" الـمـرجـــــلـه " !!
. . بسم الله الرحمن الرحيم .. : : قصيده تشرفت بـ عدٌهآ في حفل الشيخ محمد ابن رشيد الجبلي بـ مزاين ام رقيبه !! وتم عرضها على قنآة الصحراء " شيله " بصوتي :icon_mrgreen: وهو كفوؤ ويستآهل : : المرجله عند الرجال إلها مقام ومنزله ,, .. .. .. .. .. .. .. .. ولا كل رجال ٍ ليا جات اللوازم قدها !! والطيب بين الناس مثل الشمس محد ٍ يجهله ,, .. .. .. .. .. .. .. .. وماهو صعيب الا على اللي وقفته ماسدها !! الطيب كايد والمراجل ما تجيك مسهله ,, .. .. .. .. .. .. .. .. وربعي لا جات الصآمله سقم الرجال وندها !!!! حنا هل السيف وهل الوقفات وأهل المرجله ,, .. .. .. .. .. .. .. .. وحنا هل الأمجاد والصمله لا وصلت حدها !! حنا صناديد الرجال وخصمنا ما نمهله ,, .. .. .. .. .. .. .. .. حنا غرام ام الجديل اللي مغير تكدها !! حنا حلاحيل ٍ نحل المعتدي ونحلحله ,, .. .. .. .. .. .. .. .. حنا السيوف المرهفات تودنا ونودها !! وانا من الجبلان يوم الفعل للي يفعله ,, .. .. .. .. .. .. .. .. اللابه اللي شين حظ اللي يوقف ضدهآ !! صلنا وجلنا والقبايل ماهي ابمتجوله ,, .. .. .. .. .. .. .. .. نغزي ثلاث شهور والكلمه تجي ونردها !! يوم الأبل توخذ بعصر أهل السيوف المصقله ,, .. .. .. .. .. .. .. .. حنا حماة الذود والعدوان نلطم خدها !! أفعالنا من قبل والا بالسنين المقبله ,, .. .. .. .. .. .. .. .. بالعز خضنا والفخر جزر البحور ومدها !! وبيوتنا حصن ٍ حصين ٍ من زبنه تضلله ,, .. .. .. .. .. .. .. .. لو كان جاها من معاصير الزمن ما هدها !! واليوم حنا بخير والطيب يجازا بعمله ,, .. .. .. .. .. .. .. .. وأهل الوفا تطلع مطاليع الحرار وهدها !! وانا قصيدي في سمو الطيب راع الاوله ,, .. .. .. .. .. .. .. .. ابن رشيد اللي يدينه للكرامه مدها !! انت الوفا والطيب وعلومك كفو ومجمله ,, .. .. .. .. .. .. .. .. كل العلوم الوافيه قسمك وفيك نعدها !! بينك وبين المرجله والطيب يا محمد صله ,, .. .. .. .. .. .. .. .. اما لقيتك عمها والا لقيتها جدها !! الناس قالوا ما يشيل الحمل يا كود جمله ,, .. .. .. .. .. .. .. .. وانت الحمول الكايده لو كان صعبت قدها !! وكان المراجل واضحه وإلها مقام ومنزله ,, .. .. .. .. .. .. .. .. ابن رشيد المرجله من قبل وآسم خدها !! :wardah: |
.
المـآدح " كفو " & الممدوح " يستاهل " . صح لسانك وبيّض الله وجهك . جزلة من راسٍ جزل . إحترآآمي . :wardah: . |
والله ومليون نعم فيك وفي اللابه اللي انت منها يا فهد الجبلي
قصيدة فخر مستحق وفي محله اجدت .. وابدعت .. وامتعت وصح لسانك مليون في مليون ،، .. |
. حنا هل السيف وهل الوقفات وأهل المرجله ,, .. .. .. .. .. .. .. .. وحنا هل الأمجاد والصمله لا وصلت حدها !! حنا صناديد الرجال وخصمنا ما نمهله ,, .. .. .. .. .. .. .. .. حنا غرام ام الجديل اللي مغير تكدها !! حنا حلاحيل ٍ نحل المعتدي ونحلحله ,, .. .. .. .. .. .. .. .. حنا السيوف المرهفات تودنا ونودها !! وانا من الجبلان يوم الفعل للي يفعله ,, .. .. .. .. .. .. .. .. اللابه اللي شين حظ اللي يوقف ضدهآ !! والنعم فيك وبلابتك صح لسانك الف حضور وافي وجميل لاهنت احترآمي و ج د |
4
ورآجعلك يآخطيييييير |
الشآعر اللي مآيمر مرور والمبدع والخطير / فهد حمود الدبداب الجبلي..
يآمرحبآآ والله فييييك وفالشعررر اللي يطرب ويروي الذائقه.. وانا من الجبلان يوم الفعل للي يفعله اللابه اللي شين حظ اللي يوقف ضدهآ والله ومليوووون نعم في شرآبة الهوآ الجبلان اللي فعولهم تشرّف,, والقصيد يآحلوه فالموآقف هذي.. وكتبت وأمتعتنا بالنص الجزل وعزالله انها محبووكه حبك يالأمييير.. ويستاهل والله محمد ابن رشيد ماقلت فيه وهو كفوو.. وصح لسآآآنك اعداد تجمع الجبلان فالروضتين:) وتقبل تحيّتي ومودتي واعجآآآآبي بك,, وسجلني هنآ وانا ترا ماامر مرور ههههههه أخوك,, |
وانا من الجبلان يوم الفعل للي يفعله
اللابه اللي شين حظ اللي يوقف ضدهآ وانا من الجبلان يوم الفعل للي يفعله اللابه اللي شين حظ اللي يوقف ضدهآ شرابة الهوا / بعيدين المغازي يقف التاريخ أجلالً و احترامً لهذه اللابه وسبعين نعم يا ربع صاهود .. صح لسانك صح لسانك صح لسانك وابن رشيد مجمل و مشكور .. ويستاهل المدح |
اقتباس:
يا مرحبا ومسهلا بـ الغالي !! ماعليك زووووود والله لا يهينك .. شرٌفت !! :wardah: |
وانا من الجبلان يوم الفعل للي يفعله
اللابه اللي شين حظ اللي يوقف ضدهآ وانا من الجبلان يوم الفعل للي يفعله اللابه اللي شين حظ اللي يوقف ضدهآ شرابة الهوا / بعيدين المغازي يقف التاريخ أجلالً و احترامً لهذه اللابه ونعم ونعم وصح الله السانك مليون ودي وتقديري |
والله ونعم ومدحت وربعك يستاهلون المدح
صح لسانك يافهد |
والله ومليون نعم فيك وفي ربعك
صحّ لسانك ولاهنت تحياتي لك |
والله ونعم يافهد فيك وفي ربعك صح لسانك مليار وسلمت يمناك تحياتي |
يستاهل الممدوح والمادح
صح لسانك وصووتك ولاهنت |
فهد الجبلي
والله ومليون نعم فيك وفي اللابه اللي انت منها ومن حصل على المدح يستاهله صح لسانك مدد دمت بخير |
اقتباس:
ماعليييييييييييييك زود يا خآلي والله لا يهينك بحضورك في كل متصفح لي !! منوٌر منوٌر :) |
نعم اللابه ، ونعم القصيده يا فهد
يستاهلون ربعك هذا المدح ، وتستحق الإشاده صح لسانك صح لسانك صح لسانك |
.
. ياوجد لاهنتي يا وجد مرورك أسعدني ! :wardah: |
اقتباس:
مكانك في القلب يآبو هآدي !! :wardah: |
يستاهل ممدوحك
وصح لسانك مدد على هذا الحضور تقديري |
،
يستاهل المدح كسابه ، عز الله ابدعت لكن يا ليتك ترفق لنا فديو مشاركتك بالحفل ، خلنا نشوفك يا مبدع تسجيل يوم فاتتنا شوفتك LIVE ;) تحياتي |
اقتباس:
يا مرحبآ يا مرحبآ يا مرحبآ والله تسجيل اسمك هنا يكفي يا بو هآدي .. لاهنت لاهنت :wardah: |
اقتباس:
فارس ابن مرداس يا مرحبا والله تراحيب المطر نوٌرت وشرٌفت :wardah: |
| جميع الأوقات بتوقيت GMT +3. الساعة الآن 06:06 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية