أنا سعودي وأنت جايٍ من الصين
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياطير عقبي كن خاطـرك شايـن=خاطرك شين وغيبتي عنك يوميـن النقـص فيـك مبيّـن لـه بوايـن=في لمعة الريشه وفي ناظـر العيـن ياطيـر انـا ويّـاك كنـا خدايـن=وبيني وبينك ولف ومعامـل ٍ زيـن يوم انتخاوى مع وجيـه الضعايـن=ونهمل سبوقك في مناكب خسيريـن وألا شمـال الهضبتيـن القـرايـن=شرقي طلال ومن سواحيق ويميـن والا عطينـا سـكـة التابـلايـن=ولا قد عطيناهـا عليهـا حراذيـن نصبح على طارات شهب المكايـن=بـيـن العراقيـيـن والاردنيـيـن في خايعن به كـن عينـي تعايـن=ربد الحباري به على اربع وثنتيـن ونأخـذ لنـا ايـام بذيـك الدفايـن=مابين برقـع والغـدف والبسيتيـن ونكسر على ماينحدر من ضوايـن=وناخذ هناك اسبـوع والا اسبوعيـن وننكف نشاط وسالميـن الصخايـن=ولو كان نتعب عدنـا مستريحيـن قـدّام يطلـع للصقـاره زبـايـن=ناس تحوش القوبعه بـام روحيـن ليـا روحـوْ بمشحنـات الخزايـن=مافـي نحاهـم ذوقـوه الامـريـن واليـوم مابينـي وبينـك مـدايـن=انا سعودي وانت جايٍ من الصيـن وان مالقينـا للحبـاري عـوايـن=ولا توادعـنـا وداع المحـبـيـن الوقـت ماتاليـه معـنـا بـزايـن=والبر في حادور من حيـن لاحيـن ادنـاه مليـان كراتـيـن فـايـن=واقصاه ضاق وضيقوا به هل الضين وضاقت مناهج طيبيـن الضغايـن=اللي على المقناص بالطير ضاريـن واليوم كان اللـي يحاكيـك مايـن=هذي سبوقك وانتهـض بالجناحيـن وهاجر مهاجر مبحـرات السفايـن=للصين والا اهبط على ضلع قزوين لو كـان عنـدي مافراقـك بهايـن=حنا عـزاز ولا نهيـن العزيزيـن خلك تـروح ولا تشـوف الغبايـن=شاملك عفوِِ مثل عفـو المساجيـن [/poem] للظاهره الشعريه / عبد الله بن عون |
صح لسان عبدالله بن عون وسلمت ياخوي سلطان و مشكور على النقل و التوثيق تحياتي |
ومن قال سالم يابو صالح
لاعدمتك |
الله
الله الله صح لسان ابونايف مبدع و متألق سلطان العطاوي 1000 شكر على الايراد يا صديقي |
أرحب يا ابو مرداس
وسلمت يانقي لاعدمتك والله |
صحّ لسان ابو نايف
وسلمت يابو دحيّم على النقل المميّز لاهنت |
صح لسان ابو نايف
شاعر علم من اعلام الخليج ولاهنت يالامير على ايراداك لهذه الدره بس القراين هذي مالقيتها اللي يقولها ابن عون وانت قد قلتها لك في قصيده حتى نشدت اهل البصيري والطرفيه :) افزعلي وعلمني :icon_mrgreen: |
لا هنت يا ابو مشعل
صح بدنك وكلك |
أرحب يا نايف
وسلمت يالامير والقراين التلاع اللي ظاهرة على ساحوق من شمال شرق >>> العن ام التوصيف:wardah: وفيه الهضبتين اللي متناحرات نسيت اسمهم |
سلطان ابشرك اني حافظها وهذا من طيبها وطيب راعيها
ابن عون مدرسة شعر الله يبيض وجهك على ايرادها |
ووجهـك يا نايف
مرحبا الف ولاهنت |
اقتباس:
:( مانيب خابر الا عكاش والحبلا الا ان كان ورى النفود :) <<<< شكله خرب الموضوع :) مير ابا ادور محل ثاني انشدك فيه |
,’
[rplayer]http://sh3r.tarb.net/al-bomat-she3ryh/ajml-shelat/Tarb-net-alboom-ajml-shelat-9.rm[/rplayer] ^ بصوت "مهنآ العتيبي" في البوم "أجمل الشيلآت" :) صح لسآن العلم "عبدالله بن عون" ولآهنت على إيرآدهآ,, الف شكر ! ,’ |
قصيده من عيون الشعر الشعبي
عبدالله بن عون شاعر كبير ومدرسه شعريه ، صح لسانه وسلمت يا سلطان قصيده سمعتها في ديوانه وأعجبتني محبه وتحية :) |
سلطان العطاوي
و الله كنق اشهد انك اخترت قصيده يسلم فكرك يا شيخ |
[align=right]
لو كـان عنـدي مافراقـك بهايـن حنا عـزاز ولا نهيـن العزيزيـن خلك تـروح ولا تشـوف الغبايـن شاملك عفوِِ مثل عفـو المساجيـن لا هنت على النقل الطيب وصح لسان الشاعر [/align] |
سلطان العطاوي
ياسلالالالالام على هالذائقة وصح لسان القدير عبدالله بن عون .. لك فائق احترامي وتقديري ...!! |
رائعه من روائع العملاق ابن عون
لاهنت طال عمرك على النقل الرائع :SnipeR (69): |
| جميع الأوقات بتوقيت GMT +3. الساعة الآن 09:32 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية