير طار وله ثلاث آيام في جوَه يحوم = لا واهنَي الطير في دنياه بالجنحانية
اللي ليا منَه شهر يطلع مطاليع النجوم = يكفخ سما .. ويلاعب الآنسام بالآلحانية
وانا على نار وجمر واتلافح الوجه السموم = وإليا شكيت القاصية // وشلون وقع الدانية ؟!
الصبح : ( بوابة عنا ) , والليل : ( جلاب الهموم )= حتيش لو قالوا بأنَه جامع الخَلانية
قلته وانا مؤمن بأنَ الخلق : معطى ومحروم = وانَ البني آدم رهين الهم والآحزانية
والله خلق // والله فرق بين : المطنَخ والرخوم = هذا الكلام الصح ما يحتاج للبرهانية
ومن عرفت العلم واعلوم العرب يا هي علوم !!= وجهة نظر / واكتابنا بيَن من العنوانية
يالآدمي حذرك / تضيَعك الهقاوي والحلوم = ما ينفعك يومئدٍ قول :( الصديق اغوانية )
تمرَ ساعات العمر // والعمر ينقص كل يوم = واليوم في هذا العصر يمرَ مثل الثانية
ما آحدٍ على الدنيا مخلَد .والعوافي ما تدوم = عش كالغريب // ولا تخون العهد والآوطانية !!
والآدمي مهما سبح فالبحر ما يعرف يعوم !! = والموعضة : ( قارب نجاته ) فالحياة الفانية
ولا صار يغتاب البشر واهوه يقول انه يصوم = بقول له غلطان يابن آدم !! نعم غلطانية
مير ادع ربك يغفر الزلَة ترا ربك رحوم = يكتب لنا خير الآجر والعفو والغفرانية
واكرب حزامك للعمل والجد واكبار العزوم = وخل الهدف خضر الجنان : ( ام القطوف الدانية )
هذي نصيحة موجزة والعبد ماهو بمعصوم = لان الخطا لبنَة تكوَن هيئة الانسانية
لكن حاول يا آخي ياجعل تفداك الرخوم = ترك المعاصي // والصبر معروف للشجعانية
وهجر الملاهي والمعازف والغريب امن السلوم = اللي يخالف سنَة المختار والقرآنية
وإليا توكلت وعزمت الآمر بتزين العلوم = كلمة وفا واعوذ بالمولى من الشيطانية

[/poem]

الاوَلـة ســلام مـنَـي يالرياجـيـل الـقـروم
رديَـةٍ تـسـوى كـنـوز المنبـقـط هامانـيـة



عليكم السلام ورحمة الله يالشيباني

حياك الله

:)




لكـن حـاول يـا آخـي ياجعـل تفـداك الرخـوم
ترك المعاصـي // والصبـر معـروف للشجعانيـة

وهجر الملاهي والمعازف والغريـب امـن السلـوم
اللـي يخـالـف سـنَـة المخـتـار والقرآنـيـة

وإليـا توكلـت وعزمـت الآمـر بتزيـن العلـوم
كلمـة وفـا واعـوذ بالمولـى مـن الشيطانـيـة




عشت الله لآيهيينك وصح لسانك



تحياتي

تمرَ ساعات العمر // والعمـر ينقـص كـل يـوم
واليـوم فـي هـذا العصـر يمـرَ مثـل الثانيـة


هزاع الشيباني
منذ أن كان حضورك في ( ماقبل المرقاب ) والجميع يسأل عن إبداعك لإنّك تقدم إبداع فريد

هنا
لم يكن الحضور عادي
حمل درراً ، رائعه
وتميزاً يجب ان يحتفى به ،

لله درك وحياك الله ياهزاع .

صح لسانك يالغالي,,





كتبت فأبدعت وأمتعت



لله درك ولنا دررك



تحياتي

الله الله

بارك الله فيك يا هزاع وصح لسااااااانك مدد

ياسلام ياهزاع

حضور مبهج

وقصيدة تعانق السحاب ابداعاً


صح لسانك مدد


غيمار

يا مرحبا يا هزاع
صح لسانك مدد والله
وكل عام وانت بخير :wardah:

تمرَ ساعات العمر // والعمـر ينقـص كـل يـوم
واليـوم فـي هـذا العصـر يمـرَ مثـل الثانيـة


مرحبا ومسهلا يا هزاع الشيباني
والله يحييك

صح لسانك وسلمت ،

..

مير ادع ربـك يغفـر الزلَـة تـرا ربـك رحـوم
يكتـب لنـا خيـر الآجـر والعفـو والغفرانـيـة
واكرب حزامـك للعمـل والجـد واكبـار العـزوم
وخل الهدف خضر الجنان : ( ام القطوف الدانية )
هذي نصيحـة موجـزة والعبـد ماهـو بمعصـوم
لان الخطـا لبنَـة تـكـوَن هيـئـة الانسانـيـة
لكـن حـاول يـا آخـي ياجعـل تفـداك الرخـوم
ترك المعاصـي // والصبـر معـروف للشجعانيـة
وهجر الملاهي والمعازف والغريـب امـن السلـوم
اللـي يخـالـف سـنَـة المخـتـار والقرآنـيـة
وإليـا توكلـت وعزمـت الآمـر بتزيـن العلـوم
كلمـة وفـا واعـوذ بالمولـى مـن الشيطانـيـة


بيض الله وجهك يابن مشيب