ليه عني سألتي بعد طول الغياب
 

[align=center]السلام عليكم ورحمة الله وبركاته

في المشاركة الاولى لم يتم وضع الايميل

اشكر من دعاني الى هذا المنتدى الكبير

ويسرني ان اطرح جديدي في القادم من الايام على صفحات المرقاب

القصيدة التالية من نبضي في الفترة القريبة الماضية

اتمنى ان تلاقي استحسانكم
[poem=font="Simplified Arabic,6,#CE5C09,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ليه عني سألتي بعد طول الغياب = احسب انك نسيتي واحسب اني نسيت

كن نبرة سؤالك مفعمة بالعتاب = وكن قلبك ينادي من غلاك انكويت

وكن صوت اشتياقك في ثناياك ذاب = وكن حب زرعته في حناياي ميت

انبعث من ضلوعي ما انبعث من تراب = شوق كنت احسب اني من جروحه شفيت

شفت آثار مشيك في طريق السراب = وانت ماتدري اني عن سؤالك دريت

لاح برقك وشفتك فوق متن السحاب = والمسافات دونك مانطوت وانطويت

لكن الحب يبقى طول عمره شباب = كل يوم يتجدد كن توي بديت

مملكة حبك اللي ماتعود خراب = عامرة بالمشاعر كلها بيت بيت

الجروح القديمة والسهر والعذاب = نبض يحيي قصيدٍ ينتهي لو سليت

كل مالوقت سكـَّر .. يم ذكراك باب = ينفتح باب كل ما بالقصيد اختليت

اعرف انك مصيري لكن الراس شاب = وكل نبض بقلبي لك يقول انتهيت [/poem]

وسلامتكم


الإيميل


mr_tasi@hotmail.com

[/align]

،

لله درك يا فيصل
تكتب الشعر الجمممميل ، بإسلوب متفرد ،


اعجابي على قدم وسآق