منتديات المرقاب الأدبية - " الـشـطـر الأول "

السلام عليكم ورحمة الله وبركاته ..

[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا صامل الوقفه ويا منجض الكي = ياللي تداحم لك متون الزعامات

كفك كرم حاتم ورآسك جبل طي = ولك فوق زومات المناعير زومات

انا على خبرك وحالي كما هي = وان طالت الخطوه تطول المسافات

ماقصر ايديني سوى قلة ايدي = كم هقوة" راحت وكم هقوة" جات

( ولا جاني العاني وانا مامعي شي ) = هذي هي اللي مالها طب بالذآت

الشطر الاول لرمالي ماهو لي = ويقول: وده قبل ياتيه قد مات

عز الله انه جاب له مشهد" حي = ياحي والله من يروم الصعيبات

ولا كل شي" نفقده يعتبر شي = لو بعض الاشياء فقدها موت بسكات

ورفيقي اللي ما فزع لي وهو حي = والله مايستاهل دموعي ليا مات
[/poem]