السلام عليكم , وأسعد الله أوقاتكم بكل خير , متواضعه أتمنى لها القبول .


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لا والله الا ضاع عزم الباشـه=ولاعاد باقي فاالصبر عرماشـه
من ضيقةٍ تآكل رقاق الثومـه=وتقبض بصدري قبضة الكماّشه
لو هلّ ودان الضميـر اليافـع=أنا غريب وفاطـري شواشّـه
اليا اربعت فوق الثرى وأستنت=تطبق يداهـا طبقـة الدفاّشـه
تزفر ظلوعي والزمن بأحداثـه=ماعاد خـلاّا يانـعٍ ماناشـه
طالت كلاليبه وجالـه جـره=على مساري ليلـه ومغباشـه
اليا أدبحت بيض النجوم وسرّت=فك بخيالي مثل عرض الشاشـه
للماضي اللي لو أسوهج عنّه=ماعاد يمدي روحي المنحاشـه
ياليل لـو بمسامـرك تصبيـره=ماجزت عن ظل الرخا وفراشه
لكنْ عرض أفلامـك المتوبـي=مزعج سوات الساعه الخرّاشـه
ذكرتني سيد القلوب الكمّـل=اللي يعل ّ الضاميـه برشاشـه
روحٍ عليه أستودعت واهسها=رابع سنه ما مرّهـا مطراشـه
عليه ربـاّت الحمايـم غنـنْ=فوق النخيل اللي فزع بأجهاشه
ولاعاد باقـي للسمـر تعللّـه=والموس مابين الجفن وأرماشـه
أنهت من الفرقا ولا لـي حيلـه=وأقول ضعت بعالـم غشاشـه
ماعاد يصفي هالزمن لو قلبـي=مخلص ولونه من بياض الشاشه[/poem]

.


وسلامتكم

.

المشاركة الأصلية كتبت بواسطة مناحي الفرزه (المشاركة 1357321) حجز نمبر وووووووووووووووووووووون صح السانك ملايييييييييييييييييييين