منتديات المرقاب الأدبية

السلام عليكم ورحمة الله وبركاته
وكل عام وأنتم بخير وصحة وعافية

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

براءة الطفل شمسٍ ماعليها غبار=نهارها بالبراءه يشرق إل ليلها
على الطبيعه وكل السالفه باختصار=ياحليلها والعلوم البيض ياحليلها
تدخل علي السعاده من نهار إل نهار=مابين موجز صدى الذكرى وتفصيلها
الله أكبر وانا ماشي بدون اختيار=قامت تجيني عقب ما كبرت واجي لها
واليوم شبه استدارت والزمان استدار=الجيل قفى وهي قفت مثل جيلها
واللي يناظر على اليمنى يناظر يسار=ماعنده الا الهموم ايحط ويشيلها
يبني جدار الامل لكن يهد الجدار=عله ولا ود ابن ناصر بتعليلها
يالخاطر المنكسر لاتعلن الانكسار=يمكن ليال الفرح تشعل قناديلها
ترى ام كلثوم الشهيره في زمنها عمار=اتغني وتمسح الدمعه بمنديلها
والقهوجي مهنته بين الحطب والوجار=ايحاضي النار ويقرب معاميلها
كلٍ على منزله والزند يقدح شرار=وان كان دعوى العرب صلت على حيلها
شكري على نظرتي لو الاوادم تغار=اعرف متى رحلتي واجني محاصيلها
السيف سقم العداء والشيب ثوب الوقار=لو يلتوي غارب الدنيا على ذيلها
يبقى شعار الادب والله ونعم الشعار=راعيه تعني له الزينه ويعني لها
قرار ياجابتن معها الدلايل قرار=على النقا دلةٍ سيقت فناجيلها
ياخف دم المها ياثقل دم الحمار=يازين تقصيرها ياشين تطويلها

[/poem]

وسلمتوا