منتديات المرقاب الأدبية

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يالآدمي في رحلة العمر ما اجهلك!! = ياللي حملت عن الجبال الآمانة
ابليس بجنوده ليا من تورسلك = ورَدك بذنوبك لحوض الاهانة
كم مرةٍ عن قمة المجد نزَلك = في نزوةٍٍ طاوعت فيها هوانه
خَلاك تعصى اللي له العرش والملك = ياللي حياتك كلبوها عشانه
لازم يطابق ظاهر القول داخلك = والمرء كلمة تنكبه من لسانه
واعرف ترى لا اصبحت فالصبح: ( ممهلك )= امدَخل الابرار عالي جنانه
اجعل نصب عينيك يالعابر: آجلك = من شان تاخذ حيطتك قبل آوانه
خلَ الذي عن طاعة الله مشغلك = ما ينفعك يوم الحشر والإدانة
ولا تحتري لا ملت شخصٍ يعدَلك = كلٍ على ماقيل يسرج حصانه
لاشك به قومٍ على الخير تحملك = صحبة ولا تاصل مداها الخيانة
بالنصح والإرشاد دايم تعاملك = ميانةٍ يا حيَها من ميانة
آخير من ممشاٍ مع اللي يضللك = لا اخطيت ما يخبرك : خبث ولعانة !!
وفي غيبتك مع نايد النَاس ياكلك = بلسانه اللي ما يجوَد عنانه
طبع الرَدي يفرح لكثرت مشاكلك = اعرض عنه لاهنت // خلَه وشانه
تبقى عزيز النَفس وايصير منزلك = فوق الجدي سامي رفيع المكانة
وخلَك مثل بحرٍ حمل جاري الفلك = سرَه عميق ويرهبك بهيجانه
والجود صفق الموج باخرك واولك = واتشوفك العالم : وسيع البطانة
والكلمة اللي من لسانك تمثلك = والفايز اللي عن خنا الهرج صانه
اقبل كلام اللي على الطيب زاملك = عابر سبيل ومغترب في زمانه [/poem]

هزاع الشيباني