( ماهي غريبه ليا من صرت وافي ) !
 

السلآم عليكم ..

أبيآت

أهدآء ألى خآلي / عطالله بن ثامر بن سرور السيحآني ..

وتقبلوها بتوآضعها ..



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الشعر : معنى / وترتيب / وقوانين=ماهو ياشافي فقط : وزن / وقوافي !
الشعر : له فكر / وأحساس / ومضامين=وكلن له لحاف وآنا لي لحافي
وهبه من الله رزاق المساكين=اللي يعرف الظواهر والخوافي
والمدح يبغاله رجال / وسلاطين=اللي ولدهم يجي دايم سنافي
شروا خوالي عزيزين / وطليقين=ماهي غريبه ليا توعد وتافي
وخوالي أفخر بهم فالعسر واللين=ويحقلي أفتخر فيهم ياشافي
اللي ليا دقت الأجراس صلفين=وسيوفهم فاللقا دايم رهافي
أهل الشرف / والوفا ماضي وهالحين=وبيوتهم نورها ماهو بطافي
وأهل النقا / والكرم / والجود / والدين=وتاريخهم ياولد ماهو بخافي
ورجالهم مايهاب أمن المعادين=وتسفي على من يعاديه السوافي
من لابتن تكرم الأقصى والأدنين=أمن السنين القديمات العجافي
روس الرجال المناعير / الكريمين=أهل القلوب الوسيعه / والنظافي
مالله خلق فيهم ضعوف / ورديين=والرجل منهم ماهو خايب / وهافي
لا والله ألا من أهل المنطق الزين=طيب" / وفعل" ومافيه أختلآفي
أهل النقا / والوفا : قوم السياحين=من يوم كان الأمن ماهو بظافي
الطيبين / المطانيخ / الميامين=وعدوهم ماذكر راح متعافي
والمرجله : للمناعير / الوفيين=والطيب ياصاحبي دربه يشافي
وألا الردي كان فحسابه ملايين=هافي ومن يتبعه فالدرب هافي !
وختامها ياولد طلق الحجاجين=بيت" بقوله ياراع الطيب كافي
وافي وخوالي يابو سلطان وافين=ولاهي غريبه ليا من صرت وافي ![/poem]




وسلآمتكم ..

الشعر : له فكر / وأحساس / ومضامين
وكلن لـه لحـاف وآنـا لـي لحافـي




كفو والله ياعبدالعزيز

انا اشهد انك لك لحافك , جزل جزل جزل


ونعم فيك وبخوالك وعزّ الله انك وافي



يسعدني ويشرفني مروري الاول هنا :)



صح لســـــــــــانك مليون في مليون

وافي وخوالـي يابـو سلطـان وافيـن
ولاهي غريبه ليا من صرت وافـي

الله الله الله الله الله

البيت هذا علقه على صدر الابداع

تستاهل وخوالك يستاهلون

وصح منطوقك

يآمرحبآ والله مليوووون فيك يانايل..

وماعليك زووود يالامير..

وصح بدنك دبل..

ومرورك يعني لخوك الشي الكثير..

ولآهنت لاهنت..

وكل الود..

حجز ملكي

ولي عودة :wardah:

ـــــــــــــــــــــــــــ

فك الحجز :icon29:

والله ونعم البناخي والخوال

عبدالعزيز

خوالك يستاهلون المدح وأنت تستاهل
وقصيدتك تستاهل القراءة والمرور والإشادة
صح لسانك منه إلى ما لانهاية
تقديري لكلك :wardah:

:wardah:

عبد العزيز



الله يطول عمرك قصيد كفو شاعر كفو



ابداع الله لا يظرك لك من التقدير ابلغه




لاهنت

عبدالله السمران..

تستاهل الطيب يآطيّب..

ولاهنت على مرورك ..

وصح بدنك..

كل الود..

عبدالعزيز الجش

صح لسانك وسلم راسك ونعم فيك وفي خوالك

شاعر جزل وبدع جميل



دمت بخير :)

الدلبحي..

صح بدنك..

وماعليييط زود يالدلبحي..

ولاهنت على مرورك..

كل الود..

سعود بن مشعل صح بدنك..

ولآهنت على مرورك..

كل الود..

هلا ومسهلا يابو دعيج..

وحجزك على القلب..

وماعلييييك زوووود..

وتستاهل الطيب يالامير..

ولاهنت على مرورك المشرف..

وكل الود..

ونعم فيك يالجش ونعم في خوالك السياحين ,,

واعجابي يتجدد ويزداد من قصيده الى اخرى ,,,

لانك شاعر متجدد وجميل ولديك خصوصيه في نصوصك ,,,

تقبل اجمل تحية ,,

ضيف الله العالي..


ماعليك زود..

وصح بدنك دبل..

ولآهنت على المرور..

كل الود..

وعليكم السلام والرحمة


والله ومليون نعم في المادح والممدوح وكل طيب يستاهل

قصيدة طيبه الله لا يضرك يا عبدالعزيز وصح لسانك ولا هنت عليها

بانتظار جديدك

عبدالله سعد..

صح بدنك..

ولآهنت على مرورك المشرف..

وكل الود..

كفو كفو

ونعم بالخال وبالبناخي

صح لسانك يا ابو هادي

كفو والله .. والف ونعم في المادح والممدوح ,
صح لسانك ياعبدالعزيز ودائما تكتب النادر الفارق المميز ,
سلمت وسلم إحساسك الرائع :)

مشخص السلمي..

صح بدنك ياجميل !

وماعليك زود..

وتقبل تحيّتي ومودتي..

أخوك,,

صح بدنك..

وماعليك زود..

ولآهنت على مرورك..

كل الود..