منتديات المرقاب الأدبية

شاعر وشعري سارجن عالاصيلات
وتصهل بيوتي بالحكم و المثايل
تقدح شراره خشوم الفتيلات
وتجول فالساحات مع كل جايل
بعض الشعر مثل السيوف الرهيفات
ينسل للعدوان و لكل عايل
وبعض الشعر يرقى لحد المنيفات
بجزل الكلام و محكمات القوايل
اسج فالبيدا و حوز الطويلات
وعندي على قولي رهان ودلايل
الراس يقدح بالشيم والمروات
و اليد خطله بالكرم و الجمايل
ياكم فزعنا بالليالي العصيبات
وياكم مددنا بخيرنا لكل جايل
يصحابنا يلي قطعتو العلاقات
لاردكم ربي و لاني بسايل
مادامكم خنتو العهود الوثيقات
فانا بخون و لا عليه دلايل
من باعنا بعناه ولابه حسافات
والله ماتنضر اعيوني لمايل
و ياصاحبن فالقلب حاز المساحات
بلمرجله وطيب وكسب الاوايل
تفداك روحي لو تجيها المنيات
وبرضيك ياصاحب بكل الوسايل
في صحبتك ماشفت غير المسرات
تنصا خويك لو بعز القوايل
انته عضيدي بالليالي العصيبات
ونتا حزامي لا لفتني هوايل
يارب تجمعني بوافي الصداقات
في ضل عرشك يوم فرقا الخلايل

سمو الغامدي