مشاركتي في شاعر الملك
 

[poem=font="Arial,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ياغرّة الشعر ياجذوة سنى الإحتدام=شبي فتيل الوفاء والذنب مهو مغفور
هومي بفكرٍ لهومات المشاريه هام=وأركي على ضو جمر الجود عود البخور
سوقي جزال المثايل والمثايل حشام=مايستوي سوقها إلا للمقام الوقور
مادامك بعالي الهمّه رفيع المقام=عبدالله الجود ساس المجد واف الشبور
حمت بفضا فيتل ٍ في كونه المجد حام=والموقف أكبر بنفسي من قصيد وشعور
ياسيّدي دام عزّك والرضا فيك دام=ترفل بثوب الرخى والخير فيك معمور
يااغلى ملك للثريّا همت فوق الغمام=ينصرك واليك بالدنيا ويوم النشور
لو قلت بك يابو متعب مابلغت المرام=لاشك فيك إبتدي والمعتدي للثبور
سلام وإنت الذي قولك لهج بالسلام=نوراً شعاعه بظلمة غيهب الليل نور
جنحت للغانمه وأخذت منها السنام=ساوقتها للمحاسن والدواير تدور
يااصفى سريرة بشر وأكبر وألد الخصام=للفقر بأفعالك اللي دورها اليوم دور
للقول في حضرتك هيبة وقدر ومقام=والشعر كله له بحضرة جنابك حضور
إن جال فيك الثنا بددت صمت الظلام=وان سامرتك القوافي يختلجن البحور
إسمك إلى مر في صدر المثايل وسام=يرفع مقام القصيد وتحتفيه الحضور
يابيرق المجد لا قاد الكلام الكلام=ياملتجا كلمة الحق إن جحدن الصدور
ياللي لشعبك حزام وبالمواقف حسام=سيفٍ إلى لزّه اللازم رهيفٍ بتور
أبلج إلى سل من غمده يقص العظام=يروي كبود العطاشا والمراجل تفور
ياقدوة المقتدي بالعرف والإنتظام=يانور وجه المقام اللي به العدل نور
شعري لك أقبل يقبّل هامتك بإحترام=والمعذره وإن بدالك من محبك قصور
وسلامتك يابو متعب يامنار السلام= يامفخرة شعبك اللي فيك كله فخور
[/poem]

جزززززززززززززززززززززززززززززززله
هاذا القصيدة للي عليه العلم
صح السانك

صح الله لسانك

جزله

جزله

ولاهنت

الله الله

دره من الدرر
صح لسانك مدد

يصح لسانك يـ الشاعر على هـ الشاامخه

ولاهنت على هـ الأبدااع ويستاهل ملكنا الله يحفظه

تقديري لك’,,

حضوركم فخر لي


شكرا لكم جميعا