أهدتنيها ليلة شتاء بارده... بارده مؤلمه


وهي لكم هديه ولكن بعيدا عن البرد والألم






الليل ياخذني غموضه وجوه
...............خلف العيون البارده والتماثيل
والشعر براقه سرابي ونوّه
...........يغرى هجوسي بالسهر والتخاييل
يااللي لمست الجرح والجرح توّه
...........نزفه على جال الضلوع انهك الحيل
وش لك تحسه والحكي بان سوّه
..............خله ترى قافيه ليل وغرابيـــل
وياصاحبي ياللي خذتك المروه
.............يم الفراق اللي خذاني وانا بليل
الصبح ماشفته ولاشفت ضوه
..............وجهه غدا ليلٍ نسته التفاصيل
وعقبك غدا هالقلب كنه بهوّه
.............لاعاد له نبض ٍوصبره هنااغتيل
ما ادري؟ انا ابكي عمري اللي تشوّه
...........والا اضحك بوجه القهروالتهاويل
والا ابلش بناس..وعيونٍ عدوه
............شربت على حفل المفارق فناجيل
ياصاحبي...وجه المواجع تموّه
...........ولاعـــاد في ظـــلك برادٍولامْقيـــل
الله معك لو خاطري كْسيرْلوّه
...........ادعي عسى له جـــابرٍبالمقابيـــل
وياللي لمست الجرح بسم الأخوه
............لاعاد ليل البـــارحه والتعاليــــل



,,,,

سهر