عتيبه الهيلا ليا صحت الها..
 

[align=center]مساكم شعر..
قصيدة القيتها في حفل دعم وتكريم شاعرنا/علي بن فلاح العضياني بمناسبة تأهله في مسابقة شاعر المعنى..بحضور الشيخ/صنيتان الظيط..[/align]
:
:

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا هاجسي بسم الله الرحمن=حضّر معي ثم أعسف القيفان
دوّر من أجزال البيوت أسمنها=والك عليّ أن العلوم أسمان
عزيمة العضيان ما ننساها=باليوم والتاريخ والعنوان
ومع كثرة الأشغال مايعذرني=حتى لو ألقى لي عذر مليان
واجب خويً مع خويّه ياقف=ناقف مثل ما تاقف الضلعان
علي فلاح الشاعر المتميّز=في واجبه ناقف كما الاخوان
الشعر من عنده وصح لسانه=والدعم من ربعً طوال أيمان
عتيبه الهيلا ليا صحت الها=قالوا سوا بسم الله الرحمن
وبسم ثبيت أهل الوفاء والطاله=لمرجحين الوزن والميزان
سلام رديّه عريبة منسب=واسم الثبيتي فوقها برهان
تدور للحضار دور الدلّه=اليا أستدارت دلّة الرسلان
وفنجالها الأول بليا قاصر=ينساق لك يالظيط ياصنيتان
والدول من يمناك يمشي يمشي=للّي حضر من ساير العربان
ياصل سلامي كل من يسمعني=لأهل المحل/ والرّبع/ والضيفان
ويثنى لك الفنجال يابن محمّد=لأنّك ليا جات اللزوم حصان
تاريخك وتاريخ أبوك وجدّك=وتاريخ أهل عمهوج والعضيان
علمً يشرفني ليا عدّيته=وعلمً يشرّف ربعي العتبان
لو ننشد الاتراك عن وقفتكم=رمت طواقيها وقالت وأن؟!
يقلون فاسطنبول تنشد عنكم=تبى تشاهد سيفكم شامان
كنه مروّعهم على ماسمعوا=ممّا حصل في ساحة الميدان
وتبى تنشّد عن عدد موتها=وتأخذ عبر ودروس بالمجان
وألا القضاء ياعنك مايمديهم=مادامت ابن سعود فالأوطان
حكامنا وأعزّ من يحكمنا=أهل الكرم والجود والإحسان
مليكنا عبدالله وعبدالله=مع طالة يمينه وسيع بطان
يعيش ابو متعب زعيم الأمه=ويالله تحفظه ياعظيم الشان
ويرجع لنا سالم معافا طيّب=ويكون عيدًا من قبل ما كان
هذاه أبو متعب ملكنا الغالي=اللّي عضوده نايف وسلطان
عيال عودًا ياعساه الجنه=ملوكنا لا عدّوا الشجعان
وختامها على محمد صلّوا=والشكر والتقدير والعرفان[/poem]
[align=center]
/
/
أخوكم/
عيضه الثبيتي[/align]

مرحبا مرحبا يا مبدع


حضرت للترحيب



لي عوده بإذن الله

عيضه عزالله انك ابدعت يامبدع

قصيده عن الف قصيده ويستاهل الضيط

ويستاهل علي فلاح

وانت تستاهل كل تقدير واحترام


لك اطيب تحيه طال عمرك

دوّر من أجزال البيوت أسمنها
والك عليّ أن العلـوم أسمـان

الله الله الله ياعيضه .

بيض الله وجهك ,,,,

ماتجيب الا الجزل والسمين ياعيضه ,, وعلومك كلها غانمه .


قصيده فاخره ياعيضه وحضورك كان حضور رائع جداً .


صح السانك مليون ولاهنت يالغالي ,,

ياسلام
ياسلام
حضور مشرف وقصيده تبيض الوجه
ولا هو غريب عليك الابداع

علي يستاهل والله يوفقه وبيض الله وجيه
العضيان كلهم على كرم الضيافه وحسن الاستقبال


صح لساااااااانك

الله الله الله

عيضه اثبيتي
سمعناها هلى الملاء واطربت الجميع
شاعر نظم وقلطه من الدرجه الاولى
لاهنت يبو معيوض
تحيتي

الله الله

عيضه الثبيتي

صحّ لساااانك ملايين

مبدع ولله درّك

ويستاهل علي العضياني والله يوفقه

لاعدمناك يا نجم

تحياتي لك

يابو فيصل


لله دررررررررك مبدع مبدع لأبعد الحدود


والشهاده يقطر دمها من ذو مبطي


صح لساااااااانك حتى ترضى


يستاهل ابو فلاح الدعم والوقفه

سعود


شرفتنا طال عمرك

ابدعت يابومعيوض ولايستغرب على شرواك

شاعر وقفاتك محسوبه وجزالتك معهوده ,,

صح لسانك ويعلم الله اني كنت حريص على مقابلك لكن العوض في المقبلات ,,,

اخوك ,,

ارحب ارحب ارحب ياعيضه
عزالله جبت اسمن الابيات واجزلها

صح السانك ملايين

الله الله

ياعيضه


لله درك .. وصح لسانك


ابدعت كعادتك


وابو فلاح يستاهل الله يوفقه

صح لسانك ياعيضه

ولاهنت

جزله من جزل

ويستاهل علي المدح

تحيتي لك

الله الله

صح لسانك ياعيضه هذا والله الضرب

هاك الليل ماني بيمك مشغول

ولا سمعتها والا حرام اني لحب خشمك

هذا والله الكلام اللي عاه العلم

شكرا شكرا جزيلا على الحضور والمشاركه

وابو فلاح يستاهل كل علم غانم

تحيااااااااااااااااااااااااااااااااااااتي لك

لا جديد

ستظل الشاعر الذي نبحث عن شعره
صح لسانك
صح لسانك

صح السانك

يالثبيتي

عزالله انها دلة شعر مامثلها تقند الراس عن غيرهاا للحول

ويستاهل على والعضيان ويستاهل صنيتان

والله يرد ابو متعب سالم ويحفظه لنا

الصراحه يااعيضه قصيده شامله

الله لا يهينك

تحياااااااااااااااااتي

مبدع ياعيضه وشهادتي تعرفها والطيب يستاهل

محمد ب نايف

أسعدني تواجدك

اللهم صلي وسلم على نبينا محمد واله صحبه أجمعين

صح لسانك يا عيضه وبيض الله وجهك

قصيده جزله والشيخ صنيتان يستاهل وعلي يستاهل شاعر مبدع



اعجاب وتحيه :)

واجب خويً مع خويّه ياقـف
ناقف مثل ما تاقف الضلعـان
علي فلاح الشاعـر المتميّـز
في واجبه ناقف كما الاخـوان
الشعر من عنده وصح لسانـه
والدعم من ربعً طوال أيمـان
عتيبه الهيلا ليا صحـت الهـا
قالوا سوا بسـم الله الرحمـن
وبسم ثبيت أهل الوفاء والطاله
لمرجحين الـوزن والميـزان




كفو كفو يا عيضه عز الله انك وفيت وكفيت


صح لسانك وسلم راسك

المبدع عيظه الثبيتي ..

قمة الجزاله والابداع ...

قصيدة في محلها وجائت لمن يستحقها ...

صح السانك ..