منتديات المرقاب الأدبية - اول مره انشر من اشعاري معاكم ..الحره .. والشوق الله عليه اكبر عليه اكبر ..

الشوق ألله عليه أكبر عليه أكبر

من كثر شوقي أحس الشوق ينخاني

يقول قومي ترا والله مانقدر

تكفين لاتصبرين اكثر علاشاني

رديت في صمت والحرمان يتحسر

وردت عليه الدموع اللي تحداني

كثر ابعاده تعودت انطره وأصبر

وكثر الفراق اللي حرمني منه قساني

مرت عليه سنين من القهر والمر

أيام .. لكن سنين بحسبت أزماني

لكن غلاته وحبه والوله قدر

مجنون حبي خذاني له ووداني

من لهفتي يم شوفه ماقدر أتأخر

بجيه والله لوانه راح ماجاني

أحب زوله وأحبه واعشقه أكثر

واسمه حفرته حيل دايم على لساني

ياريحة امي وأبوي وريحة العنبر

يابعد من لي من القاصين والداني

سكر ومرمر حياتي بس هالسكر

بس المصيبه ليا حنيت خلاني

أخاف أبين غلاته ثم يتكبر

وأخاف أصبر و أصبر ليييييين ينساني..

وسلامتكم ..