منتديات المرقاب الأدبية - كلن على كيفه يشـــــــجع فــريقه

السلام عليكم ورحمة الله وبركاته
القصيده قديمه والجديد قادم انشاء الله
ياللي تغوصون البحور العمـــــيقه=حطيت في قاع المحيط الوثايق
ماهيب عرضه للبشر والخــــــليقه=من دونها حطيت شبك وعوايق
قلت المحيط وبحركم في مضــــيقه=ناسً يحســـــبون الثواني دقايق
الشعر وصف ولـــــه معاني دقـيقه=ماهيب لعب وقسَمَوها فــــرايق
وكلن على كيفه يشـــــجع فــريقه=وأهل اللفايق شغلهم باللـــفايق
ياهاجسي خل المشــــاعر رقــــيقه=وانا أدري انه فات وقت الرقايق
ضيفً سكن بين الضلوع الغــليقه=والنارشبت في غصون الحدايق
تنــــتابني ضيقه ولاهيب ضــــــيقه=مانيب متضايق ولانيب ضايق
كلً على كيفه ويعرف طــــريقه=يعني على ماقيل من دون سايق
مير اسمعوا ياهل الوجيه الطلـــــيقه=مانيب لاخاين ولانيب بــــايق
مانيب من ينوي بقولــــه رفــــيقه=ولانيب من يبحث خفايا الخلايق
......
وسلامتكم