ويكلي !!
السلام عليكم ،،
اليوم جميع الصحف المحليه والعالمية تتحدث عن الضجة التي سببها موقع ( ويكلي لكس ) في البيت الابيض بعد ان قام بنشر وثائق امريكيه سريّه .. قرأت الخبر وجاء هالتوقيع الممغط حبتين :- [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] حسبي على واهس الشاعر وهوجاسه=من راحة البال تصفر راحة كفوفه تضوي عليه الطواري ضوي عساسه=وأن خيّمت فوق صدره شرّعت جوفه ما تتركه يستريح ويلقط أنفاسه=في كلّ ليله تجرّ السلك وتحوفه وإليا قفل دونها بابه بترباسه=جاته من النافذه وأستلّت سيوفه وأن قال .. ردّي عليّ الدرع والطاسه=قالت له الشّعر غنّه .. وإنقش حروفه أساير الوقت والأوضاع حساسه=خلّت وجيه أغلب العربان مخطوفه يا ( ويكلي لكس ) منك الناس محتاسه=عقب أصبح الصبح والأسرار مكشوفه فضايحك دوّنت في كلّ كرّاسه=لوّ أنّها من قديم الوقت معروفه أختلطت السالفه .. وأنقلبت الطاسه=يوم أمتلت وأصبحت ماهيب محفوفه ! وثايق البيت الأبيض .. سود يا ساسه=ماهي مثل لونه اللي دايم نشوفه بانت بعد ما نشرها شارب الكاسه=اللي بما يحتويها يكرم ضيوفه الدوله العادله للظلم كداسه =والعدل تردم عليه الصمت وتطوفه تحيك للعالم المستضعف لباسه=من باب الأكذاب بالعريان مكلوفه تقايس الحقّ لين تعرف مقياسه=وتخمّه .. وتسلبه حقّه ومعروفه والشرّ في ظلّها محتاش نوماسه=تحكم عليه الأمان وينجلي خوفه يشهد عليها العبث لا دقّ مرواسه=يسيّل الدّم من بغداد للكوفه كرامة الشرق تحت الغرب منداسه=وحقوق الانسان للعدوان مصروفه واللي يقول المذلّه .. شيّبت راسه=يطقّ راسه على ما قيل .. بالطوفه ! [/poem] وسلمتوا ،، |
,
هلا هلا وغلا يا سداح . . . وحي القصيد وراعيه . . حجز ولي عوده , |
حجز ثاني ولي عوده
|
حيالله استاذ الشعر
اسمك بحد ذاته من يوم اشوفه اعرف ان هناك شعر قادم صح لسانك مدد يامبدع تحياتي لك |
هلا
وغلا بدكتورنا الحبيب ، ما كنت أبي أزور المرقاب الليلة ، ولكن شعرت بشيء جديد في المرقاب ، وعلى طووول دخلت المشاركات الجديدة ، وشفت موضوعك اللي أكلني قلبي عليه :) سداح والله العظيم إني افرح ليا شفت يوزرك موجود ، واشفق على أبياتك شفاقة لا خلينا منك ، وصح اللسانك ما عاد تجمّل مع قصايدك . لكن الله يبيض وجهك فوق الأرض وتحت الأرض بعد عمراً طويل ويوم العرض ومن تحب . :wardah: |
ارحب يادكتور
صح لسانك وفكرك عطرت مرقابك والحمد لله على السلامة القصيدة فائقة كسابقاتها كل الود |
تقايس الحقّ ليـن تعـرف مقياسـه
وتخمّه .. وتسلبـه حقّـه ومعروفـه والشرّ في ظلّهـا محتـاش نوماسـه تحكم عليه الأمـان وينجلـي خوفـه يشهد عليها العبـث لا دقّ مرواسـه يسيّـل الـدّم مـن بغـداد للكـوفـه كرامة الشرق تحت الغـرب منداسـه وحقوق الانسان للعـدوان مصروفـه واللي يقول المذلّه .. شيّبـت راسـه يطقّ راسه على ما قيل .. بالطوفه ! سداح ,, يا سداح ,, ياسداح بالله وش خليت الباقي الشعار ,, الله لايضركــ والله انها ذهب× ذهب سوف اقراءها مره ومرتين ومية مره ,, وادري ماراح تسد ,, سجل متااااابعتي والاعجاب ,, تقبل اجمل تحيه ,, |
وعليكم السلام ورحمة الله وبركاته ،
وكل عام وانت بخير اولا ً : الحمد لله على السلامه و طالع من الشر ثانيا ً : سعداء بـ رجعتك لـ المرقاب وثالثا ً : صح لسانك على هالابداع الغير مستغرب تقديري لك ، ودمت بخير |
وثايق البيت الأبيض سود ياساسه ما هي مثل لونه اللي دايم نشوفه أستاذنا الكبير / ســــــــــــــــداح حقا استمتع بما تكتب من شعر صح لسانك وسلـــم بنانـــــــــك تحياتي و تقديري |
وثايق البيت الأبيض .. سود يا ساسه
ماهي مثل لونه اللـي دايـم نشوفـه بانت بعد ما نشرهـا شـارب الكاسـه اللي بمـا يحتويهـا يكـرم ضيوفـه الدولـه العادلـه للظـلـم كـداسـه والعدل تردم عليه الصمـت وتطوفـه تحيـك للعالـم المستضعـف لباسـه من باب الأكـذاب بالعريـان مكلوفـه تقايس الحـقّ ليـن تعـرف مقياسـه وتخمّه .. وتسلبـه حقّـه ومعروفـه والشرّ في ظلّهـا محتـاش نوماسـه تحكم عليه الأمـان وينجلـي خوفـه يشهد عليها العبـث لا دقّ مرواسـه يسيّـل الـدّم مـن بغـداد للكـوفـه كرامة الشرق تحت الغـرب منداسـه وحقوق الانسان للعـدوان مصروفـه واللي يقول المذلّه .. شيّبـت راسـه يطقّ راسه على ما قيل .. بالطوفـه ! صح لسااااانك يادكتور الشعر وش اقتبس وش اخلي صح لسانك ملاييييين تقبل مروري ودمت بخير |
سداح
صح لساااانك ومافيك حيله ووجودك مثري ياجززززل تشرفت بمروري اخوك |
من يوم شفت زحمه في طرقات المرقاب الشعبي
وانا داري ان لك شي جديد ، والله يادكتور انك تعديت مرحلة المدح والاعجاب الله لايضرك وبالنسبه لي صرت اجي اتعلم من متصفحاتك اكثر من اني اجي اقرا وبالنسبه للقصيده فوق التعليق والمدح يا استاذي تقبل مروري المتواضع ولو عطيت كلامي حريته فتحت موضوع في جنب المتصفح هذا وتكلمت ولا وقفت دايم |
سداح سداح سداح
تقايس الحقّ ليـن تعـرف مقياسـه وتخمّه .. وتسلبـه حقّـه ومعروفـه والشرّ في ظلّهـا محتـاش نوماسـه تحكم عليه الأمـان وينجلـي خوفـه يشهد عليها العبـث لا دقّ مرواسـه يسيّـل الـدّم مـن بغـداد للكـوفـه كرامة الشرق تحت الغـرب منداسـه وحقوق الانسان للعـدوان مصروفـه لله درك يادكتور حي هالطله يالذيب |
كرامة الشرق تحت الغـرب منداسـه
وحقوق الانسان للعـدوان مصروفـه سدّاح برجوعك رجعنا لقراءة النشرات الإخباريّه شعراً لله درّك والحمدلله على السلامه |
يامرحبا يامرحبا تراحيب المطر
من طول الغيبات جاب الغنايم ايه هالحين اشتعل يامرقاب صح لسانك ياسداح وانتبه انتبه لعاد تغايب اوحيت |
هههههه الله الله
الله يبيض وجهك اللي مايوقع لك يضرب براسه الطوفه صح لسانك وهذي هي الحميّه الصحيحه الدين والوطن تقديري |
الاخ الشاعر / سداح
أولا : حمدالله على السلامه أسعد بجديدك وتستاهل كلام المدح كله من الاعضاء أنت تبعث في صدورنا معنوية الشعر لنزداد شوقاً له ونكتبه كـرامــة الـشــرق تـحــت الـغــرب مـنـداسـه وحـقــوق الانــســان لـلـعــدوان مـصـروفــه والـلــي يـقــول الـمـذلّـه .. شـيّـبـت راســــه يطـقّ راسـه علـى مـا قيـل .. بالطـوفـه ! وافي ياسداح :) ماتشوف مكروه ان شاء الله لك تقديري واعجابي اخوك خالد |
الله أكبر يا دكتور
أنت شاعر الحدث الأول بدون منازع المدح والإعجاب والتعليق أحس أنه ما يفي بالغرض لكن فوووق فووووق يا شعر |
اقتباس:
و لي عوده تليق يا دكتور تحياتي،، |
اقتباس:
حي القصيد وراعيه ياحبي لك وحبي لشعرك الجزل صح لساااااانك وتحياااتي لك |
. . هنا متصفح غنى ثقافي.. أدبي .. شعري لله درك يا سداح شاعر فكر و ناجب للقصيد البكر وفي أمام هذا القصيد دائماً ما تخوننا العبارات فـ صح لسانك وعلا مقدارك وشانك . . تحياتي يا دكتور وإعجابي :wardah: |
،
سداح والله إنك ظاهرة شعرية لا تتكرر إلا بعد 100 عام ماعندي زيادة عن كلام الأخوان صح لسانك عدد الدول البيروقراطية :) تح ـياتي |
| جميع الأوقات بتوقيت GMT +3. الساعة الآن 09:03 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية