تركي وانا ابوك
 

[poem=font="Simplified Arabic,5,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=0 align=center use=ex num="0,black""]
تركي وانا ابوك تكفى لاتعنيني=ودمعك وانا ابوك لاينزل على شاني
مادام ربي على الدنيا معافيني=انا قريب ودورني وتلقاني
ممشاي ياخو لمى ماهوب مرضيني=لكن حشمة بني عمي وصدقاني
تقدير الاصحاب ياتركي يمشيني=ماني وانا ابوك للاصحاب قوماني
والله لو اني ضعيف الراي ودويني=ماشفت (علي) رفيق الي و(فيحاني)
مافيه حر(ن) كريم الا مخاويني=وذكرت الاثنين لكن دون حقراني
لاصحابي اللي على الشدات وافيني=اعدهم فالشدايد حسبة اخواني
اغيب وان غبت عن شوفتك يوميني=احس ماعاد ينبض دم شرياني
يعني عن الغيبه اصلا لاتوصيني=لو اصبر ليوم واحد ماصبر الثاني
الرود ياغيبة(ن) من بينك وبيني=اليا دنت ساعتي والله توفاني
ليا غرغرت روح جسمي واشطحت عيني=وفارقت معارفي واهلي وخلاني
ثم قمت بالصوت تنعاني وتبكيني=وواريت في مدلهم القبر جثماني
وساويت هاك اللحد باللبن والطيني=واقفيت عني وانا فالقبر وحداني
ثم جوك فيني بني عمك معزيني=اطيبهم اللي بعد يومين ينساني
هاك الليالي ياتركي لاتخليني=رجح بالاعمال ميزانك وميزاني
لو ان محدن عن المعبود مغنيني=يالله باللطف والرحمه تولاني
[/poem]

اللهم امين

والله ونعم الاسم والمنسب يا مرزوق الصويفي

شاعر لا تحتاج لاشادة

ويا كثر معجبينك وانا على راس القائمه

صح لسانك مدد بلا عدد ،

..

اخوي الغالي
وصديقي الوافي
ورفيقي الطيب
اللي اعزه واتنومس به وافخر به

(((مرزوق الصويفي)))

جعل يومك يبطي يابوتركي ويطول عمرك على الطاعه
وصح لسانك كثر ماغنّو الشعار فالجاهليه والاسلام

الله يخلي لك تركي ويخليك اله ولو انه مشغلك عنّا من يوم جا :)


لاكن !! سلّم لي على نفسك ..

الله الله
الله الله

صح لسانك مليون يا ابوتركي
عز الله اتك مبدع

من الشعر الذي يوجب الاعتزاز بالنفس

مرزوق الصويفي
شاعر جميل ومتزن الشعور
لله درك

الله الله
صح لسانك يا مرزوق وبيانك ,
مودتي لك .
:wardah:

سداح

ماعليك زود طال عمرك

ومشكور علي هالاطرا

ومهما حصل نبقي تلاميذ في مدرستك السعرين

تقبل تحياتي

ليا غرغرت روح جسمي واشطحت عيني
وفارقـت معارفـي واهلـي وخـلانـي
ثـم قمـت بالصـوت تنعانـي وتبكينـي
وواريـت فـي مدلهـم القبـر جثمانـي
وساويت هاك اللحـد باللبـن والطينـي
واقفيـت عنـي وانـا فالقبـر وحدانـي
ثم جـوك فينـي بنـي عمـك معزينـي
اطيبهـم اللـي بعـد يوميـن ينسـانـي
هـاك الليـالـي ياتـركـي لاتخليـنـي
رجـح بالاعمـال ميزانـك وميـزانـي
لـو ان محـدن عـن المعبـود مغنينـي
يالله باللـطـف والرحـمـه تـولانـي

اللهم آميين..نسأل الله لنا ولك اللطف والرحمه

وصح لسانك شاعرنا

ولاهنت على هـ الدره

تقديري’,,

نفس الشعورررررررر

مرزوق الصويفي

ياسلام ياسلام

ما اجمل هذه الكلمات العذبه وما اروع سبكهااا سلسه تملكتني

حتى اخر حرف

سجل اعجابي وشكر وتقديري

وصح لسااااااااااااااااانك على كل ماتكتبه

دمت بود

اخوي الغالي

عمر عبدالرحمن

الف شكر على شعورك

وشكرا لمرورك

تقبل تحياتي

،

اللهم امين ..
قصيده فيها من الحزن الشي الكثير
صح لسانك ولاهنت يا مبدع والله يحسن الخاتمه