الجهاااات ألأربعه
قد يخدعك أحياناً مظهر بعض ألاشيا ,,ولاكن كن حذراً فلكل مظهراً ,جوهر,,,, بومةً ماتدان القرقعه صاحبي لاضاق صدر الجهات ألأربعه وين اولى والمىدى هم والجرح الرفيق آآآه ياذنبٍ وسعني وانا ازريت آسعه نعنبوا صدراً على مثل هذي مايضيق ياولد قالوا ليا شفتك لك مبلي دعه لويضيق الدرب جنب وخل له الطريق همله قدام لآيبتليك الله معه ولينك اللي لامنعته ولاامسيت الطليق ينثني بالحمل رجلاً ورجلاً يرفعه والجمل ماله عن الصبر لوهو مايطيق ماانت بااول خلآبه (رفيق المنفعه) واجد اللي ساعة الضيق ماحصل رفيق طعني الحق مانثرته يمينك واجمعه لاتقف مكتوف الايدي ليا صرت الغريق وان كتبلك عمر فاانته من الله في سعه عن رفيقٍ ماينومس ودربٍ مايليق قالو العقال ضرسٍ يجزيك اخلعه قبل لا تكبر وكلاً على اوجاعك يويق وقبل لاتشره على الطبع واللي طبعه شف من اللي صايرن له مثل ثوبه لصيق ياولد لابعث ابو الطيب واللي يصنعه في زماناً مابقى فيه طيب ولاصديق (عابين لك بومةً ماتدان القرقعه) وتحسب انك لوتهده يعشي لك فريق لاتسمي (حر)قدام تنطل برقعه كم نحاس فيه مثل الذهب لون وبريق أبوغاده |
..
لاتسمي (حر)قدام تنطل برقعه كم نحاس فيه مثل الذهب لون وبريق الله الله " سلطان " .. صح لسانك يا اخوي ولا هنت .. تقديري لك ..:wardah: .. |
:)
ابو غاده حجز ولي عوده تليق بإذن الله |
صح لسانك ياسمي
تقبل مروري وتحيتي كل الود... |
ابو غادة
الله لا يحرمنا من ابداعك تفبل تحيات واعجاب اخوك خالد السميري |
سلطان
صح لسانك رائع تحياااتي |
هنا شعر حقيقي ياسلطان
شعر غاضب يملك من يقرأه والله ما اقولها لك مجامله وان كتبلك عمر فاانته من الله في سعه عن رفيقٍ ماينومس ودربٍ مايليق يشهد علي الله اني تمنيت ان هالبيت لي ياسلطان ومع تحفظي على بيت واحد ما اقول الا لله درك لله درك :wardah: |
إسلوبك ( متفرد ) يابوغاده
لله درّك هنا أتنفس شعراً نقياً - لك كل التقدير |
اخوااااني والله لسااني عااجز عن االتعبير الله لايهينكم كلكم من اول أسم الى آخر أسم
وصدقوني المكسب الوحيد من كتابتي للشعر هو محبة مثلكم وشرواكم لاهنتوا لاهنتوا |
اشهد بالله انك شااعر
وشهادتى فيك يقطر دمها صح لساانك ولاهنت |
الله الله يابو علي
صح لسانك وبيانك يا مبدع مودتي لك . :SnipeR (69): |
سبحان وهابك يا شاعرنا الكبير
للشعر معك نكهه خاصة اي والله صح كلك ،،، |
اقتباس:
|
| جميع الأوقات بتوقيت GMT +3. الساعة الآن 03:38 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية