ياهل المرقاب صحصحو وينكم
انا وين ابلقى تاجرن يفرق السوم
ابابيع واشري بالريال السعودي نبا نصيد صيدن يعجز الشبط والبوم وعلى قمت المرقاب صوت الرعودي |
هلا مرحبا باللي يبا يهجد القوم ترى عملة اهل الدار سلم الجدودي مايشرف على المرقاب ياكود زيزوم وتسمّع على الشعّار واقراء الردودي |
بيضان وجيه بدايه قويه ورد قوي من غير اهل المرقب يفرق اسوم
تحياتي للجميع |
اقتباس:
يدوم البقى ياللي ترحب وملزوم امجد هل المرقاب ضمن الشهودي مع الباب ندخل ياعسا حبيب يدوم على اللي يبا يرقا يعد الحدودي |
اقتباس:
والا يابن سمران السماء كلّه نجوم عسى نجمكم يظهر ويلقى وجودي بسيطه حدود الضلع يامكثر الحوم ولكن مرقا الضلع صعب ويكودي |
اقتباس:
الا ياحمد انياقي على ارقابها وسوم وهدير الفحل رغى الحوار الهبودي حدود الجبل ماتبغي اسباحه وعوم وطلوع الجبل سهلن عليك الصمودي |
اقتباس:
دوك خيار الاصايل ماتبا بصمة ابهوم تبا فارسٍ ما يبتلش فالقيودي على النايفه ما ننطوي تحت مزموم ولن جيت اداوي كبد واجرح كبودي |
اقتباس:
وعلى القمه وتسمع عرين الاسودي ولاكنك انته يابيض الوجه مهضوم وتغني على الاطلال الا ياوجودي |
اقتباس:
وصقرٍ على القمّه واسوق القرودي صعيبه على المغرور ياحكمة الصوم وسهله على راع العزوم الودودي |
اقتباس:
واثاريك ياحمد زين هيكل وبودي علامك زعلت الرمح ماهوب مسموم علامك على نفسك تبيح السدودي |
اقتباس:
واثاريك ورعٍ ما يسرّ العنودي ولنكان مالك ياولد طوقه اتقوم تريّح وخلّ الكايده للفهودي |
ههههه
اخوي احمدصح لسانك سعت باللعب معك |
لا هنتوا يا شعار , امتعتونا بالمحراف
تحياتي و متابعتي لكل قادم :) |
ابن سمران
صح بدنك وصح لسانك ولاهنت واسعدني اللعب معك محمد آل عبدان لاهنت على الحضور والمتابعه يالقرم تحيتي,,, |
| جميع الأوقات بتوقيت GMT +3. الساعة الآن 11:06 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية