كنه يقول بنظرته كيف الأوضاع ،،،،
 

[poem=font="Simplified Arabic,5,royalblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارحه يوم المخاليق هجاع = ‎حضر هجوسي بالرسن والعناني
وسبحت ابه بحر الجزاله والإبداع = اجمع وارتب مبهمات المعاني
أكن غيضا" حابسه بين الأضلاع = ‎مستوطنن بين الضلوع المحاني
زود عليه مع قسا الوقت الاوجاع = ‎واصبحت افكر في عجايب زماني
كله سبايب نادر وصوف وأطباع = غرو(ن‏)رماني في هواه وسباني
لمحتها فالطائره وقت الاقلاع = ‎ذكرتها من عقب بعد‏(ن‏)‏ طواني
كنه يقول بنظرته كيف الاوضاع = وأنا احسب انه عقب بعده نساني
اثر المحبه تجزي الصاع بالصاع = ‎واثر الجفا من صاحبي شي ثاني
يقسا علي واقول طايع وسماع = ‎لو ان ‏ وقتي للمفارق حداني
اذوق منه المر باشكال وانواع = وأصبحت فالدنيا حزين‏(ن‏)وأعاني
يا ابو عيون(ن) فاتنه دعج ووساع = ‎وراك غضيت البصر في ثواني
والا عشان الطائره خلت القاع = واصبحت عال الجو منته بعاني
يا صاحبي والله ما ضاع ماضاع = ‎حبن بنالك وسط قلبي مباني
مدري صفعني من قسا الوقت صفاع = مدري غزيت الهم والا غزاني
مير الوكاد اني من البعد ملتاع = ‎مجني علي وانته بغيبتك جاني
بالمختصر يا صاحبي قدر وراع = راع الوفاء والحب وأغلى الأماني




الشاعر : علـي أبوثنتين[/poem]

الحقيقة نص مميز وابدعت ياعلي واننتظر جديدك بشوق

ابداع وحضور مميز


صح الله السانك


وتمنى لك التوفيق

ودي وتقديري