يانجد !
 

السلام عليكم ورحمة الله وبركاته ,,,





[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يانجد احبك واعشقك واتوجّدك= لأجلك ولأجل اللي حلاه معدومي
ماشفت مثله بالحلا في بدايدك = بيّح خفى قلبي لو انّي كتومي
ولو كنت وسطك مير يانجد ما ابعدك!= لاتحسب ان البعد بعد اليمومي
اجيك يامنبع غرامي واعايدك = عيدك مبارك جعل عزّك يدومي
ويانجد تنشدني وانا مثلك انشدك = وانا على خبرك علومي علومي
ماغير اغنّي في بهاك وفرايدك = وافز مع طرياك من حلو نومي
كم من هنوفٍ تزعل ان جيت امجّدك = وياعلّها بعد الزعل ماتقومي
قلبي معك عليه وسمك وشاهدك = ماينمحي يالين تمحى النجومي
تلقى عليه اسمك وتاريخ مولدك = شهادةٍ فيها الغرام مختومي
الله ياوقتٍ مضى لي على يدك != يوم السعد طيره علينا يحومي
واليوم انا يانجد ماغير اجاهدك = واتعبتني وانا قويّ العزومي
تغيرت مع من يحبّك عوايدك = ولاعاد منك الا العنا والهمومي !
مجذاب دلوك عقب شحّت مواردك = مجذاب سرحان الخلا للحومي
يزها ربيعك مير ماني بحاسدك = جيته وعرّضني لهيب السمومي
حالي تغيّر والسبب من تقصدك =وللحزن في وجهي وحالي رسومي
وانا معك في كل حالاتك احمدك = حتى لو اني قانعٍ من لزومي
عيبٍ علي اجحدك وشلون ابجحدك != وانا حياوي واستحي من هدومي !
دامي على صدق المحبّه معاهدك = عهد النقا ماهو بعهد الرخومي[/poem]

وسلامتكم,,,


عمر بن عبدالرحمن

ياسلام ياسلام عليك ياعمّر

عز الله إنها ذهب

:wardah:

صح لسانك لين ترضى ونص شامخ بشموخ كاتبه

عيبٍ علي اجحدك وشلون ابجحدك

وانا حياوي واستحي من هدومـي

والله لايضرك ,,

الله الله الله

صح لسانك يا مبدع

،


ماغير اغنّي فـي بهـاك وفرايـدك
وافز مع طرياك مـن حلـو نومـي
كم من هنوفٍ تزعل ان جيت امجّدك
وياعلّهـا بعـد الزعـل ماتقـومـي

الله الله .. عتب الحبايب مبآح


كنت انتظرك تنزل قصيده يا عمر .. علشان اقرا الشعر الحقيقي
صح لسانك ولاهنت يا مبدع



اعجابي

الغيم

مرحبا بك ومسهلا

صح بدنك واشكرك وانا اخوك

ناصر بن سعدي

مرحبا مليارات يابوتراحيب
ونورت المراقيب كلها بطلتك
صح بدنك وسلمت ويعلم الله ان الذهب معرفة شرواك

خل القصايد

ولاعاد تبطي عن المرقاب

واسلم وسلم
:wardah::wardah::wardah:

ناصر السبيعي

سلمت وانا اخوك
والابداع تشريفك انت وشرواك

:wardah:

وريث الشعر
حسن الدجيما
سلمت وصح بدنك

اسفرت وانورت يابن ثعلي

والله يحييك
:wardah::wardah:

شاعرنا
سيف صالح الدلبحي

يعلم الله اني اتشرف بك وبحظورك

لاهنت وصح بدنك
:wardah::wardah:

مشرفنا الغالي
خالد السيحاني

جعلك تسلم
وشهادتك راس مال يعلم الله

الله يرفع مقامك ويديمك
:wardah::wardah:

هلا هلا هلا هلا هلا
ومليار هلا


ابو حمد اسفرت وانورت

وانا قريب طال عمرك

الله يطول عمرك وصح بدنك وسلمت

واعجابك وسام على الراس وافخر به يشهد علي الله

ماغير اغنّي فـي بهـاك وفرايـدك
وافز مع طرياك مـن حلـو نومـي
كم من هنوفٍ تزعل ان جيت امجّدك
وياعلّهـا بعـد الزعـل ماتقـومـي

الله الله
صح لسانك يا عمر
مبدع مبدع

المشرف الغالي
فارس

مرحبا بك والله

صح بدنك وسلمت للمرقاب :wardah::wardah:

الله ياعمر صح الله لسانك ملايين ومرحبا مليووون بحضوورك الرائعلاهنت تقبل تحياتي

الله الله

صحّ لسانك يا عمر

يعطيك العافيه ولاهنت

تحياتي وتقديري

عيبٍ علي اجحدك وشلون ابجحدك !
وانا حياوي واستحي من هدومـي !


قمّة الولاء

أضاءت المواهب بتلك الدرّة

صح لسانك ملايين وسلمت بهذا الحضور المشرق يا عمر


تحياتي

..

عادل محمد العتيبي

صح بدنك وكلك

سلمت ودمت
ويامرحبا
:wardah:

سعود بن مشعل

الله يبقيك وصح بدنك ياغالي

نورت وياهلا ومسهلا
:wardah:

الرجل الخلوق
محمد بلال


الله يحييك واسفرت وانورت بوجودك يالغالي

صح بدنك والله لايحرمنا منك ومن وتواجدك
:wardah::wardah: