من المرقاب للمرقاب ... شاعر الملك
 

من امام اللجنه إلى سمو ذائقتكم الراقيه .. أتمنى لها القبول ..
المكان /الرياض .. قناة المرقاب الفضائيه
الزمان / الجمعة 11/5/1432هـ

[poem=font="Traditional Arabic,6,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
انا لي وقت أحاول والمشاعر حبلها مشدود=وحجم شعورها يصعب على الكلمه تعبرها
أدور فالنوادر مايبعدّني عن المنقود=لوصف الهامة اللي يتعب الشاعر تصورها
مليك المملكة حامي حماها سيفها المجرود=وصفوة قادة العالم من أولها ليا آخرها
حميد السيرة اللي كل طاريها مكاسر عود=سليل المجد عز الدار ماضيها وحاضرها
رفع راية بلاده لين ثبتها بقمة طود=على القوة ترفرف بالسما كلٍ يناظرها
وجند روحه لخدمة بيوت الله بدون حدود=وقف فيها وتابعها وعمرها وطورها
على العليا يقدم خطوته ويضاعف المجهود=جهوده لأمة الإسلام ولدينه مسخرها
مواقيفه لها التاريخ يشهد والفعول شهود=على وضح النقا بالعز والحكمة مقررها
صليب الوقفة اللي فعلها وقت الطلب مشهود=عداه ليا نهض قدامها عميت بصايرها
حكيم الرآي والمضمون والمنطوق والمردود=ولو تكبر عليه المعضله عقله يدبرها
كريم الخلق محمود الذكر رمز الكرم والجود=تحاصره المكارم والمروات ويحاصرها
ابو كل اليتامى والأرامل والولد والعود=مساعيه الحميده كل من بالكون خابرها
أبو كفٍ على بذل العطايا راهي وممدود=وشعبه من وفاه يقبل اليمنى ويشكرها
سحابة خير هلت وارتوى منها السهل والعود=ومال الغصن بورود الربيع وفاح عاطرها
غلاه مقيم فقلوب الشعوب وثابت وموجود=ولا يمكن غلاه قلوب خلق الله يغادرها
اذا شفناه قامت تنشر الفرحه هبوب النود=على الشعب السعودي تنثر الدنيا بشايرها
شعوب الأرض من زود الغليبة ينشرون السود=على حكامها وتندد وتعلن تظاهرها
وحنا ننشر البيضا لأبو متعب ولآل سعود= عسى ربي يبارك فالحرار وفي مواكرها
لهم من الوفا يربى عليه ويكبر المولود=ويبقى طبع لين اجسادنا تدخل مقابرها
هذا ميراثنا اللي وارثينه من ثمان جدود=مبادينا ولو جار الزمن صعبٍ يغيرها
[/poem]

وفق الله الجميع :wardah:

حليفك التوفيق



جزالها وفن وتركيب وابداع




الله لا يظرك




فالك الفله والمليون والبنو رامه والله يفكك من العيون ... امين واللي يقرا يأمن

امين واياك

الله لا يهينك ياأبو سعد

اسعدني حضورك

صح لسانك

عزالله اجدت وابدعت

وموفق خيير

يالامير

لله دررررك يا مطر مبدع

واياك يابو صالح

اسعدني مرورك العطر يالامير
احترامي لك

لو دريت ما شاركت

ما معك معشى يا مطر


صح لسانك صح لسانك


عز الله انها جزلة ومبنية على ساس جويد


لله درك يا استاذ


اطلعت واستفدت الكثير

احترامي الخالص

صح لسانك شاعرنا

ولاهنت على هـ المعلقه الفااخرهـ والأبدااع والطرح المميز

تقديري واحتراامي لك

وفق الله الجميع’,,

هـــذا ميـراثـنـا الـلــي وارثـيـنـه مـــن ثــمــان جــــدود
مـبـاديـنــا ولـــــو جــــــار الـــزمـــن صـــعـــبٍ يـغـيــرهــا

صح بدنك يالقرم ولاهنت

عطرت المكان بمرورك

بالتوفيق يا مطر

وصح لسانك

مطر العازمي

انا لي وقت أحاول والمشاعر حبلها مشـدود
وحجم شعورها يصعب على الكلمه تعبرهـا
أدور فالنـوادر مايبعدّنـي عـن المنـقـود
لوصف الهامة اللي يتعب الشاعـر تصورهـا


سالمه من كل منقود : )
وفالك الفلّه ، لكن لا تنسانا من البانوراما أقل شي نسافر عليها لو لـ تركيا :)

مرااااحب يادكتور شرفتني بمرورك الكريم

هههههههه حي هالراس يابو مسفر

يارجال انا قاري قصيدتك الله يجزاك خير الله لنا بس

الله يبيض وجهك ويحييك يابعدي واحترامي الجم لك يالقرم

صح بدنك ياابن عبيان ووجهك ابيض
احترامي لك ولتواجدك الكريم

صح بدنك شاعرتنا واختنا العزيز

لاهنتي على حضورك الكريم واشكر اطرائك وتشجيعك الإيجابي بلا شك

احترامي وتقديري

صح بدنك يابن فاضل