قصائد / أغنيات لآ يمحوها النسيان ( 1 )
’
كلمات لإغاني من الزمن الجميل :con200: عرفها جمهور الشعر والفن وحفظوها عن ظهر قلب ولازالت رغم مرور الكثييير من السنين تحتفظ ببريقها و بشجنها وتأثيرها السحري في الخوافق :con200: .. (1) البارحه يوم كلن نام ... ما لجلج النوم بعيوني جيت ولقيت الحرس قدام ... وارجع من الباب مغبوني اصفق بكفي واعض ابهام ... ابهام يمناي بسنوني من صابه الحب ما ينلام ... لا صار عاشق ومفتوني حبه بنا بالضمير خيام ... خلو عشيري وخلوني ابتبعه والسلام ختام ... لو المخاليق يدروني كلمات احمد الناصر الشايع (2) علّموه إني على عهد الهوى .. باقي ٍ مادام في عمري مدد ياحبيبي لو يطول بك النوى .. والله ان أصبر على رجوى العهد حبك اللّي من على القلب التوى .. جيت ابفكّه ولكن انعقد لو نحل حالي من الحب الخوا .. مالي بغيرك من الغالين أحد الشباب اللّي من الحسن ارتوى .. ماحد ٍ مثله ملا عيني ابد خلّك اللّي مالقى لجرحه دوا .. ناظر بوجهه علامات الجهد إن قوى فرقاك وإلاّ ماقوى .. ماله إلا الصبر في رجوى الوعد كلمات : السامر (3) آرسل سلامي .. مع نسيم الصباح للصاحب اللي صار وصله صعيب من قلبي اللي .. صار كلَّـه جـراح ما عاد ينفع فيه وصـف الطبيـب وين الليالي .. ويـن هـاك المـزاح من قبل ماحطَّـوا علينـا رقيـب حسبي على اللي .. ماسعوا بالصلاح مايرحمون اللـي صوابـه عطيـب لا تسألوني .. سرهم ما يباح في وسط عيني صورته ماتغيـب كلمات : وحيد (4) قولوا للغالي قولوله ... وشهوله يبطي وشهوله لا جا ولاجا مرسوله ... والحب الله يكفي شره انا عليل الضماير ... انشد واسوق البشاير همي زاد وفكري حاير ... فارقني والفرقه مره امشي وانشد عن مضنوني ... واسهر وانتم ماتدروني دامي ما شفته بعيوني ... ماترقد عيني منسره اترك سكه واقضب سكه ... لقيت ابواب ٍ منصكه جيت الطايف واهل مكه ... قالوا ماشفنا له جره جيت اهل ابها واهل الوادي ... انشدهم حضر وبوادي قالوا عود يا النشادي ... ماجا الدواسر والمره وانشد شمر وانشد علوى ... واهل قطر واهل سلوى قلت انا مبلي ٍ بلوه ... في زين المبسم والغره قالولي وشلون اوصافه ... نرسله ناس ٍ عرافه تجوب بنجد ٍ واطرافه ... تنشد وتلقى مقره قلت اوصافه يا خلق الله ... كامل والكامل وجه الله في عيني مامثله والله ... قلت مره بأثر مره اوصاف الغالي غريبه ... عين وخد وجيد وهيبه عذبني والله حسيبه ... ياما شكيت المضره كلمات : فالح (5) سلموا لي على اللي سم حالي فراقه حسبي الله على اللي حال بيني وبينه وعقب ماهو نديمي صار شوفه اشفاقه تل عرق الموده واقطعه في يمينه وقايد الريم تاخذني عليه الشفاقه ليتني طول عمري دبله في يمينه ولاذكرت الزمان اللي مضى والصداقه عود القلب يرجف مثل رجف المكينه (6) كلٍ نهار العيد عايد حبيبه وإلتم شمل اهل القلوب المواليف وانا حبيبي غايب الله يجيبه ياحسرتي كان انتهى العيد ما شيف المستريح اللي حبيبه قريبه ماهوب مثلي عيشته بالتكاليف ارب قلبي منه يبري لهيبه لااشاهده يا ناس يستانس الكيف جعله نصيبٍ لي وانا من نصيبه هذا منى قلبي ومن غيره امعيف (7) طائرات الميج بزورك حبيبي في ظلام الليل من بعد العشية واقف ٍ حيران ودموعي تنثر ليه يالمضنون ما تسأل عليه راكز النهدين سوا لي بلاوي سالب الأرواح أبو عيون ٍ جلية آه واويلاه واعزي لحالي من عذاب الحب حصلت الأذية (8) أنا البارحة ما أمسيت والمسلمين ارقود حسبي على من كان هذا من أسبابه تراني بخيرٍ لين وقّف نعيم العود ضربني برمحٍ واوسع الحد مضرابه ألا يا محمد جعل عصر الغضي ما يعود و ان حل بي أمرٍ فالأسمر من أسبابه تردى نصيبي والسبب حظي المقرود ويا لعن أبو حظٍ عجز عنه ما جابه والله لولا الله أخشى من المنقود لأشق ثوب الستر ثم أتلوى به يالله يالمطلوب يا منشي الرعود ويا موصلٍ حجاج بيته إلى بابه فّنك تعين اللي تكدر من المنقود حلالٍ يبيه او يترك الشرك واسبابه هلكني وغربلني ولا عليه اشهود جرى الدمع من عيني ولا قلت أنا جابه كلمات: مشعان الحقباني أتمنى ان يحوز على رضاكم واعدكم بجزء ثاني قريبا ً :) مرزوق .. |
الله اله
بعضها احيطها وما احيطها لله درك يا مرزوق دائما تأتي بالمفيد الزاكي:wardah: |
يامرحبا يا سلطان
منور يا بعدي .. لهذه القصائد وقع يجرح أطراف النسيان :( سعدت بمرورك يا غالي :SnipeR (69): |
مرزوق ياخي ذكرتني
http://www.mazarathy.com/upload//upl...a4aa1aa314.jpg لي عودة بالمساهمه معك ابي افتح شنطة حديد لها اسنين مافكت :in_love: |
الله
موضوع رهيب يابو سعيّد بس حنا يالجيل الجديد مايعني لنا شي :11: عادي اجيب شيء ( اجمل احساس فالكون ) ؟ |
يامرحبا ياسنجار
وشوقتني للشنطه الحديد .. وصور العينات اللي حطيتها تدل على كنوز مخبأه :) بإنتظــــأرك :) |
ابو سعيد
يمال العافيه رجعتنا لزمن جميل بذكرياته .. سلمت على هالايراد لو اني تمنيت كلمات اغنية سافري خلي حبيبك ينجرح .. لاهنت والله يابو سعيد حضورك غير .. لك فائق احترامي وتقديري ...!! |
اقتباس:
انت لحقت وقت الفنان يتعب على عمره حتى لو انه شين تشتري الغلاف وتشوف لك زول ادمي يفتح النفس حتى لو انه تمساح تلقى شغال على عمره بالفوتشوب ماهوب وقت ابو سعيد يشتري الشريط يشوف سعد جمعه ومزعل فرحان بس للامانه ترى كان فيه متنفس جيد اللي هو شرطان سميرة توفيق .. :) |
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
خلاص من حبكم يا زيـن عزلنـا =ماعاد لي في هواكم شـف أو رادة اللي شبكنا معـك ياحلـو يخلصنا=يكفيني اللي حصل ما استحمل زيادة أظن فـي حبكـم محـد بغاصبنـا=واظن مانته بعد في حلقـي قـلاده دور علـى غيرنـا بـلاش تتعبنـا=في شرع الأجواد كل يتبع امـراده الله يوفقـك وحـنـا الله يوفقـنـا =الناس واجد وكـم للحـب طـراده أول رغبناك يومـك مثـل راغبنـا =ومن يطلب البعد حنا نطلب ابعـاده أيـام كنـا غشـم يامـا تكلفـنـا=ندور رضاك مهما تخلـف العـادة واليـوم أبشـرك ياسيـدي تعلمنـا=وبدلت نوم الحزم بفراش ووسـادة اللـي هوينـاه حصلنـاه وحصلنـا=وارتاح قلبي علـى رغـم حسـاده[/poem] لشاعر / سعد الجنوبي |
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا كل مايقبل عليه سواد الليل = يجيني بلاي اللي من العام معتاده وياوجد حالي وجد مرضان شاف الويل= يراجع طبيبه كل يومٍ ولافاده مرض ماتبين بالاشاعات والتحليل= عليلٍ سقيمٍ زود الباري انكاده على اللي الضحى مرت على معرض التسجيل=وقامت تجيني كل يومٍ على العاده فتاةٍ بنظرتها تحطم شباب الجيل= تصيد القلوب وقلبها مااحدٍ صاده ربت في ديار ابها الجميله سقاها السيل=صباح ونهار وليل والناس رقاده عسى مزنة ليلية ٍ مع طلوع سهيل= تكاشف بوارقها ولاهي برعاده تسابق سحايبها الغزيره بشكل مهيل= وتسقي وطن مربى الحبيب وميلاده[/poem] علي بن محمد القحطاني |
[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
شفيت خده ونا في موقف ألانقطاع = وقفت وقلبي بغا ياسعود معها يطير كفي تسمر بكفه يوم حان الوداع = تسمير مسمار ديكور ٍ ثناه الشطير والله لو امنعوني مقدر ألامتناع = ياصبري ان خذت عنها ساعةٍ بالكثير الصاحب الي شرا حبي ولاعاد باع = فتحت له عرش قلبي خص ماله خشير يرسل عليه ونا لأمر الحبيّب مطاع = بيني وبينه رسول الخير مثل السفير حبي وحبه طبع فصل الضمير انطباع =ورسلت حبي وحبه عبر موج ألاثير[/poem] لـــــــ عبدالله الجنوبي موضوع غاية الروعه يابو سعيد تحياتي وتقديري :wardah: |
سلموا لي على اللي سم حالي فراقه
حسبي الله على اللي حال بيني وبينه وعقب ماهو نديمي صار شوفه اشفاقه تل عرق الموده واقطعه في يمينه وقايد الريم تاخذني عليه الشفاقه ليتني طول عمري دبله في يمينه ولاذكرت الزمان اللي مضى والصداقه عود القلب يرجف مثل رجف المكينه لا هنت يا مرزوق على الموضوع الطيب :)) تضحك على رد عفاس :icon_mrgreen: |
:
: ياسلام عليك يـ بوسعيّد النسيان لايمحو (( الأثر )) القوي ولا من يصنعه .. !! وثقت قصائد ارتبطت كثيراً بالمخضرمين .. واعادتنا الى الزمن (( الجميل )) والبسيط في طرحه وظهوره .. قبل طغيان (( الصخب )) .. !! رصد رائع .. !! <-- قاعد يتذكر اسطونات (( نجدي فون )) تقدم .. !! teeth: |
الله الله
ذكرتني ايام حلوه قضيناها ,, مشكور على فتح هالموضوع بيكون لي عووده مرره ومررات على خير كل الوود .. |
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
أحكموا بيني وبين العشير العنيد= ياهل العرف حكمه جاير في هواي كل ما تصبح عيوني صباح جديد= أتفكر وأنا ما خطيت وشهو خطاي ماشي طول عمري له على ما يريد=أتصبر عسى الله به يحقق رجاي المحبه بقلبي كل يوم تزيد= أدركوني تراني واصل منتهاي الله اللي بلاني في عيون الفريد= أتقدم وكني بالهوى أرجع وراي أقرب الناس عنده مير كني بعيد= نظرته لي تنكر كيف تبعد مداي لوهو بجروح قلبي ياعرب مستفيد= كان أبخطي وباخذمن جروحي عزاي شوفتي له لك الله كنها يوم عيد= وليت مضنون قلبي ما يشك بغلاي[/poem] ســـآري |
مرزوق
الكلام عن الماضي الجميل وذكرايات أيام زمان المتوشحه بـــ أغاريد الصحراء وأحلام الربيع لها طعمها الخاص ورونقها المغاير. الا توافقني الرأي عندما أقول: هذه القصائد أتت ملاصقه للزمن الجميل مما يجعلنا نستشف من خلالها الحب الحقيقي والنقاء والإخلاص والموده والثقه والأصاله والصدق خلاف مانراه ونسمعه فـ الآونه الأخيره والمخالف تماماً لماسبق ذكره. وتحيه خاصه لك وللموضوع المميز |
• ربمآ لم ندرك جميع مآ ورد هنآ من اغنيآت الزمن الجميل للطرب .. لكن يتضح جلياً انه بالفعل كان جميلاً عبر مآ اوردته من كلمآت مغناه ونشعر بالفعل اننا نعيش في زمن غير جميل فيما يخص الفن واسآسه (الكلمه الجميله) والشعر العفيف .. ألف شكر يَ " مرزوق " / وبانتظآر الجزء الثآني |
[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالت فمان الله بدلنا بهالـدار دار= بكره نبي نمشي ونسكـن فـي ضواحـي قطـر كنت احسب انه ضحك ولا مزح واختبار= لكن فجعنـي دمعهـا اللـي هـل مثـل المطـر واظلم علي الوقت ياهل العرف نص النهـار= ضاقت بي الدنيا العريضه مـن سمعـت الخبـر واكثر عذابي يوم شفت البيـت مابـه قشـار= الا بقايا جـام غرفتـهـا الجمـيـل انكـسـر والبيت متغير بدى ينزل عليه الغبـار= فيـه المجـلات القديـمـه طايـحـه والـصـور قالت تعال اجلس ربع ساعـه معـي باختصـار= تـرى الليالـي فرقتـنـا والقـضـا والـقـدر ولا بقى من وقتـي الا ساعـة الانتظـار = بـودع الجيـران وانـا حالتـي فــي خـطـر كفي دموعك ياحبيبه عنـدي آخـر قـرار = مالـي بديـره ماسكنتـوا فـي حماهـا نـظـر واليو انا قررت أسافر يم ذيـك الديـار = واسكن معك فـي وادي الريـان ياأغلـى بشـر آخر دقيقه كنـت اشاهدهـا علـى ارض المطـار = نادى المنبه للتوجه حـان وقـت السفـر الطايره طارت وقلبي فز معهـا وطـار= والعين هلـت دمعهـا فـي الحـال دمِ حمـر[/poem] علي بن محمد القحطاني |
http://www.6lal.com/abuhamza/Mohd_Ab..._Cartridge.gif
هذا اللي يسمونه الكاترج هالحين يبي يجيني عفاس و النيره و يقولون هذا و ين يحطونه و وشهو... هذا يسمونه الكاترج و لا يشتغل الا فالسيارات الامريكيه مثل الجمس و الكدلك و البـيوك ايام عزها.. و اللي سيارته ما فيها مسجـّل كاترج و لا فيها الا مسجل عادي كان يستخدم هذا المحوّل: http://www.m5zn.com/uploads/2011/5/3...58uabzlybg.jpg وينك يا خط الحجاز لالة العيد سارين نبا اهلنا فالديره...:icon_mrgreen: [poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ترحب بغيري و انا الولهان=و انته عيوني معنـّيها شتان ما بيننا شتان=تبغى الليالي تمضـّـيها ماني سراب و حبي بان=غلطه ولا ابيك تطريها خابرك يا قايد الغزلان=تنصى الكرامه و تشريها لولا لحبك في قلبي شان=ما سلّمك روح ٍ اغليها دانة بحر دونها حيتان=حلفت و الله ما اعطيها لا تضيّع الحب يا فتان=رد الأمانه لراعيها حيّـرت قلبي و انا الحيران=آهات قلبي ما اخفيها [/poem] كلمات : فالح الحان: طارق عبدالحكيم ( ابو صديريه سودا ) :icon_mrgreen: غناء: محمد عبده |
الله الله عليك يابو سعيد
والله موضوع مميز يامفكرنا ومستشارنا العزيز الوكاد ان هذه الاشرطة وهالاغاني لها مع اخوك ذكرى خصوصا ايام اخو الكبير معه ددسن 87 غمارة وستارة حمراء مكتوب عليها ( توكلت على الله ) ودي ما انزل من السيارة 24 ساعة كلٍ نهار العيد عايد حبيبه وإلتم شمل اهل القلوب المواليف وانا حبيبي غايب الله يجيبه ياحسرتي كان انتهى العيد ما شيف شكرا اخ مرزوووو |
المبدع / مرزوق الروقي ,
والله انك جميل بكل شي :) ودمت بخير , |
| جميع الأوقات بتوقيت GMT +3. الساعة الآن 08:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية