منتديات المرقاب الأدبية

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا هاجسي حضرَ ويا فكرة تسامي واشلعي = خلَي طواريق الغرام اطوالها واقصارها
البارحة يوم الخيال اخلف ظنون الواقعي = انهلت السبحة وقيفان الشعر وافكارها
والضيقة ألها من ورا عوج الحنايا مرتعي = ( روح ابدوي ) مهما تروح تعود يمَ اديارها
في خضم تضخيم آختلاف الحنبلي والشافعي = ما فاتت الفرصة يمينٍ سمَها بيسارها !!
و بعض الكلام اللي حسبته مثل شعر الآصمعي = عوَد ما غير البندق اللي عيبها بعيارها
لكنَ لا تقسم قبل تطرح وتعرف تجمعي = ياللي غديت امع الكسور اخماسها واعشارها
اللي معي ماهو معك واللي معك ما هو معي !! = حربٍ خفيَة مير دوَر يالفرزدق غارها
ما نيب قايل يا جعل يسري عليك المسرعي = مير السعة يا محيي الفتنة ومشعل نارها
ايه السعَة لا بارك الله في خبيثين السَعي = آهل القلوب السود لا بورك لها فاعمارها
ترا مثل مافيه جاهل فيه مدرك ذو وعي = مؤمن بأن الستر خير // وللبيوت اسرارها
جرَا ذنوب النَاس جدبا الآرض مافيها رعي = وغرَ السحايب لا امطرت ما ربعَت بمطارها
مدري دفاع الجو ولَا يالسَلاح المدفعي !!= إليا ضربت الآرض يمكن مايطير اغبارها
وعمر الخطا ماهو هذاك اللي يسمَى : ( مطبعي ) = ترا الخطا : جرح المشاعر في نفوس آحرارها
وترا الخطا لا جابت القاضي : ( فلوس المدَعي ) !!= وجاك الحكم ضد العجوز اللي تعول اصغارها
وأليا اشعلوا نار الفرح والدَار في وقت النَعي = نعي النَجوم اللي توارت واختفت بنوارها !!
واكبر خطا هي ثورة الشكَاك حول المرجعي= واتفه عضو فالباخرة هيمن على بيطارها !!
وشلون باللَه نرتقي بين الشعوب ونطلعي ؟!= واشراف الامَة يشتكون العلمنة واعصارها [/poem]

هزاع الشيباني