يومك تقعّد لي ياساهر ماهو عيب ؟؟؟
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يومك تقعّد لي ياساهر ماهو عيب !! = ولا على شاني مواطن مسيكين ؟
ان كان تهدف تاخذ اللي ورا الجيب ! = قلي وانا اقسم لك معاشي على اثنين
لك نصه ولي نص فرصه وتجريب = واوعدك في حفظ العهد والقوانين
ماهو بتسرقني ومن منطلق طيب = وتقول انا خايف عليك ولك معين
الطيب ! ماهو تختل الناس بالغيب = وتسهر لجل منهم تدّخل ملايين
نورك شكت منه الضلوع المحاديب = وزوّد تلفّاتي من يسار ويمين
يابرق كنا لك نسوق التراحيب = واليوم شوفك ما ابهج النفس والعين
لاصار ساهر برقه يسبب الشيب = من لاح في جوّه غدا وابله دين
سيرتك صدفه مالها أي ترتيب = إلا اربع حروفٍ على حد ( قوسين )
إبدايتك في داخل الباص تركيب = وهالحين لك هيبه ومنصب وتمكين
يحق لك لا صرت تركب على جيب = ولاّ كما الصرّاف من بين هايوين
قدّام لا ناصلك نسعى مهاذيب = وليا وصلنا لك نجيلك مهدّين
لإن العلاقه بيننا مابها ريب = علاقة ضحية على حد سكين[/poem]

الله الله

زياد المزرمي
صح لسااااانك وساهر اكل الاخضر واليابس
عسى الله يريحه ويريح الناس منه
راحت الرواتب انصاف

لاهنت

الله الله الله الله الله

زياد المزرمي..

دآيم قصآآيدك جمييله..

لله درررك يآمبدع..

وعسى مولآك مآيضرك..

وصح ليآآنك مليوووون..

وتقبل تحيّتي ومودتي..

أخووك..

قصيدة شعب بصوت شاعر مبدع

ويعرف كيف يصوغ الشعر البهي بحق

صح لسانك مدد يا زياد وسلمت ،

..

سداح

صح بدنك يا سنايدي

والابدااع يكمن في مرورك العطر

لك خالص الشكر والتقدير

:wardah:

صح لسانك يازياد
شاعر ولك باع طويل فالشعر

قصيده ولا اروع نابعه من معاناه:woow55:

تقبل مروري وتحيتي

وجل اعجابي الكبير

كل الود...

صح لسانك ولا هنت


ساهر كلن يشكي منه حتى راعي السيكل


لك اطيب تحيه

صح لسانك يازياد

ساهر الله لايسقي ساعته .................... خلني ساكت يارجال