عتيبه ( الهيلا )
 

اتشرف بمناسبة فوز قبيلة عتيبه في مهرجان (ام رقيبه )وتحقيقها لمراكز متقدمه
ان اشارك بهذه القصيده المتواضعه أمام انجاز هذه القبيله العظيمه
بدون قصور في باقي القبائل


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الحمد لك والشكر ياخالق الكون = على ماحققته قبيلة عتيبه !
نصر ٍ تحقق والأوادم يشوفون = وكل ٍ على مرءآ ومسمع دريبه !
فزنا وحنّا فوزنا شي مضمون = والأوله ماهي علينا غريبه !
عوايد العتبان دايم يفوزون =ولاهي على ( ربعي عتيبه ) صعيبه !
قول وفعل ماهو ( وكالة يقولون )= (والمركز الأول ) نجيبه نجيبه !
بجهود قوم ٍ للمراجل يعشقون = تطيعهم بالطيب والاّ الغصيبه !
لاشاركوا / في كل لازم يسدون =والمجتهد منهم يحصّل نصيبه !
وفي كل محفل للجوايز يحصدون =حتى اعتلوا فوق النجوم الرقيبه !
اينافسون ابزينة الشكل واللون=غزايز ٍ فيها الوصوف العجيبه!
وكم غيرها اذواد / أهلها يستعدون =تبا تنافس فالسنين القريبه !
مفرودها يسوى من المال مليون =وللي يسوم / أقيامها أصلاً تعيبه !
غالي ثمنها علّم اللي يسومون = ماراحت ألـ /سوق الجلايب جليبه !
من دونها كم طيّروا روس ومتون =يوم المغازي والسنين العصيبه !
حامينها اللي فالمواقيف يثنون = من شانها صفّة كتيبه كتيبه !
لاجاء نذير المعركه مايشدّون =وكم فرّقوا بين الصحيب وصحيبه !
( هيلا ً ) على حوض المنايا يهيلون =دون الدخيل اليا شكى من مصيبه !
قبيلة ٍ مع سلّم المجد يرقون =وألهم مقام / وقدر عالي / وهيبه !
وألنا الفخر بين العرب / يوم يطرون =اسم ٍ ينومس كل من يعتزيبه !
يشهد لنا التاريخ والناس يدرون =ولايجهلون اهل القلوب اللبيبه !
قلته ومتنومس وشاكر وممنون =واهني ( الهيلا ) شباب ٍ وشيبه !
واليوم (يوم الفوز ) والنصر مضمون =تباشروبه ياقبايل عتيبه ![/poem]

ونعم مليووون فيك وفي ربعك..

وصح لسآآآآنك مليووون..

وصح لسآنك أيضآ على التوقيع وعسى الله يطول بعمر جميع المسلمين ويشفيهم..

وتقبل تحيّتي ومودتي..

أخوك,,

كفو ويستاهلون

صح لسانك يامحمد

حبلي خشمك يابو مالك

صح لسانك ياعملاق


تحياتي

الله الله الله الله


صح لسانك على ما تقدّم من شعر حقيقي يابو مالك


شكراً بأسم الشعر والشعراء والمتذوقين :wardah::wardah:

فزنا وحنّا فوزنا شي مضمون
والأوله ماهي علينا غريبه !
عوايد العتبان دايم يفوزون
ولاهي على ( الروقه وبرقا ) صعيبه !
قول وفعل ماهو ( وكالة يقولون )
(والمركز الأول ) نجيبه نجيبه !




وش نقوووول بس يا محمد


وفيت وكفيت وابدعت


ما شاء الله تبارك الله



صح لساااااااااانك حتى ترضى

كفو كفو


ماهي وكالة يقولون
صدقت ياابو مالك
وصح لسانك عدد قبلية عتيبه وزود

..


ونعم فالخوال .. عتيبه

وصح لسانك يامحمد
وافي وقصيدك وافي

ابو مالك

نصوصك الشعريّه ( تفوح ) مجداً ، وفوزاً
لك كل الحب

ابو مالك صح لسانك مدد بلا عدد

عزالله قلت يوم قلت

جزاله وابداع وتصوير رائع

اشكرك على هذا النص كل الشكر

تحيااااااااااااااااااااتي لك