فرس عنتر
انا ماجيت طامع في فرس عنتر ورمح الزير ولاادور لنفسي عن مكان مايليق ابيها انا يمميت وجهي شطر مايمت وجيه الخير عقدت النيه اللي جيت ازم اقصاي راكبها تنطحت البياض وسقتله دنياي سوق ابعير وذليت الدروب وجيت اهيجن في مناكبها اغني للنقا, للطيب,للروض الخضّر,للطير واسولف للوفا عن سالفة ليلي وصااحبها تحملت الكثير وقلت عن مالا يصير يصير تصاغرت الكبار...وصرت عاقلها وشايبها دمحت الاوله,لجل الوفا.والثانيه تقدير وقلت الثالثه زلت (خبيل)ومن يحاسبها احاول اجبر الكسر القديم ولو بدا تقصير واحول كثر ما حبيت ناسي فيّ احببها وانا في خاطري ليل ٍ سريته واتعب التفكير اخذ مني كثير وهجّني واضنوني اتعبها رميته في ثنايا خافقي غيض وغطيت البير ورحت اكسر من اغصانه بعض دفواي واحطبها جمعت الي جمعت وقلت للحروه تغض السير ونامت بي .عسا مال للمواجع من يقلبها غفت,مدري صحيت الا وما حولي يبي تفسير ومجنون السوالف متعبٍ جرباه يشعبها تاملت الوجيه الي ملامحها بلا تعبير وساع ولا بقا من دمها شيٍ يذربها ذليله. والعزيز الي له التهليل والتكبير رخيصه,,والغلا للي عرف قدره وجنبها ثنيت الرجل عنها واستخرت الله عساها خير لي الوحده,وصحبت هاجسي وحروفٍ اكتبها ولقيت اني أمير بوحدتي واني حقيقي غير وشفت اني بشعري كل خلق الله مصاحبها وجيت ارسم من خيوط الشقا وجهن عليه اغير وعينن ترسم الدمعه فرح والموت حاجبها هلابك يالقصيد وكل وقتٍ به رجال (وخير) هلابك يامحبب نااس فيّ وناس مغضبها هلابك يافرس عنتر وياامضا من حسام الزير تعال اسكن بروحي بعثر اجروحي وهج ابها ابوغااااااده |
هلابك يالقصيد وكل وقتٍ به رجال (وخير)
هلابك يامحبب نااس في وناس مغضبها صح الله السانك ابداع × ابداع ودي وتقديري |
اقتباس:
.. الله الله .. مآشآء الله عليك الله " لا يضرك " .. معنى ومبنى ...ابداع وتصوير .. وجزاله .. لا هنت .. لا هنت يا " سلطآن " .. تقديري لك .. :wardah: .. |
،
لله درك يابو غاده قصيده جممميله بكل تفاصيلها صح لسانك ولاهنت |
سلطان علي هنا وجدت شعر هنا وجدت شاعر كبير هنا وهنا وهنا الكثير من الابداع |
^^^^^^^
هلابكم كلكم من أولكم ألى آخركم شرفتوا متصفحي المتواااااضع |
صح السانك ياسلطان
تحيتي |
أبو غادة
الله عليك ياكبير صح لسآنك مدد والله لاهنت:wardah: |
تنطحت البياض وسقتله دنياي سوق ابعير وذليت الدروب وجيت اهيجن في مناكبها اغني للنقا, للطيب,للروض الخضّر,للطير واسولف للوفا عن سالفة ليلي وصااحبها تحملت الكثير وقلت عن مالا يصير يصير تصاغرت الكبار...وصرت عاقلها وشايبها صح لسانك ياسلطان قصيده كايفه كايفه لله درك ومعاني جزله لك فائق الاحترام والتقدير تحياتي |
ابو غاده
سبكك وحبكك لا يجيده الا القله من الشعراء لله درك من شاعر مبدع وفذ بحق صح لسانك يا استاذ ،، .. |
ابو غاده
شاعريتك وحضورك هنا " مصدر فخر " لنا لإنّك متفرّد في إبداعك كل المحبه لك |
لله درّك يا سلطان
اشهد بالله اني استمتعت بالشعر الحقيقي معك شاعر كبير وقصيده ثمينه والشعر يستاهل والمبدعين امثالك قادرين على الابداع به صح لسانك كثر ما احببت هالابيات واعجبتني محبه وتحيه يا شاعر :) |
هلابك يالقصيد وكل وقتٍ به رجال (وخير)
هلابك يامحبب نااس في وناس مغضبها البيت هذا الشطر الاول منه .. تواضع من شاعر علم والله انك كفوااا والشطر الثاني .. فيه قضيه مايسلمون منها الشعراء المبدعين .. والقصيده كامله والله انها جزله وكافيه شافيه وابداعها لا يوصف صح لسانك عدد حروفها تقبل مروري وودي |
صح لسانك عدد حروفها
يابو غاده ابدعت والله ابدعت صح لسانك لين ترضى |
فوق هـام الشعـــر
|
^^^^^^^^
اخواني والله مروركم شرف لي ولمتصفحي الله لايهينكم وماعليكم زود لاخلى ولاعدم الطله |
صح لسااانك ولا هنت:SnipeR (69):
|
اقتباس:
|
| جميع الأوقات بتوقيت GMT +3. الساعة الآن 11:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية