غيبة أسبوع !
بسم الله الرحمن الرحيم أسعد الله جميع أوقاتكم بالخير .. . . اليوم كملنا من فراقنا .. أسبوع ! ................... وأسبوع..! يودع حالة القلب حاله ! : ياللي غرامك للشرايين .. ينبوع ! ................... أرويتني .. فيما مضى .. للثماله ! : يوم العتب مرفوع .. والبعد ممنوع ! ................... والشوق .. لعيونك يزيد اشتعاله ! : قبل يصير البعد لك حق .. مشروع ! ................... يومه بشرعك كان .. شبه استحاله ! : يوم ان مالي غير طاريك موضوع ! ................... ولا لك بغيري .. لو يجي لك مجاله ! : يوم الغلا من خافقك .. كان مدفوع ! ................... ومن خافقي .. كان يتدفق وصاله ! : مشاعرك جتني مفاريد وجموع ! ................... ولبيتهاا ،، لبى الغرام .. ودلاله ! : ورحبت بك ! رغم إن مانيب مقطوع ! ................... وفتحت لك .. قلبٍ عسيرٍ مناله ! : وأسقيتك أعذب حب ،، مثني ومربوع ! ................... من قلب قبلك كان يالترف ،، دااله ! : وأسقيتني من عذب مايشبهه نوع ! ................... فريد ! من عاشه يجنب بداله ! : جيت برضاك ! وجيت برضاي لك طوع ! ................... كسبتني ! ماأدري كسبت .. الجماله ! : ماكنت تابع ! وأنت لو كنت متبوع ! ................... أصبحت .. تتبع من تعب منك باله ! : يوم الغلا من قبل لا أدعيك مسموع ! ................... وأسمع دعاك بقلب ! حبّك صفاله ! : قلبٍ .. ربى بأرض بها الحب مزروع ! ................... كان الوصل يرويه .. صافي زَلاله ! : واليوم ضامي منك ! ميت من الجوع ! ................... واقفيت .. رغم اللي لك القلب .. شاله ! : وين أنت ! مايحتاج تشقيني أسبوع ! ................... وأسبوعك أودع حالة القلب .. حاااله ! http://www.shathaaya.com/vb/images/smilies/i.gif طالب الأسمر taleb11@hotmail.com |
لغة راقيه
ياطالب صح لسانك ، |
.
مجنون ياطالب وجننتنا معك . صح لسانك ولافضّ فوكـ . تواجدك يشرفنا لاتحرمناه . :wardah: . |
صح لسانك ياطالب ولاهنت قصيده راقيه
تحياتي وتقديري |
اقتباس:
الله الله الله المبدع/ طالب الأسمر هذا هو الشعر .. وهذا هو الإبداع صح لسااااااااانك أول مره أقرأ لك فيها .. ومع ذلك أنا من هذا اليوم أحد المعجبين والمتابعين لجديدك وننتظر تواجدك في (المرقاب) تحياتي لك |
| جميع الأوقات بتوقيت GMT +3. الساعة الآن 09:29 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية