عشق دبل !!
 

السلام عليكم ورحمة الله وبركاته


جديده وللتواصل والمسؤل عفاس بن حرباش


[poem=font="Simplified Arabic,5,sienna,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
يا قاف مالك من ورى البال طاري=لاباس جعلك ما انت يا قاف زعلان
يا قاف حطيتك خويٍ مباري=وغنيت بك يا قاف من قلب ولسان
ياما بدعت من البيوت العذاري=والفضل لله خالق الانس والجان
اليا دعاء طاريك جيت اله ساري=كم ليلةٍ عشيته جزال وسمان
وانا لو اني عنك ماني بداري=ما جيت ادور في غيابك عن انسان
حكومه وجيبٍ يجوب الصحاري=عشق دبل يا عاشق الجيب نيسان
واليا عطابك مع فياض وخباري=كنه عطاك الدر لولو ومرجان
يا زين بين النبت مشي السفاري=ونقل النظر مابين عشبٍ وغدران
ويا زين لا مروا عسوس الحباري=قبل الامير وبعد ما النور ما بان
ردوا سلام الله وراحوا عباري=جيبين ساقوها عيال ابن شيبان
ساعه وتلمح من بعيد الغباري=موكب قنوص وعجته فوح ريحان
محمد النايف ولا له مثاري=كساب للطاله سلايل كحيلان
اثبت يا جندي نفذ امرٍ وزاري=اسمى تحيه ردها له من الآن
هذا الكريم اللي للأحسان شاري=وهذا الشجيع اللي ردع كل خوان
السيف يوم ان الرجال الشباري=والعز لاجالك من الناس حقران !
[/poem]



وسلامتكم جميع :)

الله الله الله الله

يآحلو القصيد هذا حلوآآه..

شاعرنا القدير / مشخص السلمي..

صح لسآآنك مليوووون في ملووون..

وعسى يمينك ماتنعطب..

وتقبل تحيّتي ومودتي..

أخوك,,

هلا وغلا يابو منصور

اي والله مسؤول واتشرف يارمزنا
ماشاء الله تبارك الله
اللي يقرا القصيده يسافر معكم
صح لسانك يا استاذي

الله عليك يا مشخص
عز الله ابدعت وأمتعت
لله درك , لله درك

مودتي :wardah:

الله يبيض وجهك يابو منصور والله يبيض وجه ابو حرباش الي خلاك تطربنا بجديدك

صح لساانك ملياار ولاهنت يالجزل

تحياتي

مناحي وقصيدة موقف مقناص رسمي

فيها من الوصف مايبهج النفس .

عاداتك الابداع ايها السلمي الخلوق

جدد الاعجاب المبطي ياعم ..

والله ان قصيدك يفتح الشهيه لقراءة وكتابة الشعر

لله درك يا بومنصور

وصح لسانك على الابداع المتواصل من عرفتك ،،،،

..

لله دركــ يابو منصور ..

صح لسانكــ
وصف .. ومقناص .. ومدح ..

ماخليت شي :)

ماقول غير بيض الله وجهكــ

محبتي لكـــ :wardah:

سعود العتيبي


مرحبابك انت الاول دايم :)

يا حلو مرورك انت يا عبدالعزيز

صح بدنك ولاهنت يالغالي


محبه وتحيه :)

بالمهلي يا بومحمد
مرورك الكريم يسعدني ويشرفني
صح بدنك وجعل عمرك طويل

محبه وتحيه :wardah:

هلابك يا بومشعل

صح بدنك ولاهنت على مرورك الكريم

محبه وتحيه من القلب يالغالي :wardah:

وعليكم السلام ورحمة الله وبركاته
هلا اخوي مشخص
صح لسانك لاهنت

صح لسآنك مليون ولايسدون يبو مشخص


وبيض الله وجهك يوم تسود الوجيه


وافي وافي وافي

مآفيك حيله

شاعر من نسل حلاحيل وشعار

لاهنت وتقبل مروري

صح لسانك ولا هنت

ومن قال سالم وغانم يا مشخص
ونحن بالطابع غانمين بشعرك وخلقك
متابعتك الممتعة تثري الخيال المجدب
لك المحبة والتقدير

:wardah: