الروايه (... مصافحه اولى...)
 

[align=center]الروايه !!!! [/align]
[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

وش عاد باقي ياهناي ومنايه =ياغايبه مااظن باقي ولاشي

شوفي جروح الوقت.. زادت شقايه =وزاد الظلام بدنيتي وانطفا الضي

صوب الامل بالشوق سارت خطايه =وصوب الشقا سرّا الامل خطوته بي !!

ياروح روحي ...يامناي ...وهوايه=ياالطف من النسمات... واعذب من المي

ان كان جيتيني فــ انا مبتغايه =حبٍ على وضح النقا صافيٍ لي

قربك بليّا شك يروي ظمايه = ويروي ظما قلبٍ شرايينه اظمي

شمس المحبه شعشعت في سمايه =عن حر قيظ الحزن انتي لي الفي

يروي ظلام الليل عنك الروايه = وانا على طاري اللقا منطوي طي

كن النجوم الساطعه في مسايه =ترسم مراسم مسكت ايديك بايدي !!

اتخيّلك يانور عيني معايه =واليا تخيّلتك تناسيت مافيّ

رميت كل هموم قلبي ورايه=واقبلت لك قلبٍ من الحب مبليّ

سبحان من خلّاك باالحسن آيه = وحفظ جمالك من هل الغدر والغي

باعيش طول العمر وانتي رجايه =وغيرك فلا والله يطري وانا حي

وان قيل نار الحب تكوي حشايه =النار تحرق وآخر الطب باالكي [/poem]

ونعم ياعادل سليمان المخلفي

حظور رائع ومصافحه اروع

صح لسانك ونتشرف بك ...

صح لسانك يـ الشاعر

ولاهنت على هـ العذبه والأبدااع الفااخر

وصح صوت العجمي..ابدع ماشاء الله عليه

تقديري’,,

..

حضور مميز اخوي " عآدل " ..
وتوآجد يفرض نفسه .. صحت قوآفيك ..
واسم سوف " نتآبع " جديده هنا .. وهنآك ..
تقديري واحترآمي لك ..:wardah:


..

ياهلا ومسهلا
وحياك الله يا عادل

في مرقابك

سلم قلبك

وصح لسانك كثر العشاق في الشرق الاوسط

..

هلا اخوي عادل
صح لسانك لاهنت

صح الله السانك

وحياك الله وفي المرقاب

ابيات رائعه

ودي وتقديري