سلامة الشعب بسلامة وصوله
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,black" type=0 line=0 align=center use=ex num="0,black""]
يامرحبا ياغالين شوف زوله=شوف السعد والخير في طيب الفال
يامرحبا ياللي علينا قبوله=مثل الحيا لاقبل على الارض همال
زعيم دوله لا ولاكل دوله=دوله لها في راية العز منزال
ملك وكل الشعب يلتف حوله=مثل الابو والشعب كله له اعيال
لا مايفرق بين ذوله وذوله=والشايب يناديه ياعم ياخال
يمسح دموع اللي همومه تغوله=وبيدينه الثنتين يقتص الاقفال
همه رضى رب الخلايق ينوله=وخدمة حجيج الله على الحل والحال
خادم حرم مكه ومسجد رسوله=اكبر شرف عنده ومنطوق ينقال
ويشهد على ماقلت انا له فعوله=والارض تشهد في مشاريع واعمال
ماهو كلامن بالمجالس نقوله=هذي حقيقه والحقايق بالافعال
واخذ له بنفسه مع الناس جوله=وسط البيوت اللي من الفقر تنهال
عبدالله الي وان بدت لك فعوله=في عهدة الميمون بالمدح تحتال
صرف على البنيه وكب السيوله=ونبتت مدن طالت على روس الاقذال
لين الرضى خيل علينا سدوله=وتبين المحصول من زرع الامال
صارت صحاري مملكتنا خجوله=من كثر ماجاها من الخير والمال
وتشوفها مثل المهاة الجفوله=اللي بريضان الرخاء راسها طال
ولاعاد بالممشى يبيلك ادلوله=كثر المعالم خلت العين تهتال
وسلامة الشعب بسلامة وصوله=لارضن غلاها ورث بقلوب الاطفال
حياك ياراس الفخر حي الرجوله=في ديرتك وصدور شعبك لك احلال
[/poem]

الحمدلله على سلامة ملكنا ,, والله يحفظه من كل مكروه

صحّ لسانك يا مناحي

مبدع ولله درّك

لاهنت

كل التقدير :wardah:

سعود مشعل

صح بدنك

ابومشعل

صح بدنك اخوي الغالي

ارحب يا مناحي

صح لسانك مدد والله

الله الله الله
متميز ووافي

صح السانك مليارات
على هذه الباهيه الشامخه النادره في معانيها ومفرداتها

تحيتي ومحبتي وتقديري


اخوك \ وليد العمودي

سلطان العطاوي
صح بدنك وشكرا لمرورك العطر

الحمدلله على سلامة أبو متعب ..

وصح لسانكــ يامناحي ..

وبيض الله وجهك ..

محبتي :)

ترحيب رائع في من يستحقه

الحمدلله على سلامة ابو متعب والله يحفظه للاسلام والمسلمين

بيض الله وجهك يا مناحي

وسلمت ،،

..

مناحي ,
الله يبيض وجهك يا مبدع , مودتي لك .
:wardah:

وليد العمودي

صح بدنك

صح لسانك شاعرنا

ولاهنت على هـ الترحيبيه الشامخه

والحمد لله على سلامة ملكنا

تقديري’,,

شاعرة نجدصح بدنك

مستور الذويبي

صح بدنك اخي الغالي

سداح

صح بدنك اخي الغالي