ضامي مشاعر !
مساكم الله بالخير ! ومن القلب للقلب ، لـ المواهب ! ضامي مشاعر ! مااقوى على الفرقا ، ولااقدر اخليك _______ لو بان عند الناس فينـي عذابـك ولاأقوى على بعادك ، ولاأقدر اجافيك _______ لو شاءت الأقدار والوقت عابـك .! محتاج لك .! واليوم جيتك براضيـك _______ بس انت وينك .؟ يابقايا سرابـك .! من لحظة أوداعـك ادوّر خطاويـك _______ يوم الزعل وجّه سهامـه وصابـك وأنا مع العالـم اعيشـك واناديـك _______ وحيّك ، ودارك ، وإنقفالات بابـك .! لاجيتها قالت : عسـى الله يعافيـك _______ مووّت ، بيدينـك سعـادة شبابـك .! والموت .! لو الموت وحـده يكفيـك _______ بموت بس امطّـر علـيّ بسحابـك يمنـاي كتفّهـا بـراحـة أيـاديـك _______ وكثّر عتابك / ياطـراوة عتابـك .! إن جيتني بآعيـش يامنوتّـي فيـك _______ واقـول : يـوم الله ردكّ وجابـك .! عايش على الذكرى وهبّت طواريـك _______ وجيّتك ياعمري عنـاق ، وتشابـك وإن رحت اذكـر لاذكرنـا غواليـك _______ واكتب .! ووقع لي في آخر كتابك .! ضامي مشاعر ، والمشاعر تناديـك _______ داخل على الله .! لايطوّل غيابـك .! :wardah: . . |
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ابيات ابن مازن عن الغير تغنيك=تملا بها فكرك وباقي زهابك يحكم بيوت الشعر حكم المماليك=والبحر لو تقربه .. موجه غدابك [/poem] :woow55: صح السانك ياصديقي ......... انت 100% تشكرات لكل ماتكتب من ابداع يامبدع |
من القلب للقلب يا عبدالرحمن و قد وصلت الى القلب صح لسانك ولاهنت تحياتي لك |
ضامي مشاعر ، والمشاعر تناديـك
_______ داخل على الله .! لايطوّل غيابـك .! صح الله السانك يابو مازن مبدع والشهاده فيك مجروحه وابداعك لا يختلف عليه 2 تقبل ودي وتقديري وأعجابي |
صح لسانك شاعرنا
وتسلم على هـ الأبدااع راائعه من رواائعك..لاهنت تقديري’,, |
هلآ هلآ يا بو رسين :) وحي والله العذوبه المتناهيه , وصح لسآنك يا مبدع في كل حضور لك تكون أقرب وأقرب جعلني ما ابتسيك بس :in_love: : : تحياتي وتقديري وهآك :wardah: |
.
. الغالي والصديق والوفيّ شاعرنا سنجار والله مدري وش اقول ، مير ماعليك زود وثق انني تشرفت بمقابلتك ومعرفتك في تلك الأمسيه الجميله بالطائف فـ شكرآ شكرآ لك وصح لسانك يامبدع تحيتي لك . . |
الله الله الله
عذوبه وابداع ي ابو مازن صح لسانك مليوووون |
ابو مازن
صحّ لسانك يا عذب :) لاهنت دمت بخير :wardah: |
انت كذا يا برنس
صح كلك :wardah: |
صح لسااااانك يابو ماااازن ولاهان شانك ,,,
عاطفيه من الطراز الفريد ,,, تقبل المتابعة والاعجاب .. |
ياسلام يا ابو مازن
صح لسانك على هذا البوح الشفاف والشعر الجميل محبتي ومتابعتي واحترامي ياغالي اخوك |
،
ضامي مشاعر ، والمشاعر تناديـك _______ داخل على الله .! لايطوّل غيابـك .! الله الله ، لله درك يابو مآزن قصيدة من الاحساس النادر ، صح لسانك ودام ابداعك |
شعر وشعور يسحر الالباب ..
لله درك يابو مازن , و صح لسانك .. |
.
. شاعرنا سيف بن صالح مرحبتين ، وصح كلك يامبدع تحيتي لك . . |
.
. شاعرنا صالح السبهان شرف لي ، وصح بدنك ياصديقي تحيتي لك . . |
اول شي تحبني ولا لا
ثاني شي انت مبدع ثالث شي تراني احب رسين ضامي مشاعر ، والمشاعر تناديـك _______ داخل على الله .! لايطوّل غيابـك .! ^ تمنيت انه لي وشكراً |
• من لحظة أوداعـك ادوّر خطاويـك يوم الزعل وجّه سهامـه وصابـك الله الله الله صح لسآنك مليون يَ مبدع |
.
. شاعرة نجد صح بدنك ولاهنتي على مرورك تحيتي لك . . |
مشاعر أروتنا شعر
عبدالرحمن مازن صح لسانك وأعتلا شآنك على هذه الرائعه تقديري لك |
هلا اخوي عبدالرحمن
صح لسانك لاهنت قصيده معبره |
:wardah:
عربون محبه ابداع من كواكب الابداع مجلوبه هالقصيده يابو رسين تحياتي وتقديري واحترامي واجلالي وخواتهن معهن لك يبابو رسين |
| جميع الأوقات بتوقيت GMT +3. الساعة الآن 11:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية