السلام عليكم




[poem=font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
( آمنت بالحب ) حتى طاول حلوفي = واذنبت به لين وصلني على كفره

ابحتفل بألف نظره مرت حروفي = لوكان مامرت عيوني ولا نظره

على الوعد يارقيق الحلم و وقوفي = ماغيرته الليالي وانحنا صبره

هذا أنا / والشعر / والشوق / وظروفي = لليوم يخطي علينا الوقت ونعذره

كل الاماكن مسارح.. لكن بجوفي = مكان اجمل .. ولاني قادر احضره ؟!

وكل المسافات اقصر من مدا شوفي = وابسط طريق امنياتي مقدر اعبره ؟!

ماكنت ابي غير ميعادي .. ومعروفي = ياصغر مطلوبي بعيني وياكبره

وياكبري بجرحي وياكثري بخوفي = انا اقدر الجرح ولا اقدر على ستره ؟؟

ان جيت ابمد للمستقبل كفوفي = اخاف ياتيني البارح مع بكره

حبيبتي والطريق اللي من وصوفي = مريه ( قلبك جديد ) .. ويانع بعمره

( تذكري نفسك ) .. وناديني وشوفي = كيف اطعن الموت من صدري على صدره

ان مت ربي يسامح طعنة سيوفي = وان عشت .. خلي على درب الوفا جره[/poem]

سعد بن هندي
،،
،

المشاركة الأصلية كتبت بواسطة عمر بن عبدالرحمن (المشاركة 1391656) وان عشت .. خلي على درب الوفا جره ياسلام ياسلام وانت لك في الشعر التصويري جرّه واثر واضح ياسعد بهالقصيده العذبه العذبه العذبه صح لسانك يامبدع....