كعكة العيد
 

.

.

.

.

طابت أوقاتكم بكل خير

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
ضمن اطار الشفافيه وفتح الحوار=ووفق مفهوم لا يوجد صغير وكبير

يا فهد هاك خذ مني سخافة قرار =وعِـدّها من سخافات الزمان المرير

شيّ قررت اقوله قبل فوت القطار =خذ منه ما يصير وخل ما لا يصير

ولو تقول الخطأ محسوب والموت حار= واول الوقت شمسٍ وآخره زمهرير

قلت لك صاحبك ماهو بطلاب ثار =لكن يقوده لشكواه سلك الحرير

أشعب ركاب فكري من ديار لديار =وامتطي الشعر للرحله واحث المسير

واضحٍ مـاْ آتخفـّـا خلف اسم مستعار= مبدأي .. دام رجلي عالبسيطه تسير

لوّ ابسكت على الضيقه وخنق الزرار =شايف الوضع متدهور وصعب وخطير

الديار امحلت من بعد كانت خضار =والزمان مـْـتـْـردي ما يبشر بخير

والحقوق استبيحت دون رد اعتبار=في حضور الطمع وغياب صوت الضمير

وكعكة العيد ذاقت علقة الاحتكار =بين ثغرة نظام وبين غفلة وزير

وكعبة الشرق كيف اضحت ملاذ ومزار=للـعبي والمشالح والغني والفقير

والحياه استحالت كلبوها مرار=يوم تخسر صديق ويوم تفقد عشير

والطموحات توأد وانت مالك خيار=وجرمها دبسوه بفم طفلٍ غرير

دون تحقيقها حارس وباب وجدار =كل ذا قلب من ويلاتها يستجير

لكن اقسمت لاجهر بالحقيقه جهار=ومن زعل قل يطير ان كان يقدر يطير

انت يا اللي نظرنا لك بعين الوقار =وانت في داخلك نذْل وخسيس وحقير

ما ورى الليل غير طلوع شمس النهار= وينكشف خافيٍ يبصرْه حتى الضرير

وش يفيد الندم في ساعة الاحتضار=لا عرفت ان قدامك حسابٍ عسير

كم تعبنا نعاني الصبر والانتظار=نبصر الورد لكن ما نشم العبير

ملت النفس طعم الذل والانكسار = واشتكى الجنب من تأثير طعن الحصير

لو حلمنا نعيش بنشوة الانتصار=الزمن كيف نامن شره المستطير

يا فهد ما خبرنا حر يرضى الحصار= او يصادر منه حق اختيار المصير

وش بقي من مكانه للنفوس الكبار =دام سيف الكرامه ميتٍ فالجفير

لد عينك يمين ولد عينك يسار =ما هو ابكل شي ينقال له غير غير

الحقيقه حقيقه ما عليها غبار=واضحه للعيان ولو جحدها الكثير

ادري ان الكلام احيان ماله مطار=الجمل حط حمله والفرس ما تغير

يا فهد لا تقول اسكت وما صار صار=اغلب الناس ما يسمع لشور الشوير

وكان قلت الخطا محسوب والموت حار=قلت خذ ما يصير وخل ما لا يصير

الولا يفتح ابواب وطريق الحوار=والوفا يذبح عناد الزمان المرير[/poem]

احمد رده الحارثي

.

.

ابو رده


الشهاده فيك مجروحه وصح الله السانك مليون ×مليون


ودي وتقديري

عنيفه جدا
وفيها من الابداع ما يحتم تسجيل الاعجاب العنيف ايضا

المبدع احمد الحارثي

صح لسانك مليون في مليون ،،

..

صح بدنك يا سيف

وتواجدك غيث

احترامي

صح لسانك يابو رده

نص عالي الجوده

تحيتي

الله الله الله ,

صح لسانك مليون ياأحمد ,

ودمت بخير ,

صح بدنك يا مدله

والاروع تواجدك بمتصفحي

لا هنت يا الكفو

صح بدنك يا صالح

دمت ودام لي هذا التواجد الرائع

::

احمد رده الحارثي


يعطيك العافيه

نص شعري فاخر ممتع


وماهو مستغرب منك


دمت للابداع رفيقا


لاهنت يا ابن العم

الله الله الله



احمد رده الحارثي




صح لسانك لين ترضى



قصيدة في قمة الجمال والجزاله



دمت يارده ودام حضورك النقي



تقبل مروري واعجابي



تقديري

احمد الحارثي

صح والله لسانك لين ترضى يالشاعر

عز الله انك ابدعت بكل معاني الكلمة

فكر عميق نابع من تجربة وثقافة واسعة

تحيتي وتقديري واعجابي

صح بدنك يابو فهيد

وتواجدك عطر المتصفح

شكراً لك

يـا فهـد مـا خبرنـا حــر يـرضـى الحـصـار
او يـصـادر مـنـه حــق اختـيـار المـصـيـر


الله اكبر


الرائع : احمد الحارثي


هكذا الشعر وإلا فلا



صح لسانك وبيض الله وجهك ياجزل

تقديري واحترامي