المنتخب وقطر
 

السلام عليكم

مشاركة طرت وجرت واتمنى قبوولها

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الامر مكشوف والنيّات مفضوحه = بثّتها الاقمار للتلفاز والرادي
يالمنتخب وش حصل لك في سما الدوحه = وأوّل سماها مليته نصر وامجادي
ماتدري النفس منك اليوم مجروحه = نفرك يدينا قهر والا الامر عادي
خليت جمهور مجدك ترفع النوحه = طاحت عصا العز من يمناك فالوادي
ماهو بحقً تخلي الكبد مقروحه = في الساعة اللي رفعنا راية بلادي
ذي راية السيف والتوحيد وصروحه = واجب على العود رِفْعتها والاولادي
والزلة اللي تجي فأشخاص مسموحه = الا الوطن لجْله الارواح تنقادي
دونه ليا جت جيوش اعداه . منطوحه = بالدم نفديه والبارود وقّادي
اوراحنا تموت لجل اتعيش بس روحه = من قبلنا قد فدته اجساد الاجدادي
واللي عزومه تخونه فأول الفوحة = يترك مكانه لقرمٍ ذيب وجهادي
الدار تبغى صبيٍ يبعد الشوحه = يجوّد لها المجد في القمة بالاوتادي
واللي يحسْب البلد لوحة . ماهي لوحه ؟ = حنا بلدنا تهزّ بلاد واسيادي
في رايته كلمة التوحيد مشروحه =يبقى على العز غطى رووس الاشهادي[/poem]


jcLiiiJl@hotmail.com