السلام عليكم ..


مشاركة تواكب الاحداث الأخيرة في تونس والله يعين المسلمين ..

[poem=font="Simplified Arabic,4,darkred,normal,normal" bkcolor="transparent" bkimage="" border="none,4,burlywood" type=2 line=0 align=center use=ex num="0,black""]
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,burlywood" type=2 line=0 align=center use=ex num="0,black""]
[poem=font="Simplified Arabic,5,darkred,normal,normal" bkcolor="transparent" bkimage="" border="none,4,burlywood" type=2 line=0 align=center use=ex num="0,black""]
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يازين ابن علي تراك منت بزين العابدين = وش له تسمى بالرجال اللي عظيم ايمانها
هذاك زين العابدين حفيد امير المؤمنين = العابدين العادلين اللي العدل ميزانها
والا انت يوم الله عطاك ولاية للمسلمين = اقصيت شعبك لين ثار وولعت نيرانها
وركزت ساقك للخلى تبي وجيه الغانمين = وخليت دارك منهزم يوم ان سمك دخانها
ولولا الله البادي ومر ثم الولاة الطيبين = ضاقت عليك الواسعه وتسددت جيانها
لابد تدان بفعلتك يابن علي كما تدين = والنفس يلحقها الحساب ليا لقت ديانها
لو اعتبرت بماحصل في ماضيات الغابرين = انباك عن فحوى الكتب يابن علي عنوانها
يالله ولاتجعلني من الفارحين الشامتين = اللي على مصيبة سواهم يطلقون ارسانها
شفنا بتونس ماحصل في لحظةٍ وارماش عين = مالايصدق لو نشر قبل الحدث باعلانها
ان قلت ثورة باسلة قالوا من الخارج عوين = وان قلت تخطيط العدو قالوا تقلل شانها !!
بس الوكاد مآمره والا جهود الثايرين = صديق عينك مايكون بدولته ماكانها
وانا احمد اللي خصنا في دولة امنه امين = في ظل حكام تعز رجالها ونسوانها
خدام بيت الله ورمز العدل والقول الثمين = ولاة امر المملكة هم امنها وامانها
دستورنا القرآن واللي فيه من حق مبين = وشعارنا وحدة وطن ماهو فلان فلانها
ياتونس احكي ماجرى على سموع الغافلين = وعلى لسان ابن علي وبطانته واعوانها
حتام ياغفلة ولاة الامر بحساب السنين = لين ظهرت عقب البطى هيئة حقوق انسانها
الغرب ينفخ تحتكم جمرة شعوبٍ جاهلين = ويألب قلوب العرب ويأدلج من أعيانها
كلن على عرفه عطوه وطنشوا للراسخين = بمسميات تنفخ الروس وتسد اذانها
الرأسمالي قلطوا له بالصحن عجلٍ سمين = إلين يسمن والضحيه تنعرف بأسنانها
والاشتراكي اشركوه بجغمة من دلو طين = وخلى مباديه وركض ورى الذهب واطيانها
والراديكالي سلموا له مقرفون من اليمين = حتى تطرف لليسار ونجزته ايمانها
والليبرالي حجموا فكره وعلمه في ثنين = بين المره وقيادته ياليل دانه دانها
واللي تعلمن علموه ان الحياة بدون دين = دوله مدنيه تدين وتحترم شيطانها
واسماء اخرى فاشلة مايجهله رجلن فطين = ومسميات كاذبه ماهوب صح لسانها
وحنا تبعناهم كذا بافكارهم متجاهلين = وصية منذ الازل " فرق تسد " عنوانها
الله من يومن نشوف ان العرب متكاتفين = تحت لواء الله اكبر في وجه عدوانها
لله وحده رافعين أيماننا وموحدين = وترجع بعون الله لكل المسلمين اوطانها[/poem][/poem][/poem][/poem]



احمد بن فاضل الشمري





ّ