(( راية الريخ ))
 

[poem=font="simplified arabic,6,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] يابدر يابدر الدجى شفت الأقزام=ترقى على صدور الجبال الشواميخ
يا للعجب يابدر حافيت الأقدام=تال الزمان تفتّخ الهرج تفتيخ
هي ثورة الأيام ولاّ البخت قام؟=يابدر قلّي ياسليل المطانيخ
تكفى ترى فكري تبرجل من العام=حاولت انيخ ولا رضا راسي اينيخ
هنا اتوشّح للزمن درع واحسام=وارفع بوجه المعتدي راية الريخ
ولاّ اطرق افراشي وعن سهري انام=واخلي الهندوس ترتع مع السيخ
اشوف لي يابدر من عدة ايام=روساً تواما والحنايا منافيخ
تجمعو واللي نفر صاحبه رام= تليّمو..ومن الدراهم زناديخ
تحالفوا من باب جده إلى الشام=والظول ماصحّى عقولاً مفاتيخ
مير الصحيح القوم زيزومهم عام=بالمهزله واضحت علومه تلاطيخ
كسرا..إيتبجح مير ماعنده اروام=مادون عرشه غير بضعة نفافيخ
مادام شر..وكان به خير مادام=ولاهي اطواله والليالي تفاريخ
عسى الثقيل اللي سرى يرزم ارزام=بتلا طياح ملولحات الشماريخ
يدوي ثلاث ايام ديماً ودمدام=غيثاً يشلخ هامة القاع تشليخ
يروي ضما عدوداً معاطيشها احيام=وينوّخ اكرام المقانيف تنويخ
لوهي غريره والمواريث صيام=ورعيانها قبل امس صارو..طناطيخ
ماعدنا شدنا على صدرها خيام=يوم الردي منبوذ والصيرمي شيخ
ولاخذينا من المراجل بها اوسام=يوم الثناء بضهور علطاً مصاليخ
النفس عزه والكرامه للإسلام =واهل المعرفه للحقيقه مراضيخ
يابدر بعها ياشفاتي لمن سام=لابوك من دنيا ولابوك تاريخ[/poem]

الغالي



محمد

ـــــــ



صح الله لسانك ـــ






ـــــــــــــــــــــــــــــــــــــــــــــــــ

صح بدنك أخوي فالح وشكرا لك وعلى حضورك


سلامي لك