منتديات المرقاب الأدبية - الصــــدر ضــــايق..مصافحه ثالثه.

[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

الصدر ضايق والبـلاوي مساييـر=في خافقي هـمٍ يـدق الوتـادي
ماقدر انادي من قـوي المحاشيـر=ونفسي كتومه في صباح وهجادي
يروج في قلبي كما روجـة الطيـر=لاراج في زرعٍ حـري الحصـادي
همٍ يشتـت صافيـات التفاكيـر=كني مزوعه في سنـان الحـدادي
لـولاه ماهلـن دموعـي مناثيـر=ولولاه ماجتني بيـوتٍ جـدادي
كن النفس يطلق شحيح المزافيـر=لاحنت بصـدري همـومٍ تنـادي
في وسط صدري مكبـلاتٍ طوابيـر=باول نصوف الصبح لين الرقـادي
وجبت الورق وصار دمعي محابيـر=خطه عميق ومصدره من فـؤادي
واطلقت فكري في رياح المعاصيـر=وركبت ركبه بالزهاب العتـادي
زهابي الجزلات بفعـل البواكيـر=من فوق مركوبٍ سخيف التوادي
وقمت اتوسم بالبكـار المياسيـر= {........} وسهيل توما يبادي
وجتكم تبارى كلبوهـن معاشيـر=تبغى المعشا فـي بعيـد البـوادي
نكثر السجـات وندور السيـر=لاجل نتدله من حشـورٍ وقـادي
وسجيت رجلي في عكـاش المعاثير=ارقبلي بـراقٍ يـدق الرعـادي
ليته على داره يسـوق التباشيـر=من غرة الوسمي سقـي الثنـادي
تسعيـن ليلـة يـرزمٍ المزامـيـر=من مزنةٍ غـرا مطرهـا سـدادي
وينبت على دربه زهور ونواويـر=ويعطرة ريحـان مسـكٍ وكـادي
كعب النهد اللي شعرها مناشيـر=كنة ضـلامٍ مدلهـم السـوادي
بيني وبينـه بالخطـاوي مساميـر=منثورةٍ بالدرب نثر الجـرادي
قامت تهزبها صغار الشواعير=خطراٍ عليهم صولتي وارتيادي
ياسابقي اقحـم دروب المخاطيـر=ودك الحصون اللي علينا تعـادي
اما يروح الـراس ودمـه شخاتيـر=واليا يعيش بفعل ضرب الهنـادي
ياحر قلبي مـن سهـوم المقاديـر=ان زلت الاقدام قبـل العيـادي
خوفي تروح الروح قبل المعاذيـر=وخوفي يلامجها شبـوح العنـادي
يالله ياللي تقسـم الشـر والخيـر=تجيب خيره مع نسيـم البـرادي
واجني بدلو الوِرد خير المصاديـر=هيدوج ولفي في رياع الحمـادي
وترتاح رجلي من طروق المشاوير=وترتاح روحي من قديح الزنـادي [/poem]

وسلامتكم .ودي وتقديري.